Сабақтың тақырыбы: Достық көпірі

Сабақтың тақырыбы: «Достық көпірі»

Мақсаты:
Білімділік: Көпір туралы балаларға түсінік беру. Оның қажеттілігі, құрылымы туралы ұғымдарын кеңейту. «Достық», «сыйластық» адамгершілік құндылықтырын кеңейту. Геометриялық фигураларды ажырату, жаттықтыру.
Дамытушылық: Достыққа бейімділік сапаларын дамыту. Ойлау, есте сақтау қабілеттерін, ойын арқылы танымдық қабілеттерін, логикалық ой-өрісін дамыту, қолдың ұсақ моторикасын дамыту.
Тәрбиелік: ептілікке, жылдамдыққа, ұғымталдыққа, ұйымшылдыққа, өзара татулыққа тәрбиелеу.
Күтілетін нәтиже:
Білім: тәулік бөліктерін, апта күндерін, жыл мезгілдерінің ретін, логикалық тапсырмаларды шеше білу, тапсырмаларды өздігінен орындай білу.
Икемділік: көпір түрлерін атауды, жасалу жолдарын құрастыруды, логикалық тапсырмаларды шеше білу.
Дағды: берілген тапсырманы орындап, жеткізу, өз-өзін бақылау, бағалау.
Сабақтың түрі: Аралас сабақ
Сабақтың әдіс-тәсілдері: тәжірибелік, ізденушілік, көрнекілік, сұрақ-жауап.
Құрал-жабдықтар, көрнекі құралдар: интерактивті тақта, компьютер, лего, геометриялық фигуралар, суреттер, флипчат.
Пәнаралық байланыс: Логика, қол өнері , ағылшын тілі
Сабақ барысы:
Ұйымдастырылушылық-мотивациялық кезең:
Педагогтың кіріспе сөзі:

• Балалар, бүгінгі күнге қараңдаршы, аспан ашық, күн жылы, көңіл күйіміз көтеріңкі, тамаша!

Психологиялық дайындық.
Біз қандаймыз, қандаймыз,
Шұғылалы таңдаймыз!
Күлімдеген күндейміз,
Ренжуді біз білмейміз.
Қуанамын мен де,
Қуанасың сен де,
Қуанайық достарым,
Бүгінгі ерекше күнге!
-Балалар, шынымен де бүгін өте ерекше күн екен. Бізге әр қаладан қонақтар келді.
Жылулық шеңберін жасап , амандасу.
Үлкенге де сіз!
Кішіге де сіз!
Баршаңызды құрметтеп
Бас иеміз біз!
(Сырғып соққан боранның дыбысы естіледі) Музыка ойналады.
Мэри Поппинс қонаққа келеді.
Жүргізуші педагог: - Балалар, бізге кім келді?(таңқалып)

• Мэри Поппинс.

• Иә, біз есігі ашық қонақжай елміз. Бізге ағылшын еліненен Мэри Поппинс келді.

Ағылшын тілінде сәлемдесу:(Ойын ойнау, ән айту)
Hello, hello!
Hello, how are you?
Hello, hello,
I’m fine thank you?
Ұйымдастырушы-ізденушілік:

• Балалар менің сендерге дайындаған тапсырмам бар.

• Кәне көрейік. (интерактивті тақтадан тапсырмалар беріледі).

1-тапсырма.

• Реті бойынша жыл мезгілдерін нөмірле:

• Тәулік бөліктерін ретімен белгіле (дөңгелектердің ішіне санмен көрсетіп жаз).

• Апта күндерін ретімен белгіле.

2-тапсырма.

• Ойлан тап

Оперативті-танымдық кезеңі
3-ші тапсырма:Компьютермен жұмыс : «Дашамен көпір құрастыру» ойыны. (балалардың жұмыстары интерактивті тақтадан көрсетіледі).
- Көпірдің қандай түрлерін білесіңдер? (суреттер көпір түрлері)
Темір жол көпірі, теңіз көпірі, жаяу адам жүретін көпір, көліктер көпірі.
- Көпірлер не үшін қажет? Бір жағадан екінші жағаға, бір елден екінші елге өтеді.
(А.Р. шығады )
А.Р: қандай тамаша! Балалар сендер компьютермен көпірді жинадыңдар,
енді легодан көпірді өз қолымызбен жасайық.
Жүргізуші педагог:
- Балалар, Айнұр Рашидқызы сендерді өзінің шеберханасына шақырады.
(Балалар легомен жұмыс жасайды.)
Рефлексия
- Айнур Рашидқызы: қандай керемет көпір. Әр нәрсенің өзінің атауы бар. Біз де көпірді атайықшы?!
-Достық көпірі.
-Неге ?
- Өйткені «Достық көпірі» екі ел арасындағы ынтымақтың көпірі;
-Татулықтың көпірі;
-Бірліктің көпірі;
Жүргізуші педагог: Дұрыс айтасыңдар балалар!Бүгінгі біздің құрастырған көпіріміз ынтымақтың, татулықтың, бірліктің, достықтың - көпірі.
Тақпақ «Қазақстан»

«Екібастұз қаласы әкімдігінің білім бөлімі» ММ
ГУ «Отдел образования акимата города Экибастуза»
«Қайнар» білім беру және бос уақытты қамту кешені» ҚМКК
КГКП «Образовательно – досуговый комплекс «Кайнар»


«Қайнар» ББК әдістемелік кеңесінің отырысында қарастырылды
Рассмотрен на заседании методического совета ОДК «Кайнар»
Хаттама/Протокол №_____, «____» ______ ______ж/г



Балбұлақ интелектуалды шығармашылық дамыту студиясы
Ашық сабақ
Тықырыбы: «Достық көпірі»
Өткізілетін күні:

Өткізетін қосымша білім беру педагогтар:
Мухтарова Р.З.
Шарипова А.Ж.
Таскараева А. Р.






Екібастұз қ. 2016ж