Қысқы табиғаттағы шыршалармен танысу
Бұл құжат ортаңғы «Қарлығаш» тобында ұйымдастырылған оқу қызметінің технологиялық картасын қамтиды. Оқу қызметінің тақырыбы - «Қысқы табиғаттағы шыршалар». Мұнда балалардың шығармашылық қабілеттерін дамытуға бағытталған мақсаттар мен әдістер ұсынылған. Білім беру саласы шығармашылық болып табылады, ал бөлім сурет салу болып белгіленген.
Оқу қызметінде балалар қысқы табиғаттағы шыршалардың суретін салуға үйретіледі. Білімділік аспектісі шеңберінде, балаларға қырау жапқан ағаштардың бейнесін бейнелеуге мүмкіндік беріледі. Әртүрлі бейнелеу құралдарын қолдану арқылы, оқушылар аралас техниканы да меңгереді. Дамытушылық мақсаты - алыста және жақын орналасқан шыршалардың суретін салуға көмектесетін машықтандыру.
Тәрбиелік компонент табиғатқа деген сүйіспеншілікті қалыптастыруға бағытталған. Оқу қызметінде балаларға табиғат пен айналадағы әлем туралы түсініктерін кеңейту мақсатында мотивациялық қозғаушы сөздер мен өлең жолдары тиімді түрде қолданылды. Балалар шығармашылықпен айналысып, қоршаған ортаны танып біледі.
Оқу қызметінде қолданылатын көрнекі құралдар қысқы табиғаттағы шыршалардың суреттерін қамтиды. Қажетті құрал-жабдықтар ретінде сурет дәптері, гуашь бояулары, қылқалам, сүлгілер мен үнтаспа сияқты элементтер де қарастырылған. Әдістемелік режимде балалардың қыс туралы түсініктері сұрақ-жауап арқылы кеңейтіледі, олар табиғатпен байланыс орнатып, мәселелерді шешуге үйретіледі.
Оқу қызметінің соңында, балалар салған суреттерін талдап, шағын әңгімені құрайды. Оқу қызметіне белсенді қатысқан балалар мадақталып, шығармашылық жұмыстарын нәтижелі түрде қорытындылайды. Нәтижесінде, балалар қырау жапқан ағаштардың суретін өз ойларынан салып, оларды толыққанды түрде меңгереді.
Ортаңғы «Қарлығаш» тобында ұйымдастырылған оқу қызметінің
технологиялық картасы.
Күні: 02 .02.2017 ж.
Білім беру саласы: «Шығармашылық»
Бөлімі: Сурет.
Тақырыбы: «Қысқы табиғаттағы шыршалар».
Мақсаты:
Білімділік : Қырау жапқан әртүрлі ағаштардың суретін салуға үйрету, аралас техникамен жұмыс істеуге баулу, түрлі бейнелеу құралдарымен жұмыс істеу.
Дамытушылық :Алыс және жақын орналасқан шыршалардың бейнесін салуды үйретуге машықтандыру.
Тәрбиелік : Табиғатқа деген сүйіспеншілік сезімдерге тәрбиелеу.
Қолданылатын көрнекі құралдар: қысқы табиғаттағы шыршалар көрінісінің суреті.
Қажетті құрал-жабдықтар: сурет дәптері, гуашь бояулары, қылқалам, қылқалам қоятын тұғыр су, сүлг, үнтаспа, баяу әуенді күйтабақ.
Сөздік жұмыс: омбы қар, қырау, аяз.
Қостілділік компонент: Қар –снег, аяз мороз.
Мотивациялық қозғаушы
Арайлап таң атты,
Алтын сәуле таратты.
Жарқырайды қаламыз,
Жайнай түссін даламыз.
Қайырлы таң, достарым.
Балалар өлеңді мұқият тыңдайды.
Іздену-ұйымдастырушы
-Балалар, қыстың жылы күндері естерінде ме?
Тәрбиеші әңгіме, сұрақ-жауап әдісімен балалардың қыс туралы түсініктерін кеңейтеді.
Бой сергіту:
Қайта-қайта қар жауады,
Қыс келгенінің белгісі.
Бойын түзеп, қар жамылды,
Биік, әсем шыршалар,
Қуанады, жайнайды.
Үнтаспадан «Балалар, ағаштарды қыраумен көмкеруге көмектесіңдер. Ағаштар көп, мен үлгере алатын емеспін» деген дауыс естіледі.
-Ағаштағы қар ериді. Бірақ, түнде аяз қарып, оларды қырау басады. Ормандағы түрлі ағаштарды, шыршаларды қармен, қыраумен жабайық. Ол үшін жасыл шыршаларға ақ бояумен қарлардың суретін саламыз. Қар жамылғанда ағаштар қандай болады, естеріңе түсіріп көріндер?
(Мазмұнды сурет болғандықтан мынандай қосымшалар еңгізуге болады: омбы қар, аңның іздері, аспан, бұлт, күн).
Қостілділік компонент: Қар –снег, аяз мороз.
Тәрбиеші жаңа техника – қылқаламның ұшымен сурет салуды меңгерту жұмыстарын жүргізеді. Қырауды жартылай құрғақ қылқаламмен салу жолдарын түсіндіреді. Ол үшін қылқаламды бояуға малып алып, артығын алып тастау үшін қағаз сүрткішке бір рет тигізіп алу керетігін айтады.
-Далада қар жауып тұр. Шыршаларды қар басқан, балалар қар атысып ойнап жүр.
Өлең жолдарына сәйкес қимылдар жасайды.
Қағаз бетіне орман ағаштарының әр түрін қылқаламмен бастыра салады.
Ағаш бұтақтарын, шыршаның үстін басқан қырауды салады. Қылқаламның ұшымен ағаш бұтақтарындағы қырауларды жасайды. Жақын және алыста орналасқан шыршалардың салыну жолын естеріңе түсіреді.
Сүйкей жағу тәсілімен ағаштар үстіне дақтар қалдырады.
Балалар сөздерді қайталайды.
Рефлексивті коррекциялаушы
Осы шығармашылық саласы бойынша сурет салу оқу қызметіне жақсы қатысқан балаларды мадақтау.
Балалар салған суреттерін талдап, шағын әңгіме құрайды.
Күтілетін нәтиже:
Біледі: омбы қар, қырау басқан ағаштардың суретін өз ойларынан салуды.
Меңгереді: алыс және жақын орналасқан шыршалардың бейнесін салуды.
Игереді: сүйкей жағу тәсілімен дақтар салуды.
