Терезелі үй: пішіндер мен көлемдерді танып білу
Бұл құжатта балалардың сенсорикалық даму деңгейін жоғарылату мақсатында «Терезелі үй» тақырыбындағы оқу іс-әрекеттерінің бағдарламасы ұсынылған. Оқу процессінде балалар, ойын элементтері арқылы, дөңгелек және шаршы пішіндермен, сондай-ақ, үлкен және кішкентай көлемдерді танып, оларды топтастырып үйренеді. Оқу мақсаты баланың зейінін, есте сақтау қабілетін арттыру, сонымен қатар, ұсақ моториканы дамыту болып табылады.
Оқушылардың пішіндер мен көлемдер туралы түсініктерін тереңдету үшін «шаттық шеңбері» деп аталатын қызықты жаттығу өткізіледі. Балалар бірге дөңгелек және шаршы формаларын зерттей отырып, Карлсон кейіпкерін шақырып, ерекше терезелері мен үйлерін көреді. Ойын арқылы эмоцияларын білдіріп, білімдерін тәжірибеде қолдану мүмкіндігін алады.
Сондай-ақ, балаларға пішіндерді таныстыру кезеңінде көрнекі құралдар мен материалдар пайдаланылады. Оқу - әрекеттердің бұл кезеңінде балалар үлкен дөңгелек және шаршы терезелерді байқап, олардың қасиеттерін салыстыруға мүмкіндік алады. Сәйкес пішіндерді терезелерге орналастыра отырып, олар пішіндер мен көлемдер туралы танымдарын жетілдіріп қана қоймай, қоршаған ортаға қызығушылықтарын арттырады.
Тренингтің қорытындысында, балаларға шығармашылық тапсырмалар беріліп, олар өз қолдарымен жасаған үйдің терезелерін көрсетіп, пішіндер мен көлемдер туралы білімдерін практикалық түрде көрсетеді. Бұдан бөлек, «осындай», «мұндай емес», «әртүрлі», «бірдей» сияқты сөздерді қолдана отырып, олардың сөздік қорлары да байиды.
Білім беру саласы: «Таным»
Бөлімі: Сенсорика
Тақырыбы: «Терезелі үй» (пішінін, көлем)
Мақсаты: балаларды 2 әртүрлі фигура (дөңгелек, шаршы) мен 2 әртүрлі көлемдегі (сөздік нұсқау бойынша – үлкен, кішкентай) заттарды таңдауды жүзеге асыра отырып пішініне және көлеміне қарай топтастыруға үйрету; ұсақ қол моторикасын дамыту. Ұқыптылыққа тәрбиелеу
Қолданылатын көрнекіліктер мен құрал-жабдықтар: сыналары және тесіктері бар 2 үй (бір балаға), 4 үлкен дөңгелек пен шаршы және 4 кішкентай дөңгелек пен шаршы.
Сөздік жұмыс: тегіс, сүйір.
Билингвальды компонент: үй –дом, шаршы – квадрат.
| Оқу – әрекет кезеңдері | Педагогтің іс- әрекеті
| Балалардың іс- әрекеті |
| Мотивациялық қозғаушылық | Шаттық шеңбер: Айгөлек-ау, айгөлек, Айдың жүзі дөңгелек. Айдай толған кезімде, Би билеймін дөңгелеп. Қуанышты тосын сый! Карлсон балаларға ұшып келу арқылы тосын сый уйымдастыру. Ол өзімен бірге терезелерінің әйнегі жоқ ерекше уйлер ала келеді.
| Балалар дөңгелене шеңберге тұрып, шаттық шеңбердің сөзін қайталап, қимыл- қозғалыс жасайды. Балалар Карлсонмен амандасады. Әйнегі жоқ үйді қарастыра бастайды. |
| Ұйымдастыру-шылық ізденістік | Үлестірмелі материалдармен жұмыс. Балалар, Карлсон үйдің терезелеріне әйнек қойып беруді сұрайды. Бізге мынандай дөңгелек таңдау керек (педагог дөңгелектерді көрсетеді) Ал мыналардың пішіні басқа (шаршыларды көрсетеді) Билингвальды компонент:үй – дом, шаршы – квадрат. Сөздік жұмыс: тегіс, сүйір. Балалар мына қолдарыңдағы дөңгелек терезелерді қолдарыңа алып, шеттерін саусақтарыңмен жүргізіп көріңдерші, олар тегіс, бұрыштары жоқ. Ал енді басқа терезесін көрейік, шаршы пішінді терезенің шеттерін саусақтарыңмен жүргізіңдерші, оның бұрыштары бар және үшкір. Ал, олай болса балалар бойымызды сергітіп алайық. Сергіту сәті: Ал, балалар, келіңдер, Бой жазайық бәріміз. Мойнымызды бұрамыз, Қолымызды соғамыз, Аяқтармен топ,топ басып, Орнымызға барамыз. Ал енді терезелерге фигураларды – үлкен дөңгелектер мен үлкен шаршыларды, кішкентай дөңгелектермен кішкентай шаршыларды қояйық. Осылайша үйдің терезелерін жабай.
|
Балалар терезелерді қарап шығады: дөңгелек және шаршы.
Қайталайды: тегіс, сүйір. Балалар фигураларды қолдарына алып тексереді. Балалар қайсысы дөңгелек, ал қайсысы шаршы екенін көрсетеді.
Сергіту сәтінің сөздерін қайталап қимыл қозғалысын жасады.
Балалар фигураларды көлемінің үлкендігіне және кішкентайлығына қарай қояды. |
| Рефлексиялық-түзетушілік | Оқу іс-әрекетін қортындылау: Балалар біз қандай әдемі, ерекше терезелері бар үйлер жасадық. Көрсетіңдерші, қай жерінде үлкен дөңгелек терезе, ал қай жерінде кішкентай дөңгелек терезе
| Балалар үлкен дөңгелек және кішкентай дөңгелек пішінді терезелерді көрсетеді. |
Күтілетін нәтижелер:
Жасайды:заттардың көлемдеріне қарай отырып, оларды топтастыруды;
Түсінеді: 2 пішінді (шаршы, дөңгелек) және 2 өлшемді (үлкен, кішкентай);
Қолданады: «осындай», «мұндай емес», «әртүрлі», «бірдей», «үлкен», «кішкентай» сияқты сөздер туралы түсініктерді.
