«Жол ережесін сақтайық – аман есен жүрейік!»

«Тексерілді»
«Балбөбек» жекеменшік шағын
орталығының әдіскері
__________ Г.К.Сагпазова

Білім беру саласы:Таным.
Ұйымдастырылған оқу қызметі: Қоршаған ортамен танысу.
Тақырыбы: «Жол ережесін сақтайық-аман есен жүрейік!».

№2 «Ботақан» ортаңғы тобының
тәрбиешісі: Орунбекова А.Т.

2016/2017 оқу жылы
№2 «Ботақан » тобында ұйымдастырылған ашық оқу қызметінің технологиялық картасы
Білім беру саласы: Таным.
Ұйымдастырылған оқу қызметі: Қоршаған ортамен танысу.
Тақырыбы: Жол ережесін сақтайық-аман есен жүрейік.
Мақсаты: балаларға жолда жүру ережелерін түсіндіру. Бағдаршам туралы толық түсінік беру. Балаларды көшеде дұрыс жүріп, жол ережесін сақтауға тәрбиелеу.
Әдіс – тәсілдер: көрсету, түсіндіру,жұмбақтар шешу, сұрақ – жауап, мақтау – мадақтау, қорытындылау.
Керекті құралдар: жол ережесіне арналған суреттер, қатырма қағаздан бағдаршам макеті.

Мотивациялық -қозғаушылық

Тәрбиеші:
-Балалар бүгін бізде ерекше күн, өйткені бізде ашық оқу қызметі және бізге көптеген қонақтар келген екен. Қане барлығымыз шаттық шеңберін құрып, келесі сөздерді айтып, келген қонақтармен амандасайық.
Біз кішкентай баламыз!
Өсіп өніп толамыз!
Күнге қарай талпынып!
Күнге қанат қағамыз!
Әлемдегі бар адамға!
Тек жақсылық тілейміз!
-Сәлеметсіздер ме, апайлар, сәлеметсіздер ме, қонақтар!

Балалар топқа келген қонақтарды көрді, шаттық шеңберін құрды.

Ұйымдастырушы-
лық-ізденістік

Тәрбиеші:
-Балалар, бүгін біз «Көңілді доп» ойынын ойнаймыз.
Ойынның шарты: сендерге допты лақтыру арқылы сұрақтар қоямын, сендер допты қағып алып, сұраққа жауап беріп, допты маған лақтырасыңдар.
-Бір жылда неше мезгіл бар?

-Балалар қазір жылдың қай мезгілі?

-Көктем мезігілінде неше ай бар?

-Көктем мезгілінде ауа – райы қандай болады?

-Балалар бір аптада неше күн бар?

-Балалар мен сендерге жұмбақ жасырамын, сендер мені мұқият тыңдап жұмбақтың шешуін табыңдар.
Жұмбақ
Көзін ашып – жұмады,
Бағыт сілтеп тұрады.
Сөйлеуді білмейді,
Бірақ «тоқта», «жүр» дейді.
Ол не балалар?

Жарайсыңдар, балалар!
- Жұмбақтың шешуі бағдаршам екен, олай болса бүгінгі оқу іс – әрекетіміздің жаңа тақырыбы: «Жол ережесін сақтайық» деп аталады. Балалар бүкіл әлемдегі жолдарда, қала көшелерінде жүйткіген түрлі көліктер көптеп кездеседі. Жүргізушілер жол апатына ұшырамау үшін, жол ережелерін бұзбайды. Жол қозғалысын көшеде реттейтін, сенің көшеден өтуіңе көмектесетін сиқырлы үш көзді бағдаршам. Бағдаршам өмірімізді апаттан сақтандыратын көмекшіміз, оның сырын біліп, танып алу баршамыздың міндетіміз. Ол жол қозғалысына қатысушыларға өз жарығымен бағыт сілтейді. Ол машиналарға қызыл көзімен қараса: «Тұр! Жүруге рұқсат жоқ» дегені. Саған жасыл көзімен қараса «Жүруге рұқсат, жол ашық» дегені.
-Балалар сонымен қатар жол тәртібін сақтау үшін жол белгілерін де біле жүруіміз керек.
-Міне мына белгі жаяу жүргіншілерге арналған жолды көрсететін белгі.
-Ал мына белгі велосипедпен жүруге болатын белгіні білдіреді.
-Ал мына белгі балалар жүр дегенді білдіретін ескертпе.
Балалар біз әрдайым жол белгілерін біліп, ережені сақтап отыруымыз керек.
-Балалар қазір бағдаршам ойынын ойнап, сергіп алайық.
Сергіту сәті
Қызыл көзі жанғанда.
Ешқашанда баспа алға.
Сары көзі жанғанда.
Қарап қалма аспанға.
Жасыл көзі жанғанда.
Асықпай жүр тек алға.
-Балалар мен сендерге сұрақ қоямын, сендер жауап беріңдер.
-Көшеде өтіп бара жатқан көліктердің артынан ұстап жүруге бола ма?
-Балалар жаяу жүргінші қай жолмен жүру керек?
-Көшеде жол тәртібін не басқарады?
-Өте жақсы балалар. Қала көшесімен келе жатқанда абай бол! Асықпа! Тек жаяужүргіншілер жолымен немесе жол жиегімен ғана жүр.
Біз күннің екінші жартысында бағдаршам туралы тақпақтар жаттаған болатынбыз. Қане кім маған тақпақтар айтып береді?

Балалар ойын ойнауға қызығушылық танытады.

Балалар сұраққа:
-Бір жылда 4 мезгіл бар.
-Қазір жылдың күз мезгілі.
-көктем мезгілінде 3 ай барнаурыз,сауір,мамыр айлары.
-Көктем мезгілінде ауа – райы күн жылы бастайды ағаштар бүршік жарады жылы жақтан құстар ұшып келеді.
-Бір аптада 7 күн бар, дүйсенбі, сейсенбі, сәрсенбі, бейсенбі, жұма, сенбі, жексенбі.

Балалар жұмбақтың шешуін
-Бағдаршам, - деп жауап берді.

Балалар жаңа тақырыппен танысты.
Жол ережелері туралы слайдқа қарап отырып, түсінік алды.

Балалар жол белгілерін көрді, білді.

Балалар ойынды қызығушылықпен ойнайды.

Балалар сұраққа жауап берді.

Балалар бағдаршам туралы тақпақтар айтты:
Расул:
Көрегенмін, қырағымын,
Үш көзім бар, үш сыншым.
Сақтап халық өмірін.
Тәртіпті мен орнаттым.
Сержан (қызыл көзі):
Мен көзімді ашқанда,
Ешқашанда баспа алға,
Орныңда тұр қозғалма.
Ереже бұл, сен тоқта!
Жания (сары көзі):
Мен көзімді ашқанда,
Қарап қалма аспанға
Жүруге әлі болмайды,
Дайындықты сақтайды.
Ернар (жасыл көзі):
Мен көзімді ашқанда
Көліктер саған тоқтайды,
Ережені білгендер,
Өтуге еш қорықпайды.

Рефлексиялық-
коррекциялаушылыққ

-Балалар бүгін біз немен таныстық?
-Бағдаршамның неше көзі бар?
Жасыл көзі қандай белгіні білдіреді?
-Балалар сендер әрдайым жол тәртібін сақтап жүріңдер, бағдаршамға бағыныңдар, өйткені жол ережесін білсек аман – сау боламыз.
Мақтау, мадақтау, қорытындылау.

Балалар сұраққа жауап береді.
-Бағдаршаммен таныстық.
-Бағдаршамның үш көзі бар.
-Жолдан өтуге болатынын білдіреді.

Күтілетін нәтиже:
Білуі тиіс: бағдаршамның адам өмірі үшін маңызды екенін
Игереді:бағдаршам түстерінің мағынасын;
Меңгереді:бағдаршамның үш көзінің нені білдіретінін