Мерекелік іс-шара тақырыбы: «Елімнің еркіндігі - Тәуелсіздік»

Мақсаты: Балаларға Тәуелсіздік күні туралы терең мағлұмат беру. Мәнерлеп тақпақ айтуға, ән айту, би билеу шеберліктерін шыңдау. Еліне, отанына деген құрмет пен сүйіспеншіліктерін арттыру. Отанын, елін сүюге тәрбиелеу. 

Көрнекілігі: Қазақстан Республикасының мемлекеттік рәміздері: Туы, Елтаңбасы, Әнұраны, Н.Ә. Назарбаевтың портреті, слайд. Жалаушалар.
Шарлар, музыкамен жабдықталған.

Жүргізуші:Армысыздар, құрметті әріптестер мен балғын балалар! Еліміздің сан мыңдаған жылдар бойы армандаған, сол жылда дүр сілкіндірген Желтоқсан оқиғасымен келген, тарихымызда алтын әріптермен жазылып қалған «Тәуелсіздік күні» мерекесі құтты болсын!.
Тәуелсіздік – бақыты ғой елімнің,
Тәуелсіздік – шаттығы ғой жерімнің,
Қолға қонған бақ құсындай, аялаған
Бағы ғой, теңдесі жоқ, бұл елімнің.

Бүгінгі Тәуелсіздігіміздің 25 жылдығына арналған «Елімнің еркіндігі - Тәуелсіздік» атты мерекелік ертеңгілігімізді бастай отырып, ортаға №9 «Мереке» ересектер тобының бүлдіршіндерін қошеметпен шақырамын. 

(Балалар музыка әуенімен залға кіріп белгіленген орындарына тұрады).

Жүргізуші: Барша халық таныған
Біздің үміт, тілекті.
Шырқалғанда әнұран
Шаттық кернер жүректі.
(Қазақстан Республикасының әнұраны).

Жүргізуші: Қазақ халқы еркіндікке жету үшін қаншама қиын – қыстау кезеңдерді бастан кешірді. Осыдан 25 жыл бұрын 1986 жылы 16 – желтоқсанда қазақ жастары Орталық алаңға шығып, Қазақстан тәуелсіздігін талап етті. Олар бейбіт жолмен тәуелсіздікке қол жеткізу үшін қатысқан. Желтоқсан көтерілісіне қатысқан ағаларымыз бен апаларымыздың арқасында тәуелсіздікке қол жеткіздік. Желтоқсан оқиғасында ерен ерлігімен көзге түскендер өте көп, солардың бірі – Қайрат Рысқұлбеков, Ләззат Асанова, Сабира Мухамеджанова, Ербол Сыпатаев. Олар қыршын жасын қиды. Оларға үлкен айып тағылды. Осы оқиға халықтың есінде мәңгі сақталады. Бұл күн - Қазақстан тарихында «Тәуелсіз Қазақстан Республикасының туған күні» - деп алтын әріппен жазылды. Сондықтан да желтоқсан бүкіл халықтық мереке болып саналады (слайд көрсетіледі).
Бас алаңда ел жосқан,
Жастар қаны жуған түн.
16 желтоқсан-
Тәуелсіздік туған күн!
Кезекті тақпақтарға береміз.

Мәлік: Он алтыншы желтоқсан,
Елдің ұлы мейрамы.
Жаңа шыққан көктемдей,
Жаз күніндей жайдары.

Санжар:Он алтыншы желтоқсан,
Тәуелсіздік алған күн.
Ерекше боп мәңгілік,
Ел жанында қалған күн.

Шаһалихан: Жүректен намыс оты лапылдаған,
Күш жігері жастардың сарқылмаған.
Отан үшін олар шығып алаңға,
Қарсы ағып өзендей тасқындаған.

Асқар:Тәуелсіздік еліміз,
Мәңгі жасар жеріміз.
Тәуелсіздік жасаған,
Аға, әпкелерміз.

Диас: Тәуелсіздік елдеміз,
Қуанамыз күнде біз.
Ата-бабам қалдырған,
Қазақтың біз батырымыз, сенсеңіз!

Арыстан:Қарашы дос, ғажапты,
Күлімдейді нұрлы күн.
Тәуелсіздік, азаттық,
Теңдік алған күн бүгін.

Ерасыл:Казакстан из май кантри,
Казактан из май ланд.
Ай лив хэ потс май фрэндс,
Казакстан из май кантри.

Жүргізуші: Тойланып мың мереке, ұлыс күні
Құйылған шаңырақтан ырыс нұры
Халқымның бақыты үшін аз байлықпа
Тәуелсіз еліміздің тыныштығы.

Ән: «Қазақстаным менің».

Жүргізуші: Бүгінгі таңда Қазақстан тәуелсіз мемлекет. Тәуелсіз дегеніміз еркіндік, бостандық деген мағынаны білдіреді. Бұдан көп жыл бұрын Қазақстан тәуелсіз мемлекет болған жоқ. Біз тәуелсіздігімізді 1991 жылы 16 желтоқсанда алдық. 1991 жылдың 1 желтоқсанында президент сайлауы өткізіліп, халықтың қолдауымен бірауыздан Нұрсұлтан Әбішұлы Назарбаев Қазақстан Республикасының президенті болып сайланды. Ал, 1992 жылы 4 маусымда біздің өзіміздің туымыз, елтаңбамыз, әнұранымыз қабылданды.  Сонымен қатар 1993 жылы 15 қарашада ұлттық валютамыз – Теңге шықты. 1995 жылы  30 тамызда Қазақстан Республикасының Конституциясы  қабылданды(слайд көрсетіледі).

Жүргізуші: Мақтансаң мақтан елім деп,
Тани біл елдік таңбаңды.
Елтаңба, Туың, Әнұран-
Тәуелсіздікке тән белгі - деп, кезек рәміздер туралы тақпақтармен
жалғасады.

Нұршат:Рәміздерім - елдігімнің белгісі,
Білу керек бала дағы ең кіші.
Рәміздерім – елтаңба, ту, гимнді,
Рәміздерді жатқа білген жөн кісі.

Ирада:Елтаңбасы елімнің,
Неткен әйбат, әдемі.
Тұнығындай көңілдің,
Ортада аспан әлемі.

Нұрбек:Құт-береке шаңырақ,
Орын алған ол төрден.
Қанатты қос арғымақ,
Екі жақтан көмкерген.

Амина:Көк байрақтың бетінде,
Қыран бүркіт қанатты.
Сол қырандай еркіндеп,
Бала өседі, талапты.
Асылзада:Май флаг из блу
Май флаг из бринг
Ай лайк и твери матч.

Мадина:Мой Казахстан, ты независим,
И над страною вьется флаг.
Орел парит свободно в выси-
Знак мира, дружбы и добра.

Жүргізуші:Тал шыбықтай бұралған,
Қазағымның қыздары-ай.
Сүйсіндірген биімен
Өнерлі ғой қыздар-ай  - деп кезекті әдемі биге береміз.

Би: «Наз».   
Жүргізуші: Жарайсыңдар, қыздар. Әрі қарай кезекті мерекелік тақпақтармен
жалғастырайық.

Ернар:Құтты болсын Тәуелсіздік мерекесі,
Мықты болсын елімнің керегесі.
Тату-тәтті боп халқымыз әрқашан,
Кетпесін туған жердің берекесі.

Мадияр:Тәуелсіздік – елімнің,
Арманы сан ғасырға.
Аспанына жерімнің,
Шуақ болып шашылды.

Ибраһим:Жиырма бес жыл, жиырма бес жыл азаттық,
Өзімізді құрсаудан біз босаттық.
Ақтадық біз ата-баба үмітін,
Қолда қазір көк ту менен бостандық.

Алмас:Тәуелсіз еліме 25 жыл!
Ұлан-байтақ неткен жер!
Дәнді-дақыл еккен жер.
Жеттік міне арманға,
Қазақстан – Ерікті ел!
Көркемай:Тәуелсіздік – тарихың,
Тәуелсіздік – тілің ол.
Тәуелсіздік – салт-дәстүр,
Тәуелсіздік – дінің ол.

Тілек: День Независимости Казахстана,
Отметит скоро наш народ.
Ведь 25-срок немалый,
Шагаем вместе мы в перед.

Жүргізуші: Ала алмасаң теңгені
Мазақ қылар көпшілік
Алу үшін теңгені
Керек екен ептілік-деп, кезекті ұлттық ойындарға берейік.

Ойындар: «Арқан тарту», «Теңге алу».

Жүргізуші: Қазіргі таңда «Қазақстан» егеменді ел болып, дүниежүзінде дамыған 50 елдің қатарынан орын алып отыр. Бұл елбасымыздың қырағы саясатының, жылдар бойғы еңбегінің арқасы. 130-дан аса ұлт өкілдері тұратын осынау қасиетті мекенде халқымыз ынтымақта, бірлікте, тату-тәтті тұрып жатыр. Өркендеген мекенде өмір сүруші әрбір адам өз Отанын жанындай сүйіп, оның көк байрағын көкке көтеруді мақтаныш тұтады.

Жүргізуші: Бейбiт тандап арайланып атады,
                     Туған жердi аймалайды шырағы.
                      Байтақ елiм – ұлы Қазақстаным,
                      Ең бақытты балалардың Отаны - деп кезектi Отан туралы, елбасына арналған тақпақтарға берейік.

Даяна:Асқар тауым, өзендері,
Қазақстаным – атамекенім!
Біздерді ылғи бақытты еткен,
Отанымды мақтан етемін.

Кәусар:Әйнегі күн, шатыры аспан,
Кең дала төсі толған егін.
Көлдері көкке күмістер шашқан,
Қазақстан Республикам менің!

Алтай:Отан деген – атамекен,
Отан деген туған жер.
Отан – ана,
Отан – өлкең,
Қазақстан туған ел.

Инабат:Әнге толсын барлық қала, ауылдар,
Қағылсын бір барабандар, дабылдар.
Елбасының туған күнін ардақтау,
Бәріміздің борышымыз, бауырлар.

Сезім: Елбасы елді қорғайды,
Халық қамын ойлайды.
Осындай жақсы адамның,
Жақсылығы тарайды.


Жүргізуші: Қазақпын, еңселі елмін егеменді,
Кеңейттім кең әлемге керегемді.
Мұхиттың ар жағында жатқан жұрттар
Таныды тепе-тең деп тереземді.
Қазақпын, қойнауы-құт, жері-дархан,
Әнімді бес құрлықтың бәрінде айтам.

Ән: «Қазақстан».

Жүргізуші: Қазақ халқы ғасырлар бойы өз еркіндігі мен бостандығы жолында
жанқиярлықпен күрес жүргізіп келгені белгілі. Сондықтан уақыт талабына сай
білімді де, парасатты, жан дүниесі кемел, намысшыл, ұлт жанды ұрпақ,
отанымыздың арқа сүйер азаматы болайық, оны қорғауға әрқашан дайын
тұрайық.
Осымен Тәуелсіздігіміздің 25 жылдығына арналған №9 «Мереке» тобының
дайындаған «Елімнің еркіндігі - Тәуелсіздік» атты ертеңгілігіміз аяқталды.
Еліміздің егемендігі кеңейіп, көк байрағы желбірей берсін!