Ғ дыбысы және әрпі
Технологиялық карта «Ғ дыбысы және әрпі» тақырыбына арналған. Бұл материалдың басты мақсаты - балаларды Ғ дыбысы мен оның әріп символымен таныстыру, сонымен қатар олардың логикалық ойлау қабілеттерін дамытып, дербес сөйлеу дағдыларын нығайту.
Оқушылардың назарын аудару мақсатында, сабақтың алғашқы кезеңінде, шаттық шеңберінде балалардың бір-біріне жылы лебіздерін білдірулері ерекше көңіл бөлінеді. Бұл процесс оқушылардың сабаққа қызығушылығын арттырып, олардың психологиялық жағынан дайын болуына ықпал жасайды.
Сабақ барысында балалар жұмбақтар мен жаңылтпаштарды шешу арқылы Ғ дыбысымен танысып, өзінің сөздік қорын байытады. Олардың ойлау қабілеттерін дамыту мақсатында, дидактикалық материалдар арқылы әртүрлі тапсырмалар беріледі, сонымен қатар сергіту сәттері қосылып отырады.
Сабақтың негізгі кезеңінде балалар Ғ дыбысының ерекшеліктерін талдап, оған байланысты сөздер ойлап табуға шақырылады. Оқушылар интерактивті түрде, қағаздан дайындалған зымыран үлгісімен ғарышқа ұшуға арналған ойын ойнайды, бұл олардың тапқырлығын арттырып, шығармашылық қабілеттерін дамытуға бағытталған.
Сабақтың соңында балалар өздерін бағалай отырып, Ғ дыбысымен таныстықтарын қорытындылап, алынған білімдерін пысықтайды. Оқушылардың интерактивті ойындар арқылы белсенділіктері мен қызығушылықтары жаңа деңгейге көтеріледі, сабақтың көңілді әрі ұмытылмас сәттерін өткізуге жағдай жасалады.
Технологиялық карта
Білім беру аясы: Қатынас
Білім облысы: қазақ тілі
Тақырыбы: Ғ дыбысы және әрпі
Мақсаты: Ғ дыбысы және оның әріп таңбасымен таныстыру. Дидактикалық материалдарды пайдалана отырып, балалардың ойлау қабілеттерін, қиялын дамыту. Балалардың ғ дыбысы бар сөз, сөйлем ойлап табуына назар аудару, сөздік қорына мән беріп, байланыстыра сөйлеуге үйрету. Жазуға қолдарын жаттықтыру.
Әдіс-тәсілдер: сұрақ-жауап, бекіту, жұмбақ, тыйым сөздер.
Көрнекіліктер: суреттер, кеспе әріптер, текшелер, ребустар жазылған плакат.
| Іс-әрекет бөлімдері | Тәрбиешінің іс-әрекеті | Балалардың іс-әрекеті |
| Ынталандыру. Сезімді ояту | 1.Балалар шаттық шеңберіне тұрып, бір-бірлеріне жылы лебіздерін білдіреді. -Балалар, қазір жылдың қай мезгілі? -Көктемде қандай өзгерістер байқадыңдар? -Ағаштардан қандай өзгерістер байқадыңдар? -Құстар жайлы не байқадыңдар? Сендер көктемнің өзгерісін жақсы біледі екенсіңдер. Енді көктем айларын кім атап береді. -Наурыз, сәуір, мамыр. -Бүгін қай күн екенін еске түсірейік. | Балалар шаттық шеңберіне тұрып, бір-бірлеріне жылы лебіздерін білдіреді.
Сұрақтарға жауап береді. |
| Ізденістер. Ұйымдастыру | 2. Жұмбақ жасыру. Көп әріп ішінде,- Шалғы пішінде. Тап, мұны түсін де.
2. Ғ дыбысы туралы түсіндіру. -Балалар, ғ дыбысын айтып көрейік. -Ғ қандай дыбыс? -Неліктен дауыссыз? -Қандай текшемен белгілейміз? -Ғ дыбысына байланысты кім тез сөздер тауып айтады? -Кәне, кім таға сөзін тақтаға текшелер арқылы жазып береді? (Бір бала тақтаға таға сөзін жазып береді, буынға бөледі, қалған балалар орындарында отырып дауыстап айтады, шапалақ ұру арқылы буынға бөледі.)
3. Жаңылтпаш үйрену. Ағабай ағасын, «Ағатай» деп атасын! Аға деп бағалар, Ағаның бағасын.
Сергіту сәті Солға, солға түзу тұр. Оңға, оңға түзу тұр. Алға қарай бір адым Артқа қарай бір адым. Жоғары, төмен қарайық, Орнымызды табайық. (Қимылмен көрсету)
ІІ. Негізгі бөлім. Жұмбақ шешу. Жоқ өзінде бас та, Қас та, мойын да. Ұзындығы жазулы тұр бойында. Сызғыш сөзіне дыбыстық талдау жасайды. -Екінші буын қай дыбыстан басталады? -Дыбысты біз айттық, естідік, енді ғ дыбысының таңбасымен танысайық. (Әріптің баспа түрі көрсетіледі) -Ғ әрпін ауада жазып көрсетелік (балалар бірге ілесіп жазады). -Дәл ауада жазғандай, қазір дәптерден үлгіге қарап, үзік сызықтарды қосып, ғ әрпін жазамыз.
2. «Ғарышқа ұшу» дид.ойын. Ойынның шарты: балаларға қағаздан сәндеп жасалған зымыран үлгісі көрсетіледі де, ғарышқа ұшқысы келген балаға тапсырмаларды дұрыс орындау керектігі ескертіледі. Зымыран үлгісінен тапсырмалар жазылған қағазды бір- бірден ала отырып, өткен әріптерге байланысты жұмбақ шешеді, жаңылтпаш, санамақтар айтады.
3. «Сөйлемді толықтыру» дид.ойын. Шарты: бірнеше сөйлемнің басын оқу. Балалар аяқталмаған сөйлемді аяқтайды. 1. Өзімнен үлкен бауырым - ... 2. Қыз қылығындағы әшекей - ... 3. Атам ат ....
Тіл ұстарту жаттығуы. Ға-ға-ға Атқа тақты таға. 4. Дәптермен жұмыс. | Балалар тыңдайды, жауабын табады.
(Ғ әрпі)
Балалар жаңа әріппен танысады.
-Ғ дауыссыз дыбыс.
Ғ дыбысына байланысты сөздер тауып айтады.
Тапсырмаларды орындайды.
Жаңылтпаштарды тәрбиешімен қосылып қайталайды.
сергіту сәтін қимыл-қозғалыс арқылы жасайды.
Жұмбақтың жауабы:
(Сызғыш)
Дид/ойынды қазығушылықпен ойнайды.
Балалар аяқталмаған сөйлемді аяқтайды. (аға) (сырға) (тағалады)
Тіл ұстарту жаттығуын 3 рет хормен қайталайды. Дәптерге Ғ әрпін жазады. |
| Қорытындылау. Өзін-өзі бағалау | ІІІ. Қорытындылау. -Қандай дыбыспен таныстық? -Ғ дыбысына сөз ойлаңдар. | Балалар сұрақтарға жауап береді.
|
Күтілетін нәтиже:
Білуі тиіс: -------------------------------------------------
Түсінігі: ---------------------------------------------------
Көрсете білуі: -------------------------------------------
