«Жас келсе, іске» сайысы - жастардың ұмтылысы

«Жас келсе, іске» сайысы
БҚО, Теректі ауданы, Подстепный ауылы
МКҚК «Бәйтерек» бөбекжай психологы
және инклюзивті білім беру кабинеті дефектологы
Зайнуллина Асель Адиловна

Мақсаты: жас ұстаздардың біліктілігін, өз кәсібінің жан-жақты шебері екендігін сынау арқылы, оларды іскерлікке, мәдениеттілікке, өз кәсібіне үлкен жауапкершілікпен қарауға бар күш-жігерлерін жұмсауға баулу.
Байқауға қатысушылар: жас педагогтар мен олардың тәлімгерлері
Жүргізуші: Қайырлы күн, құрметті педагогтар, әріптестер!
Педагог! Ақыл ойдың кені емес пе ?
Көш бастар замананың ері емес пе ?
Жатталып кейінгіге хаты қалған,
Педагог-күллі әлемнің нұры емес пе ?
Жүргізуші: «Жас маман деген кім ? Олар
Ж - жігерлі
А - алғыр
С - сұлу да сымбатты 
М - мақсаткер
А - айтқанды екі етпейтін
М - мінезі жайсаң
А - арманшыл
Н - насихатты тез қабылдайтын жастар. Бүгін біздің бөбекжайымызда «Жас келсе, іске» атты тамаша сайысымыз оздырғалы тұр. Бұл сайыста кішкене бөбектердің лүпілдей соққан пәк жүрегіне жол тауып, келер ұрпақтың бойына тәрбие мен білімді қатар сіңіре білген, жас та болса жауапкершілігі зор мамандықтың тізгінін ұстаған жастарымыз бақтарын сынамақшы.

Жүргізуші: Үлгі берер тәлімгерің жаныңда,
Жас мамандар, ортаға шық, қаймықпа.
Қошеметтеп қарсы алайық сіздерді,
Өнерменен қуантыңдар біздерді, ­ дей келе ортаға жас мамандарымыз бен олардың тәлімгерлерін қол соғып, қошеметтеп қарсы алайық!

1. Бүлдіршінді баурап алар үнімен,

Ақылына көркі сай қыз, мен білем.
Тәлімгері дәл өзіндей әдемі
Қарсы алайық, Жұмагүл мен Әселді.
Әсел Нұрымқызы және оның тәлімгері Жұмагүл Боранқызы.

1. Салтқа берік, дәстүрді аялаған,

Имандылық жүзіне ұялаған.
Шақырайық Гүлдана мен тәлімгерін
Бар білгенін өзгеден аямаған.
Ортаға жас маман Гүлдана Жолдыбаевна мен тәлімгері Самал Азаматқызын шақырамыз.

1. Баппен қарап, қадамын нақты басар,

Бойында жігер, қайрат оты лаулар.
Жаймен күліп, керегін анық алар
Бағдаттың Салтанаттай бапкері бар.
Бағдат Талғатұлы мен оның тәлімгері Салтанат Қахарманқызын қошеметпен қарсы алайық.

1. Көзінен мейірімділік нұрын сепкен,

Жүзінен жылулықтың желі ескен.
Данадай сұлу жанды тәлімгері
Салауаттың ұрпаққа дәнін еккен Есболат Жанболатович мен оның тәлімгері Дана Мұрадымқызын ортаға шақырайық.

1. Сайыс десе жарысудан қашпайтын,

Ешқашанда күйіп-пісіп, саспайтын.
Айнагүлдей тәлімгері тамаша,
Әрқашанда «жаңа идея» тастайтын.
Жас маманын биіктерге бастайтын,
Құралайдың бағы жанар расында ­ дей келе Құралай Нұрымжанқызы мен оның тәлімгері Айнагүл Кеңесқызын қошеметпен қарсы алайық.

Жүргізуші: Жас мамандар гимні
(Жас мамандар мен тәлімгерлердің орындауында)

Жүргізуші: Құрметті сайысқа қатысушы жас мамандар мен тәлімгерлер, және көрермен педагогтар сайысымызды бастамас бұрын сайыскерлерге сәттілік тілесін дей отыра алғашқы сөз кезегін өз ісінің шебері, ұстаздықтың ұлы жолын сапар еткен, бөбекжайымыздың басшысы Серікқалиева Сағима Имангерейқызына ұсынуға рұқсат етіңіздер.
С.И.Серікқалиева сөзі.

Жүргізуші: Бүгінгі сайысымыздың басты кейіпкерлері жас мамандар мен олардың тәлімгерлерін тағы да бір қол соғып қошеметтей отырып, орындарына жайғасып отыруларын сұраймыз.
Өнеріне сайыскер сынмен қарап,
Әрқашанда беретін әділ баға.
Әділқазы алқасы қош келдіңіз,
Алайықшы танысып алдын ала.
Бүгінгі сайысымыздың әділқазылар алқасымен танысайық:

1. Серікқалиева Сағима Имангерейқызы – МКҚК «Бәйтерек» бөбекжайының директоры

2. Турешова Камшат Бақтығалиқызы ­ МКҚК «Бәйтерек» бөбекжайы, инклюзивті білім беру кабинеті психологы

3. Сарсенова Айнұр Серікқызы ­ МКҚК «Бәйтерек» бөбекжайының әдіскер-инноваторы.

Жүргізуші: Әділқазылар алқасымен танысып алсақ, енді сайысымыздың кезеңдерімен танысып өтелік.

1. Таныстыру (ерекше таныстыру)

2. Блиц турнир (сұрақ­жауап)

3. «Өнерлі жас маман» (өз өнерін көрсету)

4. Ситуациялық сұрақтар

5. Педагогикалық идеялар аукционы (үй тапсырмасы – ҚР Тәуелсіздігінің 25 жылдығына орай ұйымдастырылған ҰОҚ- көрнекіліктер дайындау)

Жүргізуші: Сайыс бес ұпайлық жүйе бойынша бағаланады. Жеңімпаз әділқазылар шешімімен анықталады.
Сайысымызды бастамас бұрын жас мамандарды өздерінің кезектерінің ретін анықтау үшін ортаға шақырамыз.
(әділқазылар алдындағы жасырулы сандарды алып, өнерлерін көрсету ретін анықтайды)
Сонымен сайыскерлеріміздің өнер көрсету реті анықталды. Тағы бір нақтылап өтелік
Бірінші болып өнер көрсететін ......
Екінші болып өнер көрсететін .......
Үшінші болып өнер көрсететін ......
Төртінші болып өнер көрсететін ......
Бесінші болып өнер көрсететін ......

Жүргізуші: Ендігі кезекті сайысымызға берейік.
Қазағымның ежелгі салтыменен,
Күмбірлеп күй, айтылсын назды өлең.
«Танысып бір, ерекше» алайықшы,
Ашылсын сан қырларың біз білмеген – дей келе кезекті «Ерекше таныстыруға» береміз. Ортаға сайыскерлерімізді шақырайық.

Жүргізуші:Құрметті әріптестер ортаға бөбекжайымыздың тәрбиешісі Камшат Құмарқызын Қалқаман Сариннің «Тәуелсіздік» өлеңімен ортаға шақырамыз.

Жүргізуші: Кезегі «сұрақ­жауап» келіп жетті,
Он сұраққа жауап тап сен тездетіп.
Біліміңді жан-жақты сынап көргін,
Сұрақты мен қояйын жеделдетіп.
Келесі кезек «Блиц сұрақтар». Бұл кезеңде әр сайыскер мына қоржыннан сандар жазылған асықты таңдап алады. Таңдап алған асықтың санына сәйкес сұрақтар ашылады. Әр сайыскерге он сұрақтан қойылады. Оның төртеуі заңнан, төртеуі мектепке дейінгі білім беру стандартынан және екеуі салт­дәстүрден болады.

Блиц сұрақтар:

1. сайыскер:

1. ҚР ең қымбат қазынасы болып саналады?

Адам және оның өмірі, құқығы мен бостандықтары

1. ҚР Конституциясында баптар мен тараулар саны?

98 бап 9 тарау

1. ҚР мемлекеттік әнұранының авторлары -

Ш.Қалдаяқов, Ж.Нәжмеденов, Н.Назарбаев

1. «Денсаулық» білім беру саласындағы ұйымдастырылған оқу қызметі:

1) дене шынықтыру;
2) қауіпсіз мінез-құлық негіздері.

1. 1 жастан 2 жасқа дейін:

ерте жасы

1. Балаларды тәрбиелеу мен оқыту деңгейлерін қадағалау неше деңгеймен бағаланады?

3 деңгейде

1. Тәртіпке барабар мінез құлықтың баламасын таңдау қай білім беру саласының құзіреттілігі

Әлеумет

1. Адамға тән қозғалыс реакциясы, іскерлік, дағды және күрделі қозғалыс қимылының жиынтығы

Моторика

1. Үш қуат: 

Ақыл, жүрек, тіл

1. Домбырада – жетеу, сырнайда – алтау, қобызда бесеу. Бұл не?

Әріп

1. сайыскер

1. Заң бойынша бала деп кімді атайды? 

18 жасқа толмаған адам

1. Тәуелсіз Қазақстанның тұңғыш Ата Заңы қашан қабылданды?

1995жыл 30 тамыз

1. ҚР Мемлекеттің туының авторы?

Ш.Ниязов

1. «Коммуникация» білім беру саласының ұйымдастырылған оқу қызметі:

1) сөйлеуді дамыту;
2) көркем әдебиет;
3) сауат ашу негіздері;
4) қазақ (орыс тілінде оқытылатын топтарда), орыс (қазақ тілінде оқытатын топтарда) және шет тілдерінің бірі;
5) драма.

1. 2 жастан 3 жасқа дейін:

кіші жас

1. Ұйымдастырылған оқу қызметіндегі сергіту сәті қашан оздырылады?

7-8 минуттан кейін

1. Сұрақ қоюға, эксперимент жасауға, себеп­салдарлық байланыстарды орнату қай білім беру саласының құзіреттілігі

Таным

1. Баланың өзіне және өзінің іс­әрекетіне баға беруі, балалар мен ересектер арасында өзін қалай қабылдайтынын түсінуі

Рефлексия

1. Үш ғайып: 

Қонақ, несібе, ажал

1. Теңізде қандай тас болмайды?

Құрғақ

3-сайыскер

1. Отанға деген сүйіспеншілік дегеніміз?  

Патриотизм

1. ҚР «Баланың құқықтары туралы» заң қашан қабылданды? 

2002 жылы 8 тамызда

1. ҚР мемлекеттік елтаңбасының авторлары — Ж.Мәлiбеков пен Ш.Уәлиханов.

2. «Таным» білім беру саласының ұйымдастырылған оқу қызметі:

1) қарапайым математикалық ұғымдарды қалыптастыру, бөбек жасы топтарында (1 жастан 3 жасқа дейін) – сенсорика;
2) құрастыру;
3) жаратылыстану.

1. 3 жастан 4 жасқа дейін:

мектепке дейінгі кіші жас

1. Мектепке дейінгі естияр жастағы балалар үшін ұйымдастырылған оқу қызметінің ұзақтығы:

25-30 минутты құрайды.

1. Көркем құралдармен жеке көркем бейнелер жасауға мүмкіндік беретін қандай білім беру саласының құзіреттілігі

Шығармашылық

1. Ана тілімен қатар екі тілді меңгеруі, қотілділік

Билингвизим

1. Үш қадірлі:

Ырыс, бақ, дәулет

1. Қызыл теңізге ақ орамал салса не болады?

Су

4-сайыскер

1. Адамның ешкім қол сұғуға болмайтын құқығы не? 

Бостандық.

1. Баланың құқығы туралы заң неше тарау, неше баптан тұрады? 

10 тарау, 53 баптан.

1. Бала құқығы туралы Конвенция қашан қабылданды? 

1989 жылы 20- қарашада.

1. «Шығармашылық» білім беру саласының ұйымдастырылған оқу қызметі:

1) сурет салу;
2) мүсіндеу;
3) аппликация;
4) музыка.

1. 4 жастан 5 жасқа дейін:

мектепке дейінгі орта жас

1. Мектепке дейінгі орта жастағы балалар үшін ұйымдастырылған оқу қызметінің ұзақтығы:

15-20 минут

1. Ауызша қатынастың алуан түрлі құралдарын қарым-қатынас пен өзара әрекет құруда пайдалану қай білім беру саласының құзіреттілігі

Коммуникация

1. Педагогикалық жаңалықтарды жасау, қабылдау, бағалау, игеру және қолданудың басқару процесі

Инновациялық процес

1. Үш қадірсіз: 

Жастық, денсаулық, жақсы жар

1. Адам тамақ пісірерде ең бірінші қазанға не салады?

Көз

5-сайыскер

1. Өз тағдырыңды өзің шешудің тарихи мүмкіндігі ­

Тәуелсіздік

1. Бала құқығы туралы Конвенцияға Қазақстан Президенті қай жылы қол қойды?

1995 ж. желтоқсанда

1. 1-маусым-

Балаларды қорғаудың халықаралықкүні.

1. «Әлеумет» білім беру саласының ұйымдастырылған оқу қызметі:

1) өзін-өзі тану;
2) қоршаған ортамен танысу;
3) экология негіздері.

1. 5 жастан 6 (7) жасқа дейін:

мектепке дейінгі естияр жас

1. Ерте жастағы балалар үшін ұйымдастырылған оқу қызметінің ұзақтығы:

7-15 минут

1. Денсаулық сақтау негіздері мен жеке бас гигиенасының дағдыларын меңгеруге мүмкіндік туғызатын қай білім беру саласының құзіреттілігі

Денсаулық

1. Әрбір жас топтарының ерекшелік көрсеткіші; нақты бір жас топтары үшін қызметтің белгіленген түрі

Индикатор

1. Үш көз: 

Су анасы – бұлақ, жол анасы – тұяқ, сөз анасы – құлақ

1. Лимонның жартысы неге ұқсайды?
   Екінші жартысына

Жүргізуші: Жас көңілдер жайнасын,
Шешен тілдер сайрасын.
Айтып жібер бір әнді,
Әншілерім қайдасың?
Ортаға «Саржайлау» әнімен саз жетекшісі Арайлым Жұлдызбайқызын шақырамыз.

Жүргізуші: Өнер көкке жеткізер 
Өнер болса қолыңда 
Өнершінің ырысы 
Жарқырап жатар жолында – дегендей келесі кезекті «Өнерлі жас маман» кезеңіне береміз. Сайыскерлерімізді қошеметпен қарсы алайық.

Жүргізуші: Қане, жастар пікірлесіп алайық,
Қилы­қилы ойды ортаға салайық.
Сан салалы асыл ойлар тоғысып,
Толғандырған жайды шешіп алайық.
Келесі кезекті «Ситуациялық сұрақтарға» бере отырып, сайыскерлеріміздің озық ойы мен ұтымды пікірлерінің куәсі болайық.
1

1. Бүгін сіздің үстіңізден балабақша әкімшілігіне бір тәрбиеленушінің ата-анасы «Менің баламды үнемі өзгелерден шеттетеді. Тіпті мүлдем көңіл бөлмейді. Шара қолданыңыз» деп арызданды. Әкімшілік тараптан да сізге ескерту жасалып, тез арада ата­ананың арызын қанағаттандыратындай шара қолдану керектігі айтылды. Сіз не істейсіз?

1. Сіз ұйымдастрылған оқу қызметін презентация түрінде дайындап келдіңіз. Бір тәрбиеленуші сіздің көзіңізді ала беріп барлық материалдарыңызды кетіріп алды. Сіздің әрекетіңіз?

2

1. Топта бір балаға мықтап ұрысып алдыңыз. Ал ол үйіне барып «Мені апай ұрды» деп ата-анасын ертіп келді. Сіздің әрекетіңіз?

1. Сіз белгілі себеппен топтан шығып кеткенде, бір тәрбиеленуші сіздің сөмкеңізден ұялы телефоныңызды алып, ойнап отыр екен. Тіпті ішіндегі кейбір суреттеріңді де кетіріп үлгеріпті. Сіз не істейсіз?

3

1. Сіз дайындаған ашық ұйымдастырылған оқу қызметі барысында бір тәрбиеленуші ұйымдастырылған оқу қызметін өткізуге мұрсат бермей отыр. Сіз не істейсіз?

1. Бір бала үнемі балабақшаға ұқыпсыз келеді. Шашы өскен, киімі үтіктелмеген. Дене шынықтыру ұйымдастырылған оқу қызметіне спорттық киімін үнемі әкелмейді. Сіз ата-анамен қандай жұмыс түрін жүргізер едіңіз?

4

1. Сіздің бір ата­анаңыз үнемі бір баланы өзінің баласына тиіседі деп кіналайды. Ал шындығына келгенде оның баласына ешкім тиіспейді. Ол кіналап отырған бала оның баласымен жақсы қарым-қатынаста деуге де болады. Бірақ ата­анасының көзінше балаларға еш жақындамайды. Сіз ата­анасының олардың балаларына ешкімнің тиіспейтініне көзін қалай жеткізесіз?

1. Сіздің топтағы бір тәрбиеленуші барлық заттарды үнемі шашып тастайды, ал ойнағанда ойыншықтарды ешкімге бермей, өзгелердің ойыншықтарын тартып алады. Сіз ол баламен қандай жұмыс жүргізесіз?

5

1. Бір тәрбиеленушінің ата-анасы сіздің үстіңізден үнемі арызданып, сізді басқа топқа ауыстырмақшы. Ал сіз өзіңіздің тобыңыздан кеткіңіз келмейді. Үнемі ата­ананың арызын тыңдаған әкімшілік те сізді ауыстыруға шешім қабылдады. Сіз өз тобыңызда қалу үшін не істер едіңіз?

1. Сіздің топтағы Ермек әкесі алып кетуге келген күні үйіне барудан бас тартып, «анам келсін, мен әкеммен үйге бармаймын» деп қырсығып отырып алады, тіпті жылайды да. Сіз не істейсіз?

Жүргізуші: Тәуелсіз елдің түлегі,
Болашақтың жүрегі,
Ортаға сал ойыңды.
Ұрпағыңа ұғымды,
Болсын ойың ұтымды,
Таңқалдырар ұжымды.
Ендігі кезекті «Педагогикалық идеялар аукционына» келіп жетті. Бұл жас мамандарға берілген үй тапсырмасы болатын. Олар ҚР Тәуелсіздігінің 25 жылдығына орай ұйымдастырылған ҰОҚ- көрнекіліктер дайындау керек. Кезек өздеріңізде, жас мамандар.

Музыкалық пауза:

Жүргізуші: Сайысымыз да өз мәресіне жетті. Сайыстың қортындысын айту үшін әділ қазы мүшелеріне сөз береміз.

Жүргізуші: Білімнің айдынында жүзіп өткен,
Ұстаз екен білімнің нәрін сепкен.
Сен арқылы бастау алып, дана ғылым,
Сен арқылы әлемді танып білген - дей келе бүгінгі «Жас келсе, іске» атты сайысымызды Тәуелсіз еліміздің 25жылдық мерейтойына орай Р.Әлқожаның орындауындағы «Атамекен» әнімен аяқтауға рұқсат етіңіздер.