Мин дә үҫкәс һалдат булам

Ватанды һаҡлаусылар көнөнә иртәлек
 
Тема: Мин дә үҫкәс һалдат булам.
 
Маҡсат:
1.Балаларҙы Ватанды һаҡлаусылар көнө менән таныштырыу;
 
2.Ир-егеттәр- тыуған илде һаҡлаусылар тигән төшөнсә биреү; Атайҙары, олатайҙары менән ғорурланыу тойғоһо тәрбиәләү;
 
3.Ватанға һөйөү тәрбиәләү
 
Хөрмәтле атайҙар!
Беҙ һеҙҙе ысын күңелдән яңы ғына үтеп киткән байрамығыҙ- “Ил һаҡсылары көнө” менән ҡайнар ҡотлайбыҙ.
Хөрмәтле атай!
Көткән сабыйыңды
Устарыңда күккә сөйҙөң Һин.
Шул миҙгелдән
Ирлек хисе менән
Бар донъяны янып-һөйҙөң Һин.
“Балаҡайым ҡанатлана!”-тиеп
Бөркөт кеүек осоп йөрөнөң һин,
Сабыйҙарға кәрәк хәҙәр йылы
Кәрәк хәҙәр аҡыл бирҙең һин.
 
Ер йөҙөнөң бөтә матурлығын
Теләй улар бүләк итергә
Донъялағы матур һүҙҙәрҙең дә
Иң йылыһын һеҙгә әйтергә.
 
Шиғырҙар
 
1.       А.Б. Ут шәүләһе, һуғыш күләгәһе
Илдән-илгә күсеп йөрөмәһен!
Халыҡ йыры, шатлыҡ йыры
Бар донъяны яңғыратһын.
 
Йыр. “Ерҙән һалдат атлай”
 
2.       А.Б.Ҡарағыҙсы, кемдәр бейей
Үҙҙәре бик күмәктәр.
Ҡулдарында төрлө-төрлө
Матур-матур яулыҡтар.
 
Кескәйҡыҙҙар башҡарыуында “Яулыҡ” бейеүе.
 
3.       А.Б. Ап-аҡҡарҙар, аҡ йондоҙҙар
Юлыбыҙҙа шығыр-шығыр.
Эй, атайым һинең өсөн
Йырлайым мин иң яҡын йыр.
 
Ҡыҙҙар башҡарыуында йыр “Атайыма”
 
4.       А.Б. Их, матур баҫабыҙ,
Нисек күңел асабыҙ.
Их күңел асабыҙ
Нисек шыма баҫабыҙ.
 
Кескәйҙәр башҡарыуында “Любизар” бейеүе.
 
5.       А.Б. Байрам үтер күркәмерәк
Барыһы ла шатланыр.
Әйҙәгеҙ күңел асайыҡ,
Бергәләп йырлайыҡ йыр.
 
  Бәләкәс төркөм башҡарыуында йыр “Телефон”
 
Малайҙар ярышы
 
1.       “Беҙ-буласаҡ һалдаттар!” (отжимание)
2.       “Тиҙерәк йый!” (өлкән төркөм)
3.       Болотанан сығыу (бәләкәс төркөм)
 
6.       А.Б.Ҡыҙҙарҙың беҙ йырлауын
Бергәләшеп һорайыҡ.
      Атайҙарҙың байрамы
      Йырһыҙ-моңһоҙ буламы?
 
      Йыр “Алтынай”
    
7.       А.Б. Әйҙә әле, баҫ, баҫ
      Йырлап, бейеп, күңел ас.
      Халҡыбыҙҙың көйҙәре
      Һис ҡасан да ялҡытмаҫ.
 
      Бейеү “Матростар”
 
Атайҙарға ярыш
1.       Тиҙ һорауға тиҙ яуап
2.       Мәҡәлдәрҙең аҙағын тап
 
8.        А.Б. Матур күлдәк, итек кейеп,
Әхирәттәр йыйылған.
Ҡулдарына силәк алып,
Еләккә тип юл алған.
 
Бейеү “Һылыу ҡыҙҙар”
 
9.       А.Б. Киләһе тормош юлығыҙ
Үтһен тик шатлыҡ менән.
Байрамыбыҙ тамамлана
Күңелле йырҙар менән.
 
Йыр “Трам-там-там”
 
Коллектив бейеү
 
А.Б. Үҙ көсөндә ҡалһын, үҙгәрмәһен
Бороңғонан ҡалған бер өмөт.
Ил ағаһы булып, атай булып,
Ғорур булып ҡалһын ир-егет!
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Ҡотло булһын, атай, байрам көнөң
Беҙ барыбыҙ ошо теләктә.
Бөгөнгөләй шат йылмайған йөҙөң
Шатлыҡ өҫтәй беҙҙең йөрәккә.
Тормошта һин ныҡлы терәкһең,
Беҙҙең өсөн һәр саҡ кәрәкһең.
 
 
Керпек ҡаҡмай поста тора
Илдең ҙур өмөттәре.
Типкән саҡта тимер өҙгән
Ҡеүәтле егеттәре.
 
 
Атайым да минең һалдат булған
Хәҙер һалдат ағайым.
Үҫеп еткәс, мин дә шулай
Тыуған илде һаҡлайым.
 
 
Тормош нурлы, тормош матур
Тыныс булыр бар яҡта.
Сөнки илемдең сигендә
Ағайым тора һаҡта.
 
 
Уйнайбыҙ ҙа, йырлайбыҙ ҙа
Бәхетле бала саҡта.
Сөнки илемдең сигендә
Ағайым тора һаҡта.
 
 
Мин буласаҡ һалдат-һаҡсы
Әсәйемде һаҡлайым.
Һаҡлайым мин өләсәйҙе,
Һылыуымды яҡлайым.
            Ситкә китеп уйнамайым,
Өй тирәләй атлайым.
Атай-әсәй өйҙә юҡта
Өйөбөҙҙө һаҡлайым.
 
 
Бер-ике, һайт-два
Һалдаттар баҫты сафҡа.
Ике  малай ҙа эйәрҙе
Арттарынан ҡалмаҫҡа
 
 
 
 
 
Һуғыш теләмәй малайҙар
Сынығып үҫеү-ҙур эш.
Ватанды һаҡларға улар
Әҙер булырға тейеш.
Тыуып үҫкән илебеҙгә
Дошмандар килһә әгәр.
Күтәрелер ил Балтиканан
Тымыҡ океанға ҡәҙәр.
 
 
Атайҙарҙы ҙурламағас
Байрам байрам буламы?
Атай юҡта донъя һанһыҙ
Мәңге йәшә атайым
Мин терәгең булырмын.
 
 
Бер минут та тик ултырмай
Минең атайым өйҙә.
Һыу килтерә, малды ҡарай
Ярҙамлаша әсәйгә.
 
 
Атайымды көн дә эштән
Һағынып көтөп алам.
Һабын менән таҫтамал
Элеп әҙерләп ҡуям.
“Рәхмәт, ҡыҙым, һиңә,- тип
Атай ҡарай йылмайып.
-Эш яратып үҫһәң,-ти,
Йәшәрмен,-ти,-ҡыуанып”
 
 
Минең атайым
Эшкә бик оҫта.
Бик тырышып ул
Күп утын яра.
Апайым менән
Уға булышам.
Йүгереп йөрөп
Утын ташышам.
 
 
Атай менән бергәләп
Соҡор ҡаҙҙыҡ баҡсала.
Ултырттыҡ беҙ алмағас
Ашарбыҙ тәмле алма.