Қазақстан – ортақ үйіміз
Қоршаған ортамен таныстыру сабағы балаларға Қазақстанды, оның көпұлттылығын және мәдени алуандылығын түсіндіруге бағытталған. Сабақ барысында балалар тату-тәтті өмір сүріп жатқан түрлі ұлттарды, олардың мәдениеті мен дәстүрлерін зерттейді. Оқушылар өзара қарым-қатынас жасау, ұлттық мәдениетті құрметтеу және бірліктің маңыздылығын түсінеді.
Сабақтың мақсаты – балалардың ой-өрісін дамыту, ұлттық идентификация мен достық сезімдерін күшейту. Мұғалімнің жетекшілігімен өтіп жатқан сабақтарда ойындар, сұрақ-жауап, түсіндіру әдістері қолданылады. Оқушылар еліміздің рәміздері, ұлттық киімдер мен суреттер арқылы мәдени мұраны таниды.
Тренингтік ойындар мен психологиялық дайындық кезеңдері сабақтың мазмұнын байытады. Балалар Қазақстан Республикасының Әнұраны мен құттықтау сөздеріне қатысып, өз елінің тарихымен танысады. Осылайша, балаларды патриоттық сезім мен еңбекқорлыққа тәрбиелейтін бірегей сабақ жүзеге асырылады.
Пәннің атауы: Қоршаған ортамен таныстыру
Сабақтың тақырыбы: Қазақстан – ортақ үйіміз
Сабақтың мақсаты:
Білімділік: Балаларға көпұлтты республикамызда татулық, достық орын алғанын түсіндіру
Дамытушылығы: Ой-өрісін, дүниетанымын дамыту
Тәрбиелілік: Өз ұлтына, тіліне деген сүйіспеншілікке тәрбиелеу.
Сабақтың түрі: аралас сабақ
Көрнекілігі: әліппе – дәптер, Қазақстан Республикасының рәміздерінің, әр ұлттың ұлттық киімдерінің суреттері, плакаттағы суреттер
Әдіс – тәсілі: сұрақ – жауап, түсіндіру, мадақтау, ойын ойнату
Сабақтың барысы:
І.Ұйымдастыру кезеңі
- Оқушылармен амандасу, түгендеу
Қазақстан Республикасының Әнұраны (хормен)
Психологиялық дайындық
Сәлем саған жер ана!
Сәлем саған нұрлы күн.
Аман – есен болайық,
Бейбітшілікті қалайық.
ІІ. Өткенді қайталау
- Балалар біз қай елде өмір сүріп жатырмыз?
- Қазақстан.
- Қазақстан Республикасының президенті кім?
- Нұрсұлтан Әбішұлы Назарбаев.
- Бас қаламыз Елордамыз қалай аталады?
- Астана.
- Біздің ұлтымыз қандай?
- Қазақ
- Біз қандай тілде сөйлейміз?
- Қазақ тілінде сөйлейміз.
- Балалар, Қазақстан Республикасы, қазақ тілі туралы тақпақтар білесіңдер ме?
Қызығушылығын ояту
«Өз туыңды тап» ойыны
Шарты:
Тақтада әр ұлттың туларының суреттері көрсетіледі. Соның
ішінен Қазақстан Республикасының туын тауып алулары керек.
- Бұл не? (Ту)
- Түсі қандай? (көк)
- Туда тағы нелер бейнеленген? (күн, қыран)
- Иә, балалар, Қазақстанда тұратын барлық ұлттардың өмірі күндей жарқырап, қырандай самғай берсін дегенді білдіреді.
ІІІ.Негізгі бөлім
Жаңа сабақ
-Балалар, Қазақстанда жүзден астам ұлт пен ұлыстың өкілдері бір үйдің баласындай тату – тәтті өмір сүріп жатыр. Олар: өзбек, түрікмен, орыс, корей, түрік, ұйғыр, т.б. Көп ұлтты мемлекет үшін мемлекеттік тіл қажет. Қазақстанның мемлекеттік тілі – қазақ тілі.
- Сурет бойынша Қазақстан Республикасында тұратын ұлт өкілдері туралы әңгімелесу.
Дидактикалық ойын: «Қай ұлт екенін және қай ұлттың бас киімі екенін тап!»
Шарты: Әр ұлт өкілінің суреті көрсетіледі. Оқушылар оның қай ұлт өкілі
екенін айту керек. Әр ұлттың киімдерінің суреттері көрсетіледі. Онда киімдері бір бөлек, бас киімдері бір бөлек тұрады. Оқушылар әр ұлттың киімімен, бас киімін сәйкестендіріп сызып қосу керек.
IV. Сергіту сәті:
Тербеледі ағаштар,
Алдымыздан жел соғып.
Кіп – кішкентай балалар,
Үп – үлкен боп өседі.
V. Әліппе – дәптермен жұмыс
-С.Оспановтың «Тілейміз – бейбіт күн» атты өлеңін мәнерлеп оқып беру. Өлеңдегі «Дос құшағын елге ашқан» деген жолдың мағынасын түсіндіру.
Қазақ халқы – бауырмал халық. Біздің елімізде тұрып жатқан орыс, корей, түрік тағы басқа ұлт өкілдері біздің елімізге көшіп келген кезде, оларға байтақ жерімізден жер беріп, жылы құшақпен қарсы алған.
Суретпен жұмыс
-Балаларға әліппе – дәптердегі қазақ, орыс, өзбек, қырғыз халқының ұлттық киімдерін сәйкес түспен бояту.
VI. Қорытындылау
-Балалар, бүгін біз қандай тақырып өттік?
- Қазақстанда қандай ұлт өкілдері тұрады?
- Татулық, бірлік туралы мақал – мәтелдер білесіңдер ме?
- Сендерге бүгінгі сабақ ұнады ма?
VIІ. Мадақтау. Жақсы қатысқан оқушыларды жұлдызша арқылы бағалау.
