Денім сау болсын десең
Денсаулық – адам өмірінің ең маңызды байлығы. «Денім сау болсын десең» атты материалда біз денсаулықты сақтаудың негізгі қағидаларын, салауатты өмір салтын қалыптастыру және спорттың маңызды рөлін қарастырамыз. Салауатты өмір сүрудің қаншалықты қажеттілігі, оның адам ағзасына тигізетін әсері туралы айтып өтеміз.
Бүгінгі таңда адамдардың денсаулығына ерекше көңіл бөлу маңызды. Дұрыс тамақтану, спортпен шұғылдану, қалыпты тынығу мен еңбек ету –бұлардың барлығы денсаулықты сақтаудың бақытына бастайтын жол болып табылады. Сондықтан оқу барысында денсаулықты күту, мықты дене шынықтырудың пайдасы, еңбек қабілеттігін арттыру мәселелері кеңінен талқыланады.
Спорт – дене шынықтыру мен денсаулықты нығайтудың тиімді жолы. Оқу бағдарламасында оқушылар спорт түрлерімен танысып, топтық жұмыс барысында денсаулықты қалыптастыруға және спорттың пайдасын түсінуге көмек көрсетеді. Ағзаның денсаулығы мен спорттың жақсы әсері туралы білімдерін кеңейтеді.
Сабақ барысында үй тапсырмасын тексеру, психологикалық жүктеме, бақылау күнделігін пайдаланып, ауа райын сараптау сияқты әдістер арқылы оқушылар информативтік әрі практикалық дағдыларды меңгереді. Оқушылар денсаулық туралы білімдерін тереңдете отырып, өздерінің физикалық белсенділігіне жаңа көзқараспен қарайды.
Денім сау болсын десең
Тақырыбы:Денім сау болсын десең
Мақсаты: денсаулықты күте білу салауатты өмір сүру екенін түсіндіру.
Міндеті:
1) Дені сау адам еңбекке қабілетті болатынын дәлелдеу.
2) Ағзаның дұрыс жұмыс істеу ережесін анықтау.
3) Дене шынықтыру мен денсаулық үшін спорттың пайдалы екендігін үйрету. Топтық жұмыс арқылы денсаулықты қалыптастыратын спорт түрлерін көрсету.
Сабақтың барысы
1. Психологиялық икем
2. Бақылау күнделігімен танысу. Оның оқу барысында маңызы мен міндетін еске түсіру.
Бақылау күнделігімен жұмыс жасау. Ауа райын күнтізбе бойынша толтыру. Бақылау күнделігіндегі жұмыс өз бетінше үйде немесе сыныпта ұжым болып орындалады. Егерде оқушылар ауа райының жағдайын күнде белгілеп отырса, сабақ үстінде оның жай – күйіне өз беттерінше сараптама беріп қорытынды шығару, бұл жұмысты олар тек қана ұжым болып сабақ үстінде орындайтын болса, өткен күндердің ауа райын еске түсіріп, сызбаны толықтырып, одан кейін сараптама бере алады.
3. Үй жұмысын тексеру.
Сабақ басталмас бұрын адам ағзасының мүшелері бейнеленген суретті іліп қою. Оқушылар өздері салған суретті негізге алып үй тапсырмасын түсіндіру.
1.Адам ағзасының қызметі біртұтас екенін қалай дәлелдеуге болады?
2. Адам денесі қандай бөліктерден тұрады? Олардың ішкі мүшелеріне жататын ағзаларын атаңдар.
3.Әрбір ағза қандай қызмет атқарады?
Осы сұрақтар төңірегінде оқушы ойын кеңейту. Соңында ағзаны күтудің қажеттігіне тоқталып қорытынды жасау.
4. Тірек білім, біліктілік және дағдының өзектілігі.
Сұрақ. Қоршаған дүниені түсіну үшін адам оны қалай сезінуі керек. Бір нәрсені табу, үйрену үшін көп еңбек еткің келе ме?
5-6 оқушының ойын тыңдау.
Венн диаграммасын дәптерге және тақтаға құру.
Жұмыс жазбаша орындалады. Тақтаға 2 затты немесе 2 құбылысты салыстыру үшін бір – бірімен қиылысқан екі үлкен дөңгелек сызамыз.
Оқушылардан осы екеуінің біреуіне жататын сөздерді айтуын сұрау және оларды дөңгелектің ішіне жазу керек.
Мысалға. Дені сау – көңілді, әдемі, қарны тоқ және т.б.
Дөңгелектер толғаннан кейін оқушылардан осының екеуіне ортақ сөздерді тауып, оны ортасындағы қиылысқан жерге жазуын сұрайды. Ортақ дүниені дөңгелектің ішінен табады. «Дені сау болу дегеніміз?». Жұмыс аяқталғаннан кейін қорытынды жасап, осы сабақ барысына арналған сұрақтарға жауап тыңдалады.
Жаңа материалмен жұмыс. Тақырыпты хабарлау және мақсаты түсіндіріледі.
Оқулықпен жұмыс. Суреттерді қарастыру. Оқулықтағы сұрақтарға жауап беру.
Мәтінді оқу. Оқыған мәтін туралы әңгімелесу. Алған ақпараттарды талқылау.
Сұрақтар
1) ежелгі адамдардың денесін және бұлшық еттерін шынықтыру үшін не қажет болды? Қалай ойлайсыңдар?
2) Саған таза ауада қандай жұмыс жасаған ұнайды? Неліктен?
3) Сен қандай спорт түрімен шұғылданасың? Оның қандай пайдасы бар? Өз ағзаңа деген қамқорлықты бастауыш сыныптан бастап қолға алу керек дегенді түсіндір.
Жұмбақтарды шеш
Шыр айналып екі бірдей аяғы
Жолға түссе, желден озып ағады. (Велосипед)
Жерге ұрсаң, көкке секіреді,
Көкке лақтырсаң, жерге түседі. (Доп)
Мәтінді оқу. Қазақ халқ ертеден баланың денсаулығы мықты болуы үшін қандай жаттығуларға мән бергенін талдау. Денсаулықтың мәнін дәптерге жазу. Оқығандары бойынша әңгімелесу.
Сұрақтар:
1) сен қалай ойлайсың: не үшін адамдар денешынықтырумен айналысуды жоғары бағалайды?
2) Денсаулығың жақсы болу үшін қандай шараларды қолдану керек? Естеріңе түсіріңдер.
3) Дені сау, мықты, күшті адамды кім дейміз?
4) араларыңда кім өзін денсаулығым мықты дей алады? Неліктен олай ойлайсың?
5) Мықты денсаулықты қалыптастыру үшін өз достарыңа қандай кеңес бере алар едің?
6. Ой – қиял. Топпен жұмыс. Тапсырма.
Спорттың бір түрін таңдау. Талқыға салып, дыбыссыз сол спорттың түрін іс – қимылмен көрсету, сыныптағылар оны табуы керек. Топтың дайындалуы үшін 3 минут уақыт беріледі. Оны көрсету және жауабын табу.
Оқулықтағы суреттерге қарай отырып, спорттық ойындардың адам денсаулығына әсерін әңгімелеу. Талқылауға салып ортақ ойға келіңдер. Берілетін уақыт 3 мин. Оқушылардың жауабын тыңдау. Түсіндіру.
7. Үйге тапсырма.
11 – беттегі мәтінді оқып, сұрақтарға жауап беріңдер. Ата – анаңнан жас кезінде ойнаған ойыны тураы сұрау. Тест тапсырмаларын сабақ үстінде де, үй тапсырмасы ретінде де орындауға болады. Тестің барлық дұрыс жауаптары өткен сабақтардың мәтінінде кездеседі.
