Жолда жүру ережесі: балаларға арналған сабақ

Сабақтың тақырыбы: Жолда жүру ережесі
Сабақтың мақсаттары: Ойынды тәрбие құралы ретінде пайдаланып бала сезімін кеңейтіп тілін ұштастырып жол ережесін жасына сай меңгерту. Қалыптасқан түйсіктерін, білімдерін пысықтап, адам өмірі үшін қажеттілігін түсіндіру. Жаяу мен көліктің байланыс қатынасын білдіру.
Көшеде жүру ережесін білдіру арқылы жолда жүру мәдениетін үйретіп сақтыққа тәрбиелеу.
Сабақтың көрнекілігі: рульдер, белгілер, жол белгілерінің суреттері, бағдаршам.
Сабақтың барысы: ән-әуенімен балалар екі-екіден кіреді, алдыңғы бала жүргізуші қолында рулі бар, артындағы бала жолаушы. Белгілі орынға тоқтайды, жолаушы қатарласып тұрады.
Тәрбиеші: жолда жүру ережесінің жеңімпаздарының атынан жалынды сәлем!
Ән. Жас жолаушылар жыры
Сапар шексек сіз бен біз,
Сан көлікке мінеміз.
Троллейбус, трамвай,
Автобуспен жүреміз.
Қайырмасы: Көлік, көлік, көлік
Көліктерге мінеміз.
Көшелермен, көшелермен
Күнде тынбай жүреміз.

Тәртіп бұзсақ абайсыз,
Жағдай туар қолайсыз.
Маи қызметкерлерінен
Сан кешірім сұраймыз.

- Балалар, мен сендерге мынадай жұмбақ жасырайын, сендер шешуін тауып көріңдерші.
«Аяғы бар жүрмейді,
Аузы жоқ сөйлемейді» (Бағдаршам)
Міне, бізге бүгін көшеден кім қонаққа келіпті. (Бағдаршам). Қатты қатырма қағаздан жасалған бағдаршамның үлкен суреті.

• Бағдаршамның қызметі қандай?

• Жол тәртібін реттеуші

• Балалар бері қараңдар, хат әкеліпті ашып көрейік, не жазылыпты.

Ойын. «Бағдаршам құрайық»
Ойынның шарты таяқшаларды алғаннан кейін үш жерге топталып,
белгілерін айтады. Хормен тұр, күт, жүр.

Қызыл көзін ашқанда
Сынық сүйем баспа алға.
Сары көзін ашқанда
Қарап қалма аспанға.
Жасыл көзін ашқанда
Өте бергін жасқанба!

• Балалар жүргіншілерге мынандай сұрақ қойыпты.

• Жүргіншілер қай жолмен жүру керек?

• Жиек жолмен жүреміз.

• Жиек жол болмағанда ше?

• Жер асты жолымен.

• Жолдың қай жағымен жүру керек?

• Оң қол жақпен жүреміз

• Ата-аналарыңа барғанда, қоғамдық көліктерге қай жерден отырамыз?

• Аялдамадан отырамыз.

Өте жақсы балалар, бағдаршамның берген сұрақтарына өте жақсы жауап бердіңдер.
Енді көлік жүргізушілерге мынандай сұрақтар әкеліпті.

• Балалар сендерге қай жастан бастап велосипедпен жүруге рұқсат етіледі?

• Жол ережесін жақсы білгенде, 14 жасқа толғанда.

• Өте жақсы балалар.

• Балалар жол ережесін бәрің білесіңдер ме?

• Білеміз.

• Кім көрсетіп, атап береді.

Балалар бағдаршамның қызыл жарығы жанғанда кімдерге өтуге рұқсат
етілген?

• «101» өрт сөндіруші машинасына

• «102» полиция машинасына

• «103» жедел жәрдем манинасына белгілі бір дауыс беру арқылы

өтеді.
Өте тамаша балалар, сендер бағдаршам әкелген барлық сұрақтарға керемет жақсы жауап бердіңдер.
Сендерге тағы бір ойын әкеліпті. «Белгілерді құрастыр және атап айтып бер».
Ойынның шарты: балалар алған жарты белгінің екіншісін тауып құрастырасыздар, сонан кейін атап берулеріңіз керек, өте жақсы, тамаша балалар.
Бағдаршам болып киінген үш қыз тақпақтарын айтып береді.
Қызыл: Қызыл көзі жанғанда
Қалт тоқтай қал табанда.

Сары: Сары көзі жанғанда
Сақ абай бол барынша.
Жасыл: Жасыл жарық жол ашық,
Жүгіре бер бел асып.

Үшеуі бірге: Бас аяқты ойлап,
Бол ұқыпты жолда.
Қонақтарға арналған сыйымыз бар. Кім жұмбақты шешсе, сол иеленеді.
Балалар сыйлықтарын қонақтарға береді.
Жанатын бағдаршам.
Қызыл жанады: қозғалмай тұрады.
Сары жанады: қол шапалақтайды.
Жасыл жанады: орында тұрып жүреді де сәлден кейін:
Әрқашан күн сөнбесін
Аспаннан бұлт төнбесін
Қасымда болсын анам
Болайын менде аман,-
әнімен залдан шығып кетеді.