Технологиялық карта: 3 топта ұйымдастырылған оқу іс-әрекеті

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: Балабақша үйіміз (тілдің грамматикалық құрылысын қалыптастыру)

Мақсаты:

балабақша туралы түсінік беру;

достарына қамқор болуға тәрбиелеу;

танымдық қызығушылықтарын арттыру.

Көрнекіліктері: қоян, тиын ойыншықтарын, балабақша қызметкерлерінің суреті , доп.

Сөздік жұмысы: сөре ,аспаз, мейірбеке.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Үстел үстінде ойыншық қоян, тиін және суреттер тұрады.
-Қараңдаршы ,бізге қандай жануарлар келіп отыр? Олар мұңайып отырған сияқты.

Жарты шнңбер жасап тұрады.
Сұраққа жауап береді.

Ұйымдастыру-іздестіру

Іс-әрекет кезеңдері

Тиін:
-Күнде сөреде отырып шаршадық. Бізде де балабақша болса екен деп армандаймыз.
-Мұңаймандар, біздің балалар сендерге балабақшаның не екенін айтып береді.
Балабақша туралы білетін өлеңдерін оқуды ұсынады. Сұрақтар қояды. Балалардың жауаптарын тыңдайды ,толықтырады.

Суретпен жұмыс
Қоян:
-Балалар ,сендерге достарымыздан хат әкелдік. Балабақшаға бармағандықтан , біз біле бермейміз , мына суреттерде не салынғанын түсіндіріп бересіңдер ме?

Конверттен балабақшаның сыртқы, ішкі суреттерін шығарып, мольбертке іледі.Сұрақтар қояды:
-Балабақша неше қабатты?
-Суреттің оң жағында не бар?
-Ойын алаңы нешеу?

Сергіту сәті
Тиін :
-Балалар ,сендер шаршаған шығарсыңдар? Бірге ойын ойнап, жақынырақ танысайық .

Тәрбиешінің іс-әрекеті

Балабақша туралы білетін өлеңдерін оқиды:
Анаңа еріп келдің сен,
Әкеңе еріп келдің сен.
Қаладағы ең жақсы үй,
Балабақша мен білсем.
Себебі ме , себебі,
Барлық ана келеді,
Барлық әке келеді.

Қоян көсеткен суретті тамашалайды.

Сұрақтарға жауап береді.

Шеңберге тұрады. Ойыншық тиінді оңға қарай беріп, өз есімдерін айтады, ал қоянды солға қарай беріп ,қайталайды.

Балалардың іс -әрекеті

Ұйымдастыру-іздестіру

Рефлексивті-түзетушілік

Балалардың қолына тиін мен қоянды беріп, оларға кезегімен өз есімдерін айтуды ұсынады.

Сөздік жұмысы: «сөре , арман аспаз » деген сөздердің мағынасын түсіндіреді.

Суретпен жұмыс (жалғасы)
Қоян мен тиін екінші сурет бойынша сұрақтар қояды:
-Мына суретте не бар?
-Сол жағындағы кім?
-Ал суреттің ортасында кімдерді көріп тұрсыңдар?
-Дәрігер (аспаз, т.б.) не істейді?

Есікті қаққан дыбыс естіледі.Топқа аспазшы мен мейірбике кіреді. Амандасады.
Дәрігер:
-Сәлеметсіңдер ме, балалар! Сендерде қонақтар отыр ғой ! Мен сендерге дәрумен әкелдім.Дәрумен жесеңдер, сау болып жүресіңдер!
Балаларға, тиін мен қоянға дәрумен таратады.
Аспаз:
-Ал сендер маған самса дайындауға көмектесесіңдерме ме?

Шығармашылық сәт
Балаларды «Өнер орталығына» алып барып, ермексаздан самса жасауды ұсынады .Дайын болған самсаларын тиін мен қоянға сыйлатады.

Тиін Қоянға:
-Көрдің бе қоян , біз бүгін балалардан балабақшаның не екенін ,онда кімнің жұмыс істейтінін үйрендік. Балабақшада жақсы, көңілді екенін білдік. Жүр орманга қайтайық.Аналарымызға ,достарымызға бала бақша туралы айтып берейік. Біздің аналарымыз орманда ашсын, сонда біз балаларды орман бақшасына қонаққа шақырамыз.

Дәрігер ,аспазшы , қоян мен тиін қоштасып кетеді.

Дәптермен жұмыс
Тапсырманы түсіндіре отырып,орындатады.
Топты аралап,жеке балалармен жұмыс жүргізеді: сұрақ қояды, тапсырма береді.

«Ыстық доп» ойнымен сұрақтар қою арқылы тақырыпты қорытады.
Балаларды мадақтап, ұйымдас-тырылған оқу іс –әрекеті аяқтайды.

Тиін мен қоян да ойнайды.

Жаңа сөздердің мағынасын түсінеді.

Тәрбиешіні қызыға тыңдап сұрақтарға жауап береді.

Тиін мен қоян дәруменді жеп,рахмет айтады.

Ермексаздан самса жасап ,тиін мен қоянға сыйлайды.

Тиін мен қоянның әңгімесін тыңдайды.

Қонақтармен қоштасады.

Дәптердегі тапсырманы орындайды.

Сұрақтарға жауап береді.

Күтілетін нәтиже:

№3 тобында ұйымдастырылған оқу іс-әрекетінің технологиялық картасы

Күні:

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:Бақшадағы ойыншықтар (тілдің дыбысталу мәдениетіне тәрбиелеу)

Мақсаты:

Балабақша туралы түсінік беру;
Достарына қамқор болуға тәрбиелеу;
Танымдық қызығушылықтарын арттыру.
Көрнекіліктері: қоян,тиін ойыншықтары, балабақша қызметкерлерінің суреті,доп.

Сөздік жұмысы: сөре, аспаз, мейірбике.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Жұмбақ
Аяғы бар жүрмейді,
Аузы бар күлмейді.
Айнымайды бөпемнен,
Тек сөйлеуді білмейді.
(Қуршақ)
Суға салсаң батпайды.
Түскен жерде жатпайды.
(Доп)

Жұмбақтарды шешеді.

Ұйымдастыру-іздестіру

Әуен естіледі (фантастикалық әуен).
-Балалар, біздің қуршақ
Сәулемізқайдаекен?
А-а-а, ол өзінің зетханасында отырған шығар.
Не істеп отырғанын көрейік.
-Сәуле, сен не істеп отырсың?
(Сәуле үлкен көзді көзілдірік киген).
-Мен бүгін жай қуыршақ емеспін,сиқыршы қуыршақпын.Мен осы топтағы балалардың қайсысы тәртіпті ,ұқыпты ,мейірімді тату екенін білемін.
Тәрбиеші:
-Сәулетай олай деме, біздің балалар жақсы.
-Біздің топтағы орталықтарға қараңдаршы.
Онда не көп?
-Олар қалай орналасқан ?
-Неге олар бір-бірінен сал алысырақ тұр?

Тәрбиеші балалардың жауаптарын тыңдайды,толықтырады.Ойыншықтардың ұлдарға, қыздарға арналғаны болатынын түсіндіреді.
-Қыздар (ұлдар), сендер қандай ойыншықтармен

Сәуленің зертханасына барады.

Сәулемен амандасады.

Сәулені тыңдайды.

Сұрақтарға жауап береді.

Ойыншықтар туралы оз ойларын айтады.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Ұйымдастыру-іздестіру

Қандай ойыншықтармен ұлдар да,қыздар да ойнай алады?

Сөздікжұмысы:
«қуыршақ,доп,ұйқас,күтіп ойна» деген сөздердің мағынасын түсіндіреді.

«Қандай дыбыс?» дидактикалық ойыны
Қоңырау,барабан,стақан мен темір, ағаш қасықтардың дыбыстарын шығарып,тыңдатады.Балаларға қайталап дыбыстап беру керектігін түсіндіреді.

«Тез ойла»дамытушы ойыны
Аталуында (ж) (ш) (с) дыбыстары кездесетін ойыншықтарды табу керектігін түсіндіреді.

Сергіту сәті
Біздерде бар қуыршақ,
Бұзау,қозы,құлыншақ,
Ойыншықтар «тыңдайды»,
Ақыл айтсақ, бұйырсақ.
Кей қуыршақ ұйықтайды.
Айтқанымнан шықпайды.

Шығармашылық сәт
«Өнер орталығына» барып, ойыншықтардың суреттерін бояуды ұсынады.Тәрбиеші аралап жүріп,жеке балалармен жұмыс істейді: көмектеседі, көрсетеді.

Боялған ойыншықтарды қуыршақ сәулеге сыйлауды ұсынады.
Сәуле:
- Рахмет балалар! Мен сендерге ризамын, сендер ең тәтіпті, жақсы балаларсыңдар!

Дәптермен жұмыс
Тапсырмалады түсіндіріп,орындатады.

Тәрбиеші балаларға өлең оқиды:
Топтың іші толып тұр,
Неше түрлі ойыншықпен.
Күтіп ойна, сындырмай.
Ойыншықтармен балақай!
Мақал
Ұқыптының тоны тозбас,
Ұқыпсыздың ісі оңбас.
Мақалдың мағынасын түсіндіреді,қайталап айтқызады.

Жаңа сөздердің мағынасын түсіндіреді.

Естіген дыбыстарын қайталайды.

Аталған дыбыстар кездесетін ойыншықтарды табады

Өлең жолдарын бірге айтып,мазмұнына сәйкес қимылдар жасайды.

Суретте берілген ойыншықтарды бояйды.

Бояған ойыншықтарын атап береді.Қуыршаққа сыйлайды.

Тәрбиешінің түсіндіруі бойынша тапсырмаларды орындайды.

Өлеңді тыңдайды, қайталайды.

Мақалдың мағынасын түсініп алады, қайталап айтады.

Рефлексивті-түзетушілік

Карта проппа әдісімен ойыншықтарды салыстырып, тақырыпты қорытады.
Балаларды мадақтап,ұйымдастырылған оқу іс-әрекетін аяқтайды.

Ойыншықтар туралы әңгімелеп береді.Нақты дыбыстарға байланысты суретті тауып көрсетеді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:Біз тұратын қала

Мақсаты:
Көлік түрлерінің атын үйрету;
Қоғамдық көлікте өзін-өзі дұрыс ұстауға,жол қауіпсіздігін сақтай білуге тәрбиелеу;
Туған қаласына (ауылына) деген сүйіспеншіліктерін арттыру.

Көрнекіліктері: автобустың рқлі,аялдама атаулары жазылып,белгілері салынған тақтайшалар, қаланың көрікті жерлерімен ескерткіштерінің суреттері.

Сөздік жұмысы:саяхат, көлік,үлкен, кең, жарық.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

Ұйымдастырылған оқу іс-әрекеті музыка залында өтеді.
-Балалар, мен сендерді қызықты саяхптқа апарғым келіп тұр.саяхатқа үлкен, жұмсақ орындықтары бар автобуспен барамыз.
Балалармен бірге жүргізушіні таңдайды,көліктің ішінде тәртіп сақтап жүру керектігін еске түсіріп өтеді.

Саяхатқа шығуға қызыға келісіп,тәрбиешімен бірге жүргізушіні таңдайды.

Көлік ішінде тәртіп сақтау керектігін (қағаз тастамау, қатты сөйлемеу,үлкендерге орын беру,т.б.( қайталайды.

Ұйымдастыру-іздестіру

Тіл ұстарту жаттығулары
Қа-қа-қа
Мәшинеңді тақа
Автобус жүреді.
«Көшелер» аялдамасына тоқтайды.

«Менің мекен жайым ойыны»
Балаларға өздері тұрған көшенің атын айтып,ол жерде қандай ғимарат барын еске түсіруді ұсынады
Мнемотехника әдісімен қаланың көрікті орындарын ретімен сипаттап,әңгімелейді.Залда немесе алдын ала ұйымдастырылған жерде туған қаланың басты мекемелерімен ғимараттарының суреттері («Қ.Сәтбаев» ескерткіші, «Қазақ дрма театры», «С.Торайғыров» ескерткіші, «Естай» мәдениет сарайы. «Өлкетану» мұражайы, «Бұқар жырау» мұражайы,Автобекет,Әуежай, «Қазпошта» ) орналасады.
Тәрбиеші балаларға осы туған жердің мекемелері мен ғимараттары туралы әңгімелеп береді

Екі-екіден қатарға тұрып,автобуста келе жатқандай,тәриешінің соңынан жүреді.Әр аялдамада шеңбер бойымен тұрады.

Ойланады, салыстырады.
Допты бір-біріне кезек-кезек беріп,тұратын көшесін атайды.

Суреттерді тамашалайды.

Тәрбиешінің түсіндірмесін тыңдайды.

«Жаттығу» аялдамасы

Сергіту сәті
Көше бойы келеміз
Көше бойы келеміз,
Онда не бар,көреміз:
Автобекет,дүкендер,
Мұражай мен әуежай.
Барлық үйлер сәулетті,
Біздің қала әдемі!
Сөздік жұмысы: «саяхат,көлік, үлкен,кең, жарық» деген сөздердің мағынасын түсіндіреді.

«Өнер» аялдамасы
Шығармашылық сәт
Балаларды «Өнер орталығына» отырғызып, «Менің қалам (ауылым)» тақырыбында сурет салуды ұсынады.
Аралап тексеріп, көмектесіп жүреді.

«Тапсырма» аялдамасы
Дәптермен жұмыс
Суреттің ішінен Астана қаласының ескерткіштерін тауып, белгілеуді ұсынады.
«Мақал» аялдамасы
Туған жердей жер болмас,
Туған елдей ел болмас.
Мақалдың мағынасын түсіндіреді.

Өлең жолдарын бірге айтып,мазмұнына сәйкес қимылдар жасайды.

Жаңа сөздердің мағынасын түсінеді.

Туған қаласының(ауылының) суретін салады.

Астана қаласының ескерткіштерін тауып,белгілейді.

Мақалды тыңдап,мағынасын түсініп алады.

Рефлексивті-түзетушілік

«Сұрақтар» аялдамасы
Сұрақтар қойып, оқу іс-әрекетін талдап,қорытады.
Балаларды мадақтап,ұйымдастырылған оқу іс-әрекетін аяқтайды.

Сұрақтарға жауап береді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: Біздің жақсы көретін апайымыз

Мақсаты:
Сурет мазмұнына сәйкес әңгіме құрастыруға үйрету;
Үлкендерді сыйлауға тәрбиелеу;
Өзіне-өзі қызмет ету машықтарын дамыту

Көрнекіліктер: балабақша қызметкерлерінің суреттері,мольберт немесе фланель тақта.

Сөздік жұмысы: шаңсорғыш,білезік-браслет, сақина-кольцо, сабын- мыло.

Орамахаттың ішінен бірнеше ересек адамдардың еңбектері салынған суреттерді алып шығады.Суреттерді мольбертке іледі,сұрақтар қояды:

-Кімдерді көріп тұрсыңдар?
-Сендер күн сайын балабақшаға келгенде,қызмет істеп, еңбектеніп жүргенәр түрлі адамдарды көресіңдер. Келіңдер, оларды атап шығайық.
Балаларды тыңдайды,толықтырады.

«Кімнің құралы?» дидактикалық ойыны
Слайд арқылы әр мамандық иелеріне тән заттардың суреттерін көрсетеді.
-Балалал, сендер күнде тәрбиешінің көмекшісімен кездесесіңдер. Ол кісінің аты-жөнін білесіңдерме?
-Қане, тәрбиешінің көмекшісінен өзінің жұмысы туралы сұрайық.
Тәрбиешінің көмекшісінен өз мамандығы туралы айтып беруін өтінеді.

Сергіту сәті
Сыңғыр,сыңғыр,сырғалар,
Құлағымда сыңғырлар.
Сол қолымда білезік,
Саусағымда сақина,
Санап көрші қанекей.
Бір,екі,үш,
Демалайық, жинап күш!
Тәрбиешінің көмекшісі өз жұмысына қажетті құралдар туралы жұмбақ жасырады.

Сұрақтарға жауап береді

Көрсетілген заттың атауын атайды.Заттарға қарап ,олардың қандай мамандық иесіне тән екенін айтады,әңгімелейді.

Өлеңнін мазмұнына сәйкес қимыл-қозғалыстар жасайды.

Өздерінің көргендерін айтып береді.

Жұмбақтар

Қанша жұтсам, семіріп,
Сылқиып бір тоймаймын.
(Шаңсорғыш)
Өзі кірді ашады,
Суға салса қашады.
(Сабын)
Жылт-жылт етеді,
Жылғадан өтеді.
(Су)
Екі құлақ, бір ауыз,
Және мықты қолы бар.
Суқұясың топырақ та саласың,
Оған риза боласың.
(Шелек)
-Мен барлық көмекшілерімді жақсы көремін.Олар өз орындарында тұрғанды ұнатады.

Сөздікжұмысы:«шаңсорғыш,білезік, сақина,» деген сөздердің мағынасын түсіндіреді.

«Қауіпті,қауіпсіз» сөздік ойыны
Тәрбиеші заттарды атайды немесе суреттерін көрсетіп тұрады.Балаларға ол зат қауіпті болса, қызыл текше,қауіпсіз болса,көк текшені көрсету керектігін түсіндіреді.
Сыпырғыш
Шаңсорғыш
Шелек
Сүлгі
Табақша
Дәптермен жұмыс
Әр мамандықтың тиісті құралдарын тауып, сызықпен қосу керектігін түсіндіреді.Тәрбиеші балалармен жекек жұмыс жүргізеді:құралдарды табуға көмектеседі,қолын ұстап сыздырады.

Осы заттарға еліктейді:
Шаңсорғыш у-у-у-у

Сабын ыс-ыс-ыс-ыс-ыс

Су с-с-с-у-у-у-у

Шелек ш-ш-ш-ш

Жаңа сөздердің мағынасын түсінеді.

Суретке сәйкес қызыл, көк текшелерді көрсетіп тұрады, жауаптарын түсіндіреді.

Ожау,кастрөл,шелек,қылқалам,щетка құралдарын тауып, сызықпен қосады.

Рефлексивті-түзетушілік

Деньеш блогтары арқылы тәрбиешінің көмекшісінің еңбегін пысықтап,салыстыра отырып, сабақты талдап,қорытындылайды.
Балаларды мадақтап,ұйымдастырылған оқу іс-әрекетін аяқтайды.

Деньеш блогының біріне үлкендердің еңбегінің ортақ ұқсастығын тауып, екіншісіне олардың еңбегіне байланысты құралдарын тауып, жапсырады.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:Жыл мезгілі.Күзгі табиғат(шығармашылық сөйлеу әрекеті)

Мақсаты:
Сурет мазмұнына сәйкес әңгіме құрастыруға үйрету;
Кішіпейіл болуға тәрбиелеу;
Логикалық ойлауын дамыту;

Көрнекіліктер: күзгі орман суреті,конверттегі хат,көкөністер мен жеміс суреттері

Сөздік жұмысы:Табиғат, сабыр,тиін,сүйкімді.

-Бүгін мен сендерді бір жыл мезгіліне саяхатқа апарамын.Ал қай жаққа баратынымызды жұмбақты шешу арқылы білесіңдер.

Жұмбақ:Жауып жаңбыр,
Жер сабыр,
Шөп жапырақ солады,
Бұл қай кезде болады?

Шеңбер бойымен тұрады.

Жұмбақты шешеді.

Ұйымдастыру-іздестіру

Есіктен тиіннің тұмсығы көрінеді.Тәрбиеші одан конвертті алады.
-Біздің балабақшаға Ормандағы тиіндер бірлестігінен хат келген екен

«Сәлеметсіңдер ме, балалар» Тиіндер бірлестігінде үлкен жиналыс болады.Қыс мезгіліне азық дайындауға ерте ме әлде кеш пе, білмей тұрмыз. Кейбір тиіндер әлі ерте дейді. Біреулері уақыты келді дейді.Біз не істерімізді білмей тұрмыз.Балалар, бізге сендердің көмектерін керек.Айтыңдаршы,орманға қыс мезгілі қашан келеді?»

-Балалар, күз мезгіліне саяхат жасап,тиіндерге көмектесейік.алдымен ауа райын анықтайық.

Тірек сызбамен жұмыс
Табиғат бұрышына жақындайды.Тірек сызба бойынша ауа райын анықтауларын сұрайды.
Тіл ұстарту жаттығуы
За-зә-зу зе,
Са-со-су-сә
Ыз-ыз-ыз,Анар сүйкімді қыз.
Үс-үс-үс,Көрдім жақсы түс.
Сабаңа түс, төменге түс,
Қандай ашық түс!

Хатты мұхият тыңдайды.

Тәрбиешінің ұсынысына келіседі.

Ауа райын анықтап,табиғат бұрышына сызба арқылы белгілейді.

Тіл ұстарту жаттығуларын тәрбиешімен бірге айтады.

Сергіту сәті

Ұшып-қонып жапырақтар,
Жайлап жерге түседі.
Қызыл, сары, жапырақ,
Желмен ойнап ұшады.

Сөздік жұмысы: «табиғат,сабыр,тиін, сүйкімді» деген сөздердің мағынасын түсіндіреді.

«Бір сөзбен айт» дидактикалық ойыны
Тақтаға көкөністер мен жемістерің суреттерін іледі,оларды бір сөзбен айтуды ұсынады.Көкөністермен жемістердің қандай пайдасы бар екенін сұрайды,

«Дәмін татып, атын айт» дидактикалық ойыны
Тақтаға жекелеген балаларды шығарып,көздерін орамалмен байлап, бір көкөністің немесе жемістің (жуып,туралаған,таза тәрекелге салынып, беті жабулы тұрған) дәмін татырады, қандай көкөніс (жеміс) екенін сұрайды.

Дәптермен жұмыс:
Суреттегі көкөністер мен жемістерді атап, бірінші дыбысын өліп айтуды ұсынады.
Мақал
Еңбектің наны тәтті,
Жалқаудың жаны тәтті.
Мақалдың мавғынасын түсіндіреді.
Шығармашылық сәт
«Өнер орталығына» алып барып, ерсаздан тиіндерге арнап саңырауқұлақтар жасауды ұсынады.

Қимылдар жасайды.
Қолдарын бұлғайды;
Орындарынд айналады;
Оңға, солға қарай қолдарын
Бұлғайды,түсіреді.

Жаңа сөздердің мағынасын түсінеді.

Өз ойларын білдіріп, сұраққа жауап береді.
Аталған көкөністер мен жемістерден қандай тағам жасайтынын айтады,түсіндіреді.

«Алма,сәбіз,өрік, қарбыз» сөздерін пысықтап, бірінші дыбыстарын анықтайды, бөліп айтады.

Мақалды тыңдап мағынасын түсініп алады.

Ермексаздан саңырауқұлақтар жасайды.

Рефлексивті-түзетушілік

Тиінге дайындаған сыйлықтарын мадақтай отырып,себетке салады.
Балаларды мадақтап ұйымдастырылған оұу іс-әрекетін аяқтайды.

Жасаған саңырауқұлақтарын ормандағы тиіндерге жібеу үшін себетке салады.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:Күздегі адам еңбегі (тілдің дыбысталу мәдениетіне тәрбиелеу)

Мақсаты:
Адамдардың күз мезгіліндегі еңбегімен таныстыру;
Өзара сыйластыққа тәрбиелеу;
Тірек сызба арқылы сөйлем құрай білу қабілеттерін дамыту;

Көрнекіліктері: күзгі бақтағы еңбек бейнеленген сурет,еденге орналастырылған кедергілер,қуыршақ ,бағбан ,сары жапырақ.

Сөздік жұмысы: күннің нұры жүрекке жылу сыйлайық.

Жылулық шеңбері

Шеңбер болып тұрайық,
Алақанды ашайық.
Күннің нұрын салайық,
Таза ауаны жұтайық.
Жиналған жылы шуақты,
Көршімізге сыйлайық.

Шеңберге тұрыа өлең жолдарын бірге айтадыү

Алақандарының жылуын көршісіне қаратып үрлейді.

Ұйымдастыру-іздестіру

«Күзгі баққа серуен» тыныштық сәті
-Балалар, біз неге «Жомарт күз» немесе «Алтын күз дейміз?
Ендеше тыныштық сақтап «1,2,3» дегенде көзді жұмып, күзгі баққа қимылмен серуендеп қайтайық.
«Жапырақтарынан айырылған ағаштар сыңсығандай.Аяқ асты жапыраққа толы.Ауасы қандай керемет! Сап сары кілемге оранып тұрғандай.»1,2,3» көзді аштық ,бақшамызға оралдық».
-Біз нені елестеттік?
Елімізге келіпті ғой Алтын күз,
Жомарт күзді бақыладық бәріміз.
Кім табады, кім табады?
Қандай екен Алтын күз?
«Тіл ұстарту ойыны»
Іс-іс-іс
Піс қазаным піс.
Ыс-ыс-ыс-
Болсын мол ырыс,
Болып қапты қыс,
Аман болсын туыс,
Ыдыстарды жуыс.

Сұрақтарға жауап береді

Көздерін жұмып, күзгі бақты елестеді.

Күзгі табиғатты суреттейді, көкөністер мен жемістер туралы айтады.

Тіл ұстарту жаттығуын қайталайды.

Ұйымдастыру –іздестіру

Іс-әрекет кезеңдері

«Жеміс қайсы? Көкөніс?» дидактикалық ойыны
Тақтаға жемістер мен көкөністердің суреттерін іліп,екі себетке бөліп салуды ұсынады.

«Алтын күз» әнімен Бағбан ата келеді. Бағбан ата:
-Амансыңдар ма, балалар?
Балалар, мен бау-бақшамды аралап жүріп, бір алтын жапырақтарды көріп қалдым. Қарасам,бұл жапырақта сөздер жазылған екен.Сендер осы жапырақтағы тапсырманы орындай аласыңдар ма?

Суретпен жұмыс
Бау-бақшадағы күзгі еңбек бейнеленген суретті көрсетіп, сұрақтар қояды. Балалардың жауаптарын тыңдайды, толықтырады.

Сөздік жұмысы: «күннің нұры,жүрекке жылу сыйлық » деген сөздердің мағынасын түсіндіреді.

Сергіту сәті
«Саусақ»ойыны
Ал, балалар, тұрыңдар,
Өнімдерді жинаңдар.
Мына қатар шалқан,
Мына қатар қызылша,
Мына жерде сәбіздер.
Түгел жинап алдық біз,
Мол өнімді, Алтын күз.
Саусағымыз талса да.
Жинап алдық бәрін біз.
«Естіп,алақаныңды соқ» дидактикалық ойыны
[ш] [ж] дыбыстары бар сөздерді (шалқан,жүзім тібі) айтады, осы дыбыстарды естигенде алақандарын соғу керектігін түсіндіреді

Бағбан ата:
-Балаларым, жарайсыңдар.Өнерлі, ақылды балалар екенсіңдер. Мен сендерді өзімнің бау-бақшама
жеміс-жидек жеп қайтуға шақырамын. Ал енді мен қайтайын,өздеріңді күтемін.Сау болыңдар!
Дәптермен жұмыс
«Түсін тауып, сызықпен қос» тапсырмасын орындатады.
Жеке балалармен жұмыс жүргізеді:табуға көмектеседі,Қолын ұстап,сыздырады.
Мақал
Еңбек етсең ерінбей,
Тояды қарның тіленбей.
Мақалдың мағынасын түсіндіреді.
Тәрбиешінің іс-әрекеті

Ойынға белсене қатысады.

Атаймен амандасады.

Сұрақтарға жауап береді.

Жаңа сөздердің мағынасын түсінеді.

Өлең жолдарын айтып,мазмұнына сәйкес қимыл-қозғалыстар жасайды.

Сөз ішіндегі [ш] [ж] дыбыстарын естігенде алақандарын соғады.

Бағбан атаймен қоштасады.

Даптермен жұмыс істейді.

Мақалды тыңдап,мағынасын түсініп алады.

Балалардың іс-әрекеті

Рефлексивтік

Сұрақтар қойып, тақырыпты қорытады.
Балаларды мадақтап,ұйымдастырылған оқу іс-әрекетін аяқтайды.

Тәрбиешінің сұрақтарына жауап береді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: В.сутеевтің «Алма» ертегісі (тілдің грамматикалық құрылысын қалыптастыру)

Мақсаты:
Ертегіні оқу және мазмұндау, сөздерге жалғауларды дұрыс жалғап айтуға үйрету;
Сыйластыққа,адалдыққа, тәрбиелеу;
Танымдық қызығушылықтарын арттыру.

Көрнекіліктер:ертегі айтқыш қуыршақ, күзгі бақ суретті, «Алма» ертегісі желісімен салынған сурет, В.Сутеевтің суреті.
Сөздік жұмысы: көкке бойын созады, мейірбан.

Пойыздың дауысын тыңдайды.

Ұйымдастыру-іздестіру

Топқа пойыздың макетін ұстаған ертегіші апай кіреді, амандасады.
-Балалар мен сендерді баққа серуенге шақырғым келіп тұр.Келіңдер, пойызға отырайық.
Бірінің артына бірі тұрып, «пойызбен жүруді» ұсынады.
-Далаға қараңдаршы, жер мен ағаштар қандай түске боялған?
-Қандай мезгіл деп ойлайсыңдар?
-Күз мезгілінде неше ай бар,қалай аталады?
-Күзде табиғатта қандай өзгерістер болып тұрады?
Орындарына отырғызады.
-Міне, баққа келіп жеттік, пойыздан түсейік.
Айтыңдаршы, күзгі бақта не көп болады?
-Қане, балалар,жайғасып отырайық. Мен сендерге осы жемістер туралы бір ертегі айтып берейін.
Ертегінің аты «Алма», авторы-В.Сутеев екенін хабарлайды.

Ертегіні айтып отырғанда мазмұны бойынша салынған суреттерін көрсетіп отырады.
Ертегінің мазмұны бойынша сұрақтар қояды
Сөздік жұмысы: «көкке бойын созады, мейірбан» деген сөздердің мағынасын түсіндіреді.

Ертегіші апаймен амандасады.
Апаймен бірге серуенге баруға келісіп,бірінің артына бірі тізіліп тұрып, белдерін ұстап , пойыздың дауысын келтіріп жүреді.

Күзгі табиғаттың өзгерістеріне назар аударады.

Сұрақтарға жауап береді.

Ертегі тыңдауға қызығушылық танытады.

Суреттерді тамашалай отырып, ертегіні мұхият тыңдайды.

Жаңа сөздердің мағынасын түсінеді.

Сергіту сәті

Көкке бойын созады,
Көкке қолын созады,
Кең құшағын ашады.
Көлеңкесін тосады,
Көп ағаштар, ағаштар,
Мейірбанды ағаштар.
Тіл ұстарту жаттығуы
Аң-аң-аң,үстің болды шаң.
Атын қапты таң,
Жайқалып тұр айналаң.

«Мінездеме бар» ойыны
Жануарлардың ертегінің бастапқы кезеңіндегі мінез-құлқына баға беруді ұсынады.

-Қоян қандай?
-Қарға қандай?
-(суреттерді таңдап алу)

Жануарлардың ертегінің соңындағы мінез құлқына баға беруді ұсынады.
-Барлық жануарлардың мінез-құлықтары өзгереді ме,аюдың ақыл –кеңесі пайдалы болды ма?
(суретті таңдап алу).

Тірек сызба арқылы ертегі желісін қайталайды.
Дәптермен жұмыс
Жануарлардың алмаға баратын жолдарын бояп көрсету керектігін түсіндіреді.
Жеке балалармен жұмыс жүргізеді:табуға көмектеседі,қолын ұстап,сыздырады.

Мақал
Жолдасы көптің олжасы көп.
Мақалдың мағынасын түсіндіреді.

Өлең жолдарын бірге айтып, мазмұнына сәйкес қимылдар жасайды.

Тіл ұстарту жаттығуларын қайталап айтады.

Анықтайды ,салыстырады.

Жануарлардың ертегінің бастапқы және соңғы кезіндегі мінез-құлықтарын салыстырады.

Жасыл түс-бірінші болып баратын жануарға арналған; сары түс-екінші болып баратын жануардың жолы,қызыл түс –үшінші болып баратын жануардың жолдарын анықтап белгілейді.

Мақалды тыңдап мағынасын түсініп алады.

Рефлексивтік-түзетушілік

«Шынжыр» ойынымен сабақты талдап, бекітеді.
«Шынжырға» ертегі желісі бойынша салынған суреттерді ретімен қойып шығуды ұсынады.
Балаларды мадақтап ,ұйымдастырылған оұу іс- әрекетін аяқтайды.

Суреттерді кезегімен «шынжырға» іліп, ертегіні әңгімелеп айтады.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: М.Етекбаевтың«нан қайдан шығады?» ертегісі (байланыстырып сөйлеу)
Мақсаты:
Сурет бойынша ертегінің мазмұнын әңгімелеуге үйрету;
Еңбекқорлыққа тәрбиелеу;
Егістіктегі жұмыс түрлерімен және көлік түрлерімен таныстыру.

Көрнекіліктер:егістіктегі еңбек туралы сурет, наубайшы-қуыршақ, ертегі желісі бойынша салынған суреттер.

Сөздік жұмысы: Жерді жыртты, наубайшы.

Үнтаспа қосылып,жер жыртып, бидай жинап жүрген трактор мен комбайынның дыбыстары естіледі.

Тәрбиеші балалардан қандай дыбыстарды естіп тұрғандарын сұрайды.
Тіл ұстарту жаттығуы
Ды-ды-ды, комбайн жинайды,
Ты-ты-ты, трактор жер жыртты.

Жарты шеңбер жасап отырады.
Үнтаспадан шыққан дыбысқа назар аударады.Дыбыстарды ажыратады.

Тіл ұстарту жаттығуын бірге айтады.

Ұйымдастыру-іздестіру

Есік қағып,наубайшы
Кіреді, амандасады.
Наубайшы:
-Маған комбайыншылар мен тракторшылар керек еді.Қоймада ұн азайып, нан мен тоқаштар бітуге аз қалды.
Шыңармашылық сәт
Балаларды «Өнер орталығына» отырғызып, тұзды қамырдан нан өнімдерін мүсіндеуді ұсынады.
Жасаған нандарын Наубайшыға сыйлатады.
Наубайшы:
-Сендер нанның дастарханға қалай келетінін, ұнның қайдан пайда болатынын білесіңдерме?
Сергіту сәті
Бірінші мен екінші,
Болсын делік егінші.
Үшәнші мен төртінші,
Суға барды тракторшы.
Бесінші мен алтыншы,
Нан пісірді наубайшы.

Тыныс алу жаттығуы
Наубайшы балаларға тәрелкеге салынған нан,бауырсақты көрсетеді.
-Қане, иіскеп көріңдерші,қандай дәмді иіс.

Наубайшымен амандасады, тыңдайды.

Тұзды қамырдан нан өнімдерін жасап,наубайшыға сыйлайды.

Өз ойларын айтады.

Өлең жолдарын айтып,мазмұнына сәйкес қимылдар жасайды.

Тыныс алу жаттығуын жасайды.

«Сөйлемді аяқта» сөздік ойыны

Еңбек сүйгіш құмырсқа,
Асығады......(жұмысқа)
Ертегі тыңдаймыз
М.Етекбаевтың «Нан қайдан шығады?» ертегісін оқып береді.
Ертегіні талдайды, мазмұны бойынша сұрақтар қояды.
Сөздік жұмысы: «жерді жыртты наубайшы деген сөздердің мағынасын түсіндіреді.
«Не болды, Не шықты?» дидактикалық ойыны
Тірек сызба арқылы ертегінің желісін қайталап бекітеді.
-Көрдіңдер ме,балалар, нан дастарханға қаншама адамдардың еңбегі арқылы келеді.Сондықтан үлкндердің еңбегін қадірлеп, сыйлау керек нан құрметтеу керек.
Дәптермен жұмыс:
Түсіндіре отырып,тапсырмаларды орындатады.Жеке балалармен жұмыс жүргізеді:Табуға көмектеседі, қолын ұстап сыздырады.
Мақал
Еңбектің наны тәтті,
Мақалдың мағынасын түсіндіреді.

Керек сөзді тауып сөйлемді аяқтайды.

Ертегіні тыңдайды. Қойылған сұрақтарға жауап береді.

Жаңа сөздердің мағынасын түсінеді.

Тірек сызба бойынша ертегінің мазмұнын айтып шығады.

Тәрбиешінің түсіндірмесін тыңдайды.

Жұмыс дәптеріндегі тапсырманы орындайды.

Мақалды тыңдап, мағынасын түсініп алады.

Рефлексивтік-түзетушілік

Пропп картасымен ертегі кейіпкерлерін салыстыра отырып,сабақты талдап қорытындылайды.
Балаларды мадақтап ұйымдастырылған оқу іс-әрекетән аяқтайды.

Ккйіпкерлнрді салыстырып, қорытынды жасайды.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:Г. Баллдың «Сары үрпек балапан» ертегісі (тілдің грамматикалық құрылысын қалыптастыру

Мақсаты:
Үй құстарының тіршіліктері туралы түсініктерін кеңейту;
Еңбек сүйгіштікке тәрбиелеу;
Логикалық ойлау қабілеттерін дамыту;

Көрнекіліктер: сары үрпек балапан мен тауықтың суреті, ертегі желісі бойынша салынған суреттер.

Сөздік жұмысы:Балапан ,бөтеге ,қамба.

-Балалар, мен сендерді ертегі еліне шақырамын.

Баруға дайынсыңдарма?

Тыныс алу жаттығуы
Мен үрлеймін алысқа,
Мен үрлеймін жақынға:
Фу-фу-фу.
Мен биікке үрлеймін,
Мен төменге үрлеймін:
Фу-фу-фу.

Шеңбер бойына тұрады.

Тыныс алу жаттығуын жасайды.

Ұйымдастыру-іздестіру

Жұмбақ
Үй құстары туралы жұмбақ жасырады.
Басында айдары бар,
Иегінде сақалы бар.
(Әтеш)
Кеудесі қайқаңдап ,
Жүреді байпаңдап.
(Қаз)
Суретпен жұмыс
Балапанның суретін көрсетіп,оны суреттеді.

Ертегі тыңдаймыз
Ертегіні оқып береді, ертегі желісі бойынша сұрақтар қояды.

Сөздік жұмысы: «балапан,бөтеге қамба» деген сөздердің мағынасын түсіндіреді.

Жұмбақтарды шешеді.

Суретке қарап, балапанды суреттейді.

Ертегіні тыңдайды сұрақтарға жауап береді.

Жаңа сөздердің мағынасын түсінеді.

Сөздік ойыны

«Сөзді жалғастыр»
Сары үрпек балапан
Дауысын қалай шығарған?
Анасы оны іздеді:
«Қыт-қыт-қыт! Қыт-қыт-қыт!
Қайда кеттің тығылып?»
Сары үрпек балапан
Дауысын қалай шығарған?

Сергіту сәті
Тауық тары жинапты,
Оны ешкімге қимапты.
Бөтегесін толтырып,
Қамбасына құймапты.
Қыста тауық қақылдап,
Тары іздеп жүр тақылдап.

«Қайсысы қалай дыбыстайды?» дидактикалық ойыны
Балаларға тауықтың, балапанының суреттерін кезегімен көрсетеді. Суретке сәйкес олардың дыбыстарын салуды ұсынады.
«Анасын тап» дидактикалық ойыны
Балапанның және үй құстарының суреттері үзік сызықтармен берілген үлестірме карточка таратып береді.
Балапанның анасын тауып, бастырып бояуды ұсынады.
Дәптермен жұыс
Тапсырмаларды түсіндіре отырып орындатады.
Балалармен жеке жұмыс жүргізеді: табуға көмектеседі,қолын ұстап ,сыздырады.
Тыныштық сәті
Баяу әуен қосып, балаларға релаксация жасауды ұсынады.

Балаларға сұрақтар қояды:
-Балалар,сендер қандай үй құстарымен таныстыңдар?
-Неліктен бұл құстарды «Үй құстары »дейміз?
-Үй құстарының адамға қандай пайдасы бар?

Ойынға белсене қатысады,балапанның дауысын салады.

Сергіту жаттығуын жасайды.

Тауық пен балапанның дыбыстарын салады.

Тауықтың суретін тауып,бастырады,бояды.

Жұмыс дәптеріндегі тапсырмаларды орындайды.

Әуенді тыңдап,жатып дем алады.

Сұрақтарға жауап береді.

Рефлексивтік-түзетушілік

Пропп картасы бойынша ертегі кейіпкерлерін салыстыра отырып,сабақты талдап,қорытады.
Балаларды мадақтап, ұйымдастырылған оұу іс-әрекетін аяқтайды.

Пропп картасы бойынша ертегі желісін әңгімелеп береді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы:М.Зайытовтың «Қандай құсты білесің ?» өлеңі (тілдің дыбысталу мәдениетіне тәрбиелеу)

Мақсаты:
Құстардың тіршілігі туралы білімдерін кеңейту;
Құстарға қамқор болуға тәрбиелеу;
Дыбыстарды анық айту дағдыларын дамыту.
Көрнекіліктер: Орманшы қуыршақ, құстардың дауысы жазылған үнтаспа,қыстайтын құстардың суреттері.

Сөздік жұмысы:жыл құстары,бейбітшілік,қамқор.

Психологиялық жаттығу

-Бүркітке не жарасады?
-Шегірткеге не жарасады?
-Ақ тауыққа не жарасады?
-Ақылдыға не жарасады?

Тақтаға орманшының суреті ілінеді.
-Балалар, бүгін бізге орманшы келіпті.Ол сиқырлы орманнан өзімен бірге әдемі ағаш ала келіпті.Бұл ағашта көптеген құстар қонып отыр.

Әр сұраққа қимылмен жауап береді.

Сұрақтарға жауап береді.

Ұйымдастру-іздестіру

Құстардың қыстап қалатын және жыл құстары болып бөлінетіні туралы түсінік береді.Сұрақтар қояды:
-Құстар қыста немен қоректенеді деп ойлайсыңдар?
-Ал, адамдар оларға қандай көмек көрсетеді?

«Шешуін тап» ойыны
Құстар жайлы жұмбақтар
Бір-ақ уыс көлемім,
Шыбын-шіркей қорегім.
(Торғай)
Ұшқаны қызық жалпылдап,
Өзі сондай қарқылдақ.
(Қарға)
Үстіне ақ қамзолын киіп алып,
Жүреді қанаттарын жиып алып.
(Сауысқан)
Еркін самғап ұшсын деп,
Мәпелейміз,баптаймыз.
Бейбітшілік құсы деп.
Қай құсты біз мақтаймыз?
(Көгершін)

Тәрбиешінің түсіндірмесін тыңдайды.

Сұрақтарға жауап береді.

Жұмбақтарды шешеді.

«Дауысынан таны» дидактикалық ойыны

Үнтаспаға жазылған құстардың дауысын ажыратады.
Өлең тыңдаймыз
Құстар туралы М.Зайытовтың «Қандай құсты білесің?» өлеңін оқып береді.
Өлеңді қайталап оқиды,талдайды.

Сөздік жұмысы: «жыл құстары,бейбітшілік, қамқор» деген сөздердің мағынасын түсіндіреді.
Сергіту сәті
Тырна келді тыраулап,
Тіліп өтіп аспанды,
Қаздар көлде жүр ойнап,
Көктем айы басталды.
Шығармашылық сәт
Қағазды бүктеу арқылы құстарға арнап астау жасатады.Оларға қамқорлық жасап, жем беру керектігін айтады.

Дәптермен жұмыс: Тапсырмаларды түсіндіре отырып орындатады.Жеке
Балалармен жұмыс жүргізеді:табуға көмектеседі,қолын ұстап,сыздырады.

Ойынға белсене қатысады.
Құстардың дауысын ажыратады

Өлеңді тыңдайды,сұрақтарға жауап береді.

Жаңа сөздердің мағынасын түсінеді.

Өлең жолдарын бірге айтып, мазмұнына сәйкес қимылдар жасайды.

Қағазды бүктеу арқылы құстарға астау жасайды.

Жұмыс дәптеріндегі тапсырмаларды орындайды.

Рефлексивті-түзетушілік

Сұрақтар қойып тақырыпты қорытады.Балаларды мадақтап,ұйымдастырылған оқу іс-әрекетін аяқтайды.

Сұрақтарға жауап береді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: Үй жануарлары мен төлдері (байланыстырып сөйлеу)

Мақсаты:
Үй жануарлары туралы түсініктерін тереңдету;
Өзара сыйластыққа, төрт-түлік малды қадірлеуге тәрбиелеу;
Танымдық қызығушылықтарын арттыру.

Көрнекіліктер:
Қуыршақ Шопан ата, киіз үйдің макеті,төрт түлік малдың суреті немесе мүсіндері.

Сөздік жұмысы:төлдер, сүзеген, өріс.

«Еркелетіп айт» сөздік ойыны

-Балалар, сендерді уйде ата-әжелерің «ботам», «қозым», деп еркелетеме? Ендншн, менің қолымдағы қазақтың киізүйін сыйлау арқылы бір-бірімізді еркелете отырып,тілек айтайық.

Көздерін жұмғызып, үнтаспа арқылы үй жануарларының дыбыстарын тыңдатады.Қай жануардың дыбысы екенін сұрайды. Осы кезде топқа Шопан ата кіреді.
-Ал, көзімізді ашайық бізге кім келіп тұр екен?
Бұл кісі төрт түлік малдың иесі-Шопан ата.

Шаттық шеңберіне тұрып,киіз үйді бере отырып,бір-біріне жақсы тілектер айтады.

Көздерін жұмып,ауылдағы ата-әжелерінің үй жануарларын елестетеді.Дыбысы арқылы қай жануар екенін анықтайды.

Ұйымдастыру-іздестіру

Шопан ата балалармен амандасады,сұрақтар қояды:
-Сендер қандай үй жануарларын білесіңдер?
-Ал,олардың төлдері қалай аталады?
-Жарайды,мен сендердің жандарыңа отырып демалайын.
Атай отырып,оқу іс-әрекетіне қатысады.

Ұйқасын тап
Қы-қы-қы-жүйрік екен...,
Кі-кі-кі-сүзеген ғой...,
Із-із-із-сиырда бар...,
Та-та-та-үлкен көзді....
Сөздік жұмысы:»төлдер,сүзеген өріс» деген сөздердің мағынасын түсіндіреді.
«Сипаттап бер» ойыны
Тақтаға үй жануарларының суретін іледі.Балаларға өздері қалаған бір үй жануарларының суретін алып,соны сипаттап беруді ұсынады.

Тәрбиешіні мұқият тыңдап ,
Шопан атамен амандасады.

Сұрақтарға жауап береді.

Ұйқас сөздерді табады:
-жылқы
-ешкі
-мүйіз
-бота
Жаңа сөздердің мағынасын түсінеді.

Қалаулары бойынша бір үй жануарларының суретін алып суреттеп шығады.

Сергіту жаттығуы
Төлдер жыры
Шөре-шөре,лағым,
Тентек болма,шырағым.
Секеетеме деміңді ал,
Селтеңдемей құлағың.

Шығармашылық сәт
Төлдер туралы жатқа білетін өлеңдерін еске түсіруді ұсынады.

«Қайсысы артық?» дидактикалық ойыны
Суреттер қатарынан «үй жануарларының арасында бір жабайы жануар) артық суретті табуды ұсынады.

Дәптермен жұмыс
Тапсырмаларды түсіндіре отырып орындатады. Жеке
балалармен жұмыс жүргізеді:табуға көмектеседі,қолын ұстап,сыздырады

Өлеңді бірге айтып, қимыл-қозғалыстар жасайды.

Төлдер туралы өлеңдерін айтады.

Артық суретті тауып, алып тастайды.

Жұмыс дәптеріндегі тапсырмаларды орындайды.

Рефлексивті-түзетушілік

Сұрақтар қойып тақырыпты қорытады.Балаларды мадақтап,ұйымдастырылған оқу іс-әрекетін аяқтайды.

Сұрақтарға жауап береді.

Күтілетін нәтиже:

№3 тобында ұйымдастырылған іс –әрекетінің технологиялық картасы

Күні :

Білім беру саласы: «Қатынас»

Ұйымдастырылған оқу іс – әрекеті: Тіл дамыту

Тақырыбы: Мен хайуанаттар бағында не көрдім? (шығармашылық сөйлеу әрекеті)

Мақсаты: Қысқа оқиғаларды құрастыра білуге үйрету;
Жануарларға қамқор болға тәрбиелеу;
Сурет пен сөз арасына байланыс орната білу машықтарын қалыптастыру;

Көрнекіліктер: доп,хат,суретті тірек сызба, хайуанаттар бағының суреттері.

Сөздік жұмысы: хайуанаттар бағы,марс,апан.

«Төртінші артық» ойыны

Тәрбиеші сөздер қатарын айтады,артық сөзді естігенде қол шапалақтауды ұсынады.
Қасқыр,тиін,түлкі,мысық;
Піл,бұғы,қоян, борсық;
Кірпі,маса,бұлан,тиін,
Түлкі,аю,қоян,тоқылдақ;
Керік,сиыр,ит,жылқы.

-Көгершін ұшып келеді,сендерге Марс тұрғындарынан хат әкеледі.
Хатты оқиды:

Артық сөзді естігенде қолдарын шапалақтайды.

Ұйымдастыру-іздестіру

«Сәлеметсіздер ме? Балалар! Сендерде хайуанаттар бағы бар, онда ғажап аңдар тұрат екен деп естідік.Біз ондай аңдарды көрген емеспіз.Егер сендер хайуанаттар бағындағы аңдар туралы айтып,суреттерін Марсқа жіберсеңдер,біз қуанар едік.Рахмет! Сау болыңдар!»

-Балалар, Марс тұрғындарына хайуанаттар бағындағы жануарлар туралы хат жіберейік.

Шығармашылық сәт
Балаларға аңдардың сұлбасын таратып береді. Сұлбаны бастырып,бояуды ұсынады.
Тірек сызбалар арқылы әңгіме құрастыруды ұсынады.
-Хайуанаттар бағындағы аңдар туралы қызық әңгімелер құрап көрейік.Сендердің әңгімелеріңді мен үнтаспаға жазамын, содан кейін Марсқа жіберемін.
Суреттерді көрсетіп,әңгімені неден бастау керек екенін анықтайды. Әңгіменің жоспарын ұсынады:

Хаттың мазмұнын тыңдайды.

Тәрбиешінің айтқандарын мұқият тыңдайды.

Аңдардың сұлбасын бастырады бояйды

Тәрбиешінің айтқанына қызығушылық танытады.

Суреттерді тамашалап, тәрбиешінің айтқанын тыңдайды..

Ұйымдастыру -іздестіру

-Бұл қандай аң?
(оның келбеті, дене мүшелері,киген тоны,түсі).
-Қайда мекендейді?(үңгір, апан, бұта,ағаштың қуысы).
-Немен қоректенеді? (нені аулайды?).
-Төлі,баласы қалай аталады?
Сөздік жұмысы: «хайуанаттар бағы,марс, апан деген сөздердің мағынасын түсіндіреді.
Менің әңгімем
Балалардың құраған әңгімелерін үнтаспаға жазып алып,өздеріне қайта тыңдатады.
Сергіту сәті
(балалардың қалауына қарай)

Саусақ ойыны
Саусақ ойналатын «Қасқыр келсе қорқасың ба»? ойынын ойнатады.
«Бұл қай аң ?»ойыны
Тәрбиеші жұмбақтар жасырады:
Өзі ширақ,өзі қу,
Жүген жері айқай шу.
(Түлкі)
Бір аң бар қайраты көп болған күшті
Басынан өткізеді әрбір істі.
(Арыстан)
Белестен шапқан бесті ат,
Бүкір келген желісті ат.
Бейғам елді іздейді,
Малдан кудер үзбейді.
(Қасқыр)
Кілемнің түрлеріндей жүндері бар,
Айбаты жан шыдама үндері бар.
(Жолбарыс)
Дәптермен жұмыс
Тапсырмаларды түсіндіреді, дұрыс орындауларын қадағалайды.
Жеке бклклармен жұмыс жүргізеді:табуға көмектеседі,қолын ұстап, сыздырады.

Сұрақтарға ретімен жауап беріп,әңгіме құрайды.

Жаңа сөздердің мағынасын түсінеді.

Өздері қалаған жануар туралы әңгіме құрайды.Үнтаспадан өз дауыстарын тыңдайды.

Сергіту жаттығуын жасайды.

Саусақ ойынын ойнайды.

Жұмбақтарды шешеді.

Жұмыс дәптеріндегі тапсырмаларды орындайды,түсіндіреді.

Рефлексивті-түзетушілік

Мнемотехника әдісімен және жетекші сұрақтар арқылы сабақты бекітеді.
-Сен қандай аңды салдың?
-Оқу іс-әрекетінде не ұнады?
-Аңдарға көмектескен сендерге ұнай ма?
Балаларды мадақтап,ұйымдастырылған оұу іс-әрекетін аяқтайды.

Сұраққтарға жауап береді.

Күтілетін нәтиже: