Ана – өмір шуағы
Сөйтіп, «Ана – өмір шуағы» тақырыбында өткізілетін тәрбие сағатымыз аналардың балаларымен қарым-қатынасын нығайтуға, балалардың анаға деген сүйіспеншілігін дамытуға арналды. Балалар 8-наурыз мерекесін атап өту барысында ананың қоғамдағы рөлі мен отбасындағы маңыздылығын түсінеді.
Тәрбиелік тұрғыдан миңесіздер, бұнда балалар аналарға арнап тақпақтар, әндер айтып, арнау сөздер айтып, мереке шеңберінде анаға деген шексіз махаббаттарын білдіреді. Мұғалім балаларына ана мен бала арасындағы байланыс, ананың орны мен маңызды рөлін түсінуге көмектеседі. Әр бала үшін анасы – қолдаушы, қамқоршы, тірек, демек, ана туралы сөз қозғай отырып, олардың жүректеріне жылулық пен мейірімділік ұялатамыз.
Тәрбие сағатында түрлі көрнекіліктер қолданылып, балалардың шығармашылық қабілеттері мен тіл байлығын дамытуға мүмкіндік беріледі. Ата-аналар мен балалардың бірлескен әрекеті отбасымыздың берекесі мен мейірімінің символы ретінде байқалады. Аналардың ойы мен сезімдері, балалардың әрекеттері осы мереке шеңберінде жиналғандармен бөліседі.
Мерекенің басты мақсаты – балаларға аналар туралы айтылған мейірімділік, түсіністік туралы мағлұматтар беру болып табылады. Әжелер, аналар, қыздар бір-бірін құттықтап, жүрекжарды тілектер айтып, көңілді нотада өткізілетін бұл шараның тағы да бір мақсаты – аналарды шексіз құрметтеп, олардың өмірдегі орнының қаншалықты маңызды екенін көрсету.
Сабақтың тақырыбы: «Ана –өмір шуағы»
Сабақтың мақсаты: 1. Балаларға 8 - наурыз туралы түсінік беру. Жанұядағы ана мен бала арасындағы қарым – қатынасты нығайту. Анаға деген бала махаббатын ояту.
2. Балалардың ой – өрісін, тіл байлығын, сөздік қорын, ойлау қабілеттерін бала бойындағы өнері мен дарындылығын дамыту.
3. Балаларды аналардың өлшеусіз еңбегін бағалай білуге, аналарды сыйлауға,құрметтеуге, мейірімділікке тәрбиелеу.
Көрнекіліктер: Сынып іші шарлар, гүлдермен безендірілген, ана туралы нақыл сөздер,суреттер,слайд
Мұғалімнің сөзі:
Армысың әжелерім, аналарым,
Мейірбақ аппақ көңіл даналарым
Гүл көктемі алғашқы мейрамымен
Құттықтайды сіздерді балаларың
Дей келе, мектепалды даярлық тобының аналар мерекесіне арналған
«Ана – өмір шуағы» атты ашық тәрие сағатымызға қош келдіңіздер!
Ана-өмір қолдаушысы әлемнің
Шаңырақтың шаттығы мен шуағы
Сейілмесін жанарынан ананың
Тіршілікке төккен нұрлы шуағы
Аялайық аналарды әрдайым
Қуанышқа бөлейікші өздерін
Әжелердің,аналардың,қыздардың
Мұң шалмасын күлім қаққан көздерін
Ана- барлық өмірдің бастауы. Ол адамды өмірге әкеледі, оны тәрбиелейді,өсіреді. Адам бойындағы барлық асыл қасиет күннің нұрынан, ананың ақ сүтінен дариды. Ана -ұлы адам, Ана-құдіретті жан ,ендеше бүгінгі мерекелеріңіз құтты болсын,
Аяулы аналар,ардақты әжелер,арулар!
Отбасыларыңызға құт-береке, бірлік, деңдеріңізге саулық тілейміз.
-Балалар, бүгінгі тақырыбымызға байланысты мен сендерге жұмбақ жасырғым келіп тұр.Шешуін таба аламыз ба?
Бала,бала, бала деп,
Түнде шошып оянған.
Түн ұйқысын төрт бөліп
Түнде бесік таянған.
Бұл кім?
Балалар: Ана, ана, ана.
Бізге осы жарық дүниені сыйлаған кім?
Балалар: – Ол – мейірімді ана.
Түн ұйқысын төрт бөліп, бөбегін бөлеген кім?
Балалар: – Ол – мейірімді ана.
Тәрбиеші: Әрине, бұл біздің аналарымыз.Ана -перзент тәрбиелеуші.Ендеше осы асыл аналарымызға арналған балаларымыздың тақпақтарын тыңдайық:
Әже
Ертегілер көп еді
Күнде айтып береді
Қуанады балаша
Әжем менің тамаша
Ақ мамам
Бізді өсіріп баптаған
Жақсы болсақ шаттанған
Алтыным деп мақтанған
Айналайын ақ мамам
Ақ мамам
Ел жатқанда жатпаған
Мен деп тыным таппаған
Бақыты үшін баланың
Айналайын ақ мамам
«Қызықты сұрақтар»
1 Бір күні әкесі ұлына бір кітап беріп, «Мына кітапты оқысаң, саған 2000 теңге беремін», депті. Баласы 1 аптадан кейін әкесіне келіп, «Әке кітапты оқыдым, 2000 теңгемді бересіз бе?» дейді. Сонда әкесі баласына «Кітапты оқымағансың» деп жауап беріпті. Баласының кітапты оқымағанын әкесі қайдан білген? (Ақша кітап ішінде еді)
Әсем ән мен тәтті күй.
Көңілге түрлі ой салар,
Әнді сүйсең, менше сүй, – деп, Абай атамыз айтқандай Ануар оқушымыздың орындауындағы «Ақ мамам» әнін қабыл алыңыздар.
Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде - алдарыңызда мың бұралған бишілеріңіз.
«Көбелек биі»
- Рахмет, балалар мынадай әдемі би көріп расында да көңіліміз де бір көтеріліп қалды - ау.
Балалар хормен:
Ана- біздің күніміз.
Ана- біздің гүліміз
Балаларды қуантып
Ұзақ өмір сүріңіз
Анамның ақ сүтіндей қасиетің
Сол үшін жөніміз бар бас иетін
Өзіңсің, сенің ғана құдіретің
Болашақ қазақтарды өсіретін
Кезекті бүгінгі мерекеміздің қонақтарына, ардақты аналарымызға береміз
Қорытынды:
Атадан қалған асыл сөзге, ақыл кеніне құлақ түрсек. Ертеде бір жігіттен үйдің алтын қазығы кім деп сұрапты қарт.
Жігіт: Ата, үйдегі алтын қазық бала, — депті жігіт.
Ата: Жоқ балам, үйдегі алтын қазық — ана. Ана ақылды болса, бала дана болады. Ана тәрбиесі қызға үлгі, әке тәрбиесі ұлға үлгі, — депті қарт. Осы қарттарымыздың қалдырып кеткен өнегелі де үлгілі сөздерімен осы ертеңгілігімізді аяқтаймыз.
- Міне, құрметті абзал жанды әжелер, аналар, кішкене ханшайымдар мерекелеріңіз құтты болсын! Осыменен сіздерге арналған ертеңгілігіміз аяқталды. Сау - саламатта болыңыздар!
