Көктемгі саябақ: Оқу процесіндегі қызықты әдістер

Білім беру саласы:

Таным

Бөлімі:

Қарапайым математикалық түсініктерін қалыптастыру

Тақырыбы:

Көктемгі саябақ

Мақсаты:

Реттік санауды бекіту; Заттарды өзіне қарай орналасуын айтуға дағдыландыру.

Міндеті:

5 көлеміндегі санау дағдыларына үйрету; ақыл-ой әрекеттерінің тәсілдерін қалыптастыру: салыстыру, қорытындылау, талдау жасау, байланыстың себеп-салдарын анықтауға одан әрі қарай жалғастыру.

Қажетті құрал-жабдықтар, көрнекіліктер:

Құстардың суреттері; саябақ макеті; поезд макеті салыстыруға арналған заттар; санауға арналған таратпа ұсақ заттық суреттер.

Кезеңі

Тәрбиешінің іс әрекеті

Баланың іс-әрекеті

Мотивациялық кезең

Ұйымдастырушы

кезең

Сергіту сәті

-Балалар, бүгін біз саябаққа саяхатқа барамыз.

Саябақта нелер болады? Сендер саябаққа кіммен барып жүрсіңдер?

Балалар қазір саябаққа жыл құстары келіп жатыр. Біз саябаққа әдемі гүлзар алып барайық. (Балалардың жартысын өнер орталығына гүлзар суретін боятуға отырғызады)

-Ал, ендеше саябаққа қандай көлікпен барсақ екен?

-Дұрыс екен, ендеше біз поездпен барайық. Ал, сендер вагон болып тіркеле қалыңдар.

Мен жүргізуші боламын.Менің сұрағыма дұрыс жауап беру арқылы сендер өздеріңнің орындарыңды анықтай аласыңдар. Кім бірінші болып жауап береді, сол бала өзінің вагонын бірінші болып тіркей алады.

-Менің бойым сендерге қарағанда қандай?

-Сендердің бойларың маған қарағанда қандай?

-Мен нешінші болып тұрмын?

-Нұрдәулет қай жерде тұр(тізбектің ортасында тұрған баланы атайды)?

-Айсара нешінші болып тұр?

-Қазір тәуліктің қай мезгілі?

-Біз балабақшаға қашан келеміз?

-Балабақшадан біз үйге қашан қайтамыз?

Т.б.(математикалық ұғымдарды қолданып сұрақтар қояды)

-Қане біздің поезд қала саябағына бет алды.

Чух-чух-чух, чух-чух-чух .

(Бүршік жарған 1-2 ағаш орнатылған, ағаш бұтағында ұзақ, торғай, қарға құстары отырғызылған,   тақтада саябақ көрініс бар жерге алып келеді)

«Қанша болды, қанша қалды?» дидактикалық ойыны. (ағаштағы құстарды қолданады)

1)  Отырды ағаш басында

     Ұзақ, торғай және қарға.

     Біз қалғанда сәл тақап,

     Ұшты торғай алысқа ұзап.

Ағаш басында неше құс болды? Неше құс қалды?

2)     Қарға ма әлде ұзақ па,

Қорықпай қалған ағашта.

Көрейік деп жеткенде

Қарқ етіп ұшты қарға да. 

Ағаш басында неше құс болды? Неше құс қалды?

Сендер есепке жүйрік екенсіңдер.Қазір барлығымыз бойымызды сергітіп алайық.

Құстар қайтты мекеніне(құс болып отырады)

Көтеріліп жылы жақтан,(орындарнан тұрады)

Ашық аспан көгіне.(жоғары қолдарын көтереді)

Асығып туған еліне

Қанатын тез-тез қаққан!(қанат қағады)

Суретпен жұмыс.

Қане балалар, саябаққа қарайықшы.Онда неше орындық бар?

-Су бүркемесі қай жерде тұр?

-Орындықта неше әже отыр?

Олар нешінші орындықта отыр?

-Құстарға жем шашып тұрған бала қай жерде тұр?

-Қанша құс жем жеуге келді?

-Қыз бала су бүркемесінің қай жағында велосипед теуіп жүр?

-Жоғарыда не бар?

-Қанша бала батпырауық ұшырып жүр?

-Мысық қайда отыр?

 Балалар, біз қазір саябақта ойын ойнаймыз. Білесіңдер ме, саябақта тек демалуға ғана емес кейбір адамдар сурет салуға да келеді.Қазір мен суретші боламын.(Ойын шартымен таныстырады)

«Мен қандай суретті салдым?» дидактикалық ойыны. (балаларға таратпа материалдар беріліп үстел үстіне отырғызылады)

1) Жарқыраған күнді жоғары жаққа оң жақ бұрышқа салдым.

2) Қайың ағашын сол жаққа салдым.

3) Теректі оң жағына салдым.

4) Екі ағаштың ортасына үлкен су бүркемесін салдым.

5) Қайыңның жоғарғы жағында ұзақ отыр.

6) Теректің төменгі бұтағында мысық отыр.

7)Төменде орындықты салдым. Ал енді менің суретіммен сендердің суреттеріңді көрейікші.(Салыстырады)

Балалар өздерінің саябаққа барған кездері туралы айтады.

Келісілген шарт бойынша балалардың жартысы бөлініп, өнер орталығына тапсырма орындауға отырады.

Отырғылары келетін көлік түрлерін айтады.

Тәрбиешінің сұрақтарына жауап беру арқылы тізбектегі реттіліктерін анықтайды.

Тәрбиешімен бірге поезд үнін салып тізбектеліп жүреді.

Есепті тыңдап, шешуін табады.Ағаш басының артық құсты алып тастайды.

Қимыл-қозғалыстар жасайды.

Кеңістікті бағдарлайды, санайды, реттік сан есімді қолданып сұрақтарға жауап береді.

Тәрбиешіні мұқият тыңдай отыра алдарында жатқан қима суретті орналастыра отырып тәрбиеші салған суретті құрастырады. Тәрбиешінің суретімен салыстырады.

Рефлексивті-түзетуші

Жұмыс дәптерінен тапсырма.

-Күлгін шар қай жақта ұшып барады?

-Сары шар қай жерде кетіп барады?

-Қызыл шар қай жақта тұр?

-Жасыл шар ше?

-Жоғарыда қандай шар бар? Шарлардың түстерін ағылшынша атап шығайықшы.

Өздері орындаған тапсырмаға қарап шарлардың орналасуын бағдарлап айтады.(Жасыл шар төменде. Қызыл шар сол жақта.т.б.)

Шарлардың түстерін ағылшынша атап береді.

Нені білу керек:

Кеңістікті бағдарлай біледі.

Нені игереді:

Қағаз бетінде кеңістікті бағдарлауды игереді.

Нені біледі:

Тәулік мезгілдерін ажыратады, кеңістік туралы ұғымдары кеңейеді.