- Главная
- →
- Занятия с детьми
- →
- Перспективное планирование на 2014-2015 учебный год в Тебюляхской школе
- →
Перспективное планирование на 2014-2015 учебный год в Тебюляхской школе
В данном документе представлен анализ перспективного планирования образовательного процесса в "Тебюляхской средней школе" на учебный год 2014-2015. Это планирование направлено на создание условий для всестороннего развития детей, включая их интеллектуальные, эмоциональные и физические аспекты. Важнейшей задачей является адаптация образовательных методов к современным требованиям и интересам образовательного процесса.
Одной из ключевых тем является разработка и применение инновационных методик, направленных на вовлечение детей в активное обучение. Для этого используются разнообразные формы работы, такие как занятия в группах, проектные работы и практические занятия. Это позволяет детям не только усваивать новые знания, но и развивать критическое мышление, креативность и командные навыки.
В рамках перспективного планирования также предусматривается внимание к индивидуальным потребностям и интересам каждого ребенка. Учителя активно используют диагностику и оценку для определения сильных сторон учеников и создания персонализированных планов обучения. Такие подходы способствуют повышению мотивации учащихся и улучшению их успеваемости.
Документ включает практические рекомендации для педагогов по организации образовательного процесса, а также примеры успешных практик, которые были внедрены в "Тебюляхской средней школе". Основное внимание уделяется созданию безопасной, вдохновляющей и поддерживающей образовательной среды, где каждый ребенок сможет развивать свои способности и таланты.
В заключение, перспективное планирование представляет собой стратегию, направленную на улучшение качества образования и воспитания в "Тебюляхской средней школе". Оно базируется на современных подходах и методах, которые позволяют обеспечить гармоничное развитие школьников, готовя их к вызовам будущего.
Муниципальное бюджетное общеобразовательное учреждение
«Тебюляхская средняя общеобразовательная школа»
ПЕРСПЕКТИВНАЙ БЫЛААН
2014-2015 үөрэх дьылыгар бэлэмнэнии бөлөххө
Үлэни оҥордо “Сулусчаан” уһуйаани иитээччитэ
Яровенко Алла Ивановна
2016 сыл
Перспективное планирование НОД в старшей группе
ПЕРСПЕКТИВНАЙ БЫЛААН
2014-2015 үөрэх дьылыгар улахан бөлөххө
Тэрээһиннээх үөрэтэр дьарыктар:
Тылы сайыннарыы, сыһыарыы/мэһийии (алтыһыннарыы)
Балаҕан ыйа –
Идэ ыйа
1 нэдиэлэ. Сайын.
Үөн-көйүүр. Отоннор.
2 нэдиэлэ. Күһүн, мастар
3 нэдиэлэ.
Сэрэхтээх буол
4 нэдиэлэ. Оҕуруот аһа Фрукталар. Күһүҥҥү үлэлэр
Тиэмэтэ
Үөн-көйүүр
Мэһийии “Тойон ыҥырыа”
Күһүҥҥү мастар
Сыһыарыы “Сэбирдэхтэр”
Р дорҕоон
Мэһийии “Плитка”
Фрукталар.
Мэһийии (налеп) “Виноград”
Сыала-соруга
Үөн-көйүүр туһунан билиилэрин кэҥэтии,тойон ыҥырыа тас көрүҥүн, олоҕун, билиһиннэрии. «Дыыгынас» - тыл оонньуута.
Оҕо тылын саппааһын байытыы, тойон ынырыаны төгүрүтэн, хаптаччы баттаан, атахтарын хатайдаан сыһыаран оҥорторуу.
Хартыынаны көрөн ойуулаан кэпсииллэрин ситиһии. Күһүҥҥү мастары кэтээн көрөн, тас уратытын, чаастарын быһаартарыы, сэбирдэҕин форматын көрдөрүү. Ханнык мастар хайдах сэбирдэхтээхтэрин көрүү. Утарыта суолталаах тылы буларга эрчийии, тыл саппааһын байытыы. Араас быһыылаах сэбирдэхтэри кумааҕыны бүк тутан кырыйтара үөрэтии
Р дорҕоону чуолкайдык саҥарарга үөрэтии, кыра, улахан, ыраах, чугас тыаһы арааран истэргэ ситиһии
Ыйытыыга 2-3 тыллаах эппиэти биэриини ситиһии, тыл саппааһын байытыы. Плитканы сыбаан оҥорорго үөрэтии,
Фрукталары сөпкө ааттаан, өҥнөрун, быһыыларын арааран билэллэрин ситиһии. Ханнык дойдуга үүнэрин, дьон күһүҥҥү үлэтин чуолкайдааһын.
Пластилины хатайдаан, хаптаччы тутан, дьүөрэлээн картонҥа виноград отонун, сэбирдэҕин сыһыарыы.
Алтынньы - добдурҕа
Мин дьиэ кэргэним, мала-сала
Ийэ күнэ
Мин дойдум - Саха сирэ
Мин олорор бөһүөлэгим
Тиэмэтэ
Өстүөкүлэ уонна пластмасса уратылара
Оригами “Остуол”
Ийэбэр бэлэх
Сыһыарыы “Сибэкки”
Ҕ-Х дорҕооннор.
Сыһыарыы “Саха сирин былааҕа”
Эбээ иһиттэрэ
Сыһыарыы “Ыаҕыйа”
Сыала-соруга
Өстүөкүлэ уонна пластмасса уратыларын чинчийэн, кэтээн, тутан-хабан көрөн быһаарыы. Туох туһалаахтарын, туохха туттуллалларын, үөскээһиннэрин туһунан кэпсэтии.
Тыл баайа: өстүөкүлэ — ньалҕаархай ньуурдаах, килэбэчигэс, кытаанах, кэбирэх, үлтүркэй, дьэҥкир, ыарахан, сытыы кырыылаах.
Пластмасса — ньалҕаархай ньуурдаах, килэбэчийбэт, сымнаҕас, бөҕө, курдаттыы көстүбэт, чэпчэки, мултугур.
Ийэлэрин туһунан оҕо айан ситимнээхтик кэпсиирин ситиһии; гофрированнай кумааҕыттан сибэкки оҥорорго үөрэтии. Ийэлэри үөрдэргэ кыһаныы, бырааһынньыктааҕы настарыанньаны көтөҕүү.
Ҕ-Х дорҕооннору арааран истэр уонна саҥарар үөрүйэҕи чиҥэтии, сибээстиир дьоҕурун сайыннарыы. Квадраттан төгүрүгү, көнө муннуктан синньигэс кэрчиктэри харах холооһунунан кырыйтарыы, үлэлэрин балаһыанньатын көрөн наардаан сыһыаралларын ситиһии.
Өбүгэлэрбит иһиттэрин билиһиннэрии. Иһит тас көстүүтүн, оһуорун, матырыйаалын, хаачыстыбатын, уратытын, маарыннаһар өрүтүн булларыы. Тыл саппааһын байытыы. Көнө муннук илииһи эрийэ тутан цилиндр быһыытын ыаҕыйа oҥopyy, ohyopy оҥорторуу. Оҕо оҥорбут оҥоһугуттан дуоһуйууну ыларын ситиһии.
Сэтинньи - Байанай ыйа
Дьиэ кыыллара, көтөрдөрө
Дьиикэй кыыллар
Байанай
Саха танаһа
Тиэмэтэ
Һ дорҕоон.
Мэһийии “Ыт оҕото”
Ҥ-Н дорҕооннор
Мэһийии «Тиин»
НПК оҕолорго “Сымнаҕас көмүс – күндү түүлээх”
Хатылааһын, тылга дорҕоон миэстэтэ
Мэһийии “Төбөҕө кэтиллэр таҥас”
Сыала-соруга
Һ дорҕоону чуолкайдык саҥарарга үөрэтии, тылга чопчу дорҕоон баарын-суоҕун өйдөөн истии, киһи саҥатын өйдөөн истэргэ салгыы үөрэтии. Сүрүн чаастан чорбоччу тардан, сорох чааһы сыһыаран ньалҕаарыччы имэрийэргэ эрчийии.
Ҥ-Н дорҕооннору араарн истэргэ уонна саҥарарга үөрэтии, дорҕоон тыл хайа өртүгэр саспытын таба быһаарыы. Тииҥ тас көрүҥүн, тутулун таба биэрэгэ үөрэтии, чаастарын сыһыары тутан, имэрийэн холбуурга эрчийии
Тыа кыылларын салгыы билиһиннэрии,оҕо билиитин-көрүүтүн кэҥэтии, тылын саппаһын байытыы. Тулалыыр эйгэҕэ, айылҕаҕа болҕомтолоох, харыстанньаҥ сыһыаны иитии.
Уос, тыл уонна истэр, тыынар органнары сайыннарыы, хас да тылтан наадалаах дорҕоон баар тылларын истэн билии, С дорҕоон тыл хайа өртүгэр саспытын таба быһаарыы, уос, айах хамсааһынынан дорҕоону таайыы.Төбөҕө кэтиллэр таҥас арааһын билиһиннэрии, чаастарын ааттатыы. Тыл cannaaһын байытыы, илиинэн оҥорор дьоҕурун сайыннарыы.
Ахсынньы – остуоруйа ыйа
Остуоруйанан айан
Остуоруйанан айан
Сэрэхтээх буол
Саҥа дьыл
Саҥа дьыл
Тиэмэтэ
Йаа-йа диэн икки дорҕоон ситимэ
Сыһыарыы “Аптаах сибэкки”
Викторина “Остуоруйанан айан” Мэһийии “Сөбүлүүр остуоруйам геройа”
Тымныы кырдьаҕаска сурук Мэһийии “Тымныы оҕонньор кэһиитин аҕалбыт”
Саҥа дьыл бырааһынньыга Сыһыарыы “Банаарык”
Сыала-соруга
Йаа-йа диэн икки дорҕоон ситимин арааран истэргэ үөрэтии, дорҕоон тыл иннигэр эбэтэр бүтүүтүгэр баарын таба быһаарыы, тыл инники дорҕоонун арааран истии. Остуоруйа дойдутун сибэккитэ туох уратылааҕын туһунан кэпсэтии. Аптаах сибэкки тас көрүҥүн айан, чаастарын кырыйан сыһыарыы.
Истибит остуоруйаларын хатылааһын, остуоруйаны ис хоһоонунан, геройдарынан таайтарыы, боппуруоска эппиэттииллэрин ситиһии. Пластилинынан араас ньыманан сөбүлүүр остуоруйаларын геройдарын оҥоророллун ситиһии.
Оҕо баҕа санаатын бэйэтэ ситимнээн кэпсиирин ситиһии. ойуулуур-дьүһүннүүр тыллары туттуу. араас ньыманан мэһийэргэ, киһи чаастарын конус быһыытыгар сыһыаран чопчу оҥорорго үөрэтии.
Хартыынанан ойуулаан-дьүһүннээн кэпсээн оҥотторо үөрэтии, боппуруоска толору эппиэттииргэ, болҕомтотун сайыннарыыбырааһынньыктааҕы настарыанньаны көтөҕүү. Елка ооньуурун илиинэн оҥорор дьоҕурун сайыннарыы.
Тохсунньу – таҥха ыйа
Кыһыҥҥы каникуллар
Кыһын
Хоту муус дойду
Тиэмэтэ
Таҥха, таҥха оонньуулара
Кыһын
Сыһыарыы
Үрүҥ эһэ
Мэһийии
Сыала-соруга
Таҥха туһунан өйдөбүлү биэрии. Оҕо сэрэйэр, таайар дьоҕурун салгыы сайыннарыы, сиэрдээх быһыыга-майгыга салгыы иитии.
Кыһыҥҥы айылҕа сөҥүүлэрин уларыйыыларын кэтээн көрүү, сэһэргэһии, тыл саппааһын байытыы (кырыа, чысхаан, кыыдаан, туман). Дьыл кэминэн айылҕа уларыйыытынкэтээн, сибээстээн көрүү. Хартыынаны ойуулаан кэпсииллэрин үөрэтии. Кумааҕыны бүк тутан араас быһыылаах мастары кырыйтарыы
Үрүҥ эһэ хоту дойду усулуобуйатыгар хайдах олохсуйан, төрөөн-ууһаан олорорун билиһиннэрии. Хартыынаны көрдөрөн ырытыы, кыылы ойуулаан-дьүһүннээн кылгас кэпсээн оҥорорго үөрэтии. Сыбаан оҥоруу ньыматын туһанан хоту дойду хамсыыр - харамайдарын оҥоруу. Йуу-йу, йуо диэн икки дорҕоон ситимин арааран истэргэ үөрэтии, дорҕоон тыл иннигэр, кэннигэр иһиллэрин таба быһаарыы, тыл саппааһын байытыы
Олунньу – тыл ыйа
Кыстыыр чыычаахтар
Транспорт
Аҕа дойдуну көмүскээччилэр күнэ
Идэлэр. Кыһын
Тиэмэтэ
К.Д.Еремеев “Чыычаах”. Сыһыарыы
З-С дорҕооннор
Мэһийии
Мин аҕам – үлэһит
Сыһыарыы “Аҕабар бэлэх”
Ж-Ш дорҕооннор
Мэһийии “Хайыһардьыт”
Сыала-соруга
К.Д.Еремеев “Чыычаах” хоһоонун ааҕыы, ис хоһоонун өйдөөн истии, истибити кэпсээһин. Чыычаах өҥүн-түүтүн ойуулаан санатыһыы. Туохтуур кэмнэрин таба туттуу, кэпсэтэр дьоҕурун сайыннарыы. Квадраттан төгүрүгү, көнө муннуктан синньигэс кэрчиктэри харах холооһунунан кырыйтарыы.
З-С дорҕооннору арааран истэргэ үөрэтии, тылга дорҕоон миэстэтин буларга салгыы үөрэтии, хас да тылтан наадалаах дорҕоон баар тылларын истии. Оҕоҕо бэйэ санаатыттан, айан мэһийтэрии, араас ньымалары туһаныы
Аҕалар идэлэрин, үлэлиир тэрилтэтин туһунан ситимнээх кэпсээн оҥоруу, Аҕалара армияҕа сылдьыбыт оҕолорго хаартысканан кэпсэттэрии, оҕо тылын байытыы, өйүн сытыылатыы. Аҕаларга бэлэх оҥорторуу, кинилэргэ убаастабылы иитии.
Ж-Ш дорҕооннору арааран истэргэ үөрэтии, хас да тылтан Ж уонна Ш дорҕоон баар тылларын буларга эрчийии, дорҕоон тыл хайа өртүгэр саспытын таба быһаарыы. Киһи этин чаастарын, пропорциятын оҥорторуу
Кулун тутар – Дьөһөгөй ыйа
Аан дойду дьахталларын күнэ
Олоҥхо
Олоҥхо
Саас
Тиэмэтэ
Хатылыыр дьарыктаныы
Сыһыарыы
Мэһийии
Туйаарыма Куо
Мэһийии
Б-В дорҕооннору
Сыһыарыы “Саас кэллэ”
Сыала-соруга
Маарыннаһар Х-Ҕ, С-З, Ш-Ж дорҕоонору тэҥнээн сөпкө саҥарарга эрчийии, Р дорҕоону хатылааһын, тылга миэстэтин таба быһаарыы
Ийэлэргэ бэлэх оҥоруу, эйэҕэс сыһыаны,тапталы иитии.
Бухатыыр таҥаһын-сабын, сэбин-сэбиргэлин билиһиннэрии, мэһийэн оҥороллорун ситиһии, дьүһүмэли сайыннарыы
Кыыс оҕо кэрэ, .үтүө санаалаах буолар диэн өйдөтүү. Өйгө ойуулуур дьоҕуру сайыннарыы, ону пластилин нөҥүө дьүһүнү дьүөрэлээн мэһийэн оҥороллорун ситиһии.
Б-В дорҕооннору арааран истэргэ үөрэтии, чопчу дорҕоон тыл хайа өттүгэр баарын этии, бэриллибит дорҕооҥҥо тыл толкуйдатыы Ис хоһоонноох үлэни өҥүн, быһыытын, кээмэйин, балаһыанньатын көрөн, наардаан сыһыарыы
Муус устар – Айыыһыт ыйа
Мин эйгэм
Космос күнэ
Үүнээйи
Балыктар
Тиэмэтэ
Икки дорҕоон ситимэ
Мэһийии “Куукулаларга ас”
Уу
Сыһыарыы “Ракета”
Ф-В дорҕооннор
Сыһыарыы
Өрүс балыктара
Мэһийии
Сыала-соруга
Икки дорҕоон ситимин өйдөөн истэргэ үөрэтии,тыл дорҕооннорун арааран истэргэ үөрэтии, тыл хас дорҕооннооҕун быһаарыы, дорҕооннору чуолкайдык саҥара үөрэтии
Оҕо баҕатынан ас арааһын туустаах тиэстэнэн оҥотторуу, куурбутун кэннэ кырааскалатыы
Уу туһунан билиини биэрэн, айылҕаҕа интириэһи үөскэтии, билэ-көрө сатыыр баҕаны сайыннарыы, уу свойстволарын билиһиннэрии, тохтор, ыһыллар, устар, тыаһыыр, тоҥноҕуна кытаанах эттиккэ кубулуйарын көрдөрүү
Ф-В дорҕооннору чуолкайдык саҥарарга үөрэтии, чопчу дорҕоон тыл хайа өттүгэр баарын этии, Ф-В дорҕоонноох тыллары араарарга эрчийии, бэриллибит тылтан этии толкуйдатыы Квадрат илииһи түөрт өттүттэн ортотугар бүк тутуу, бүк тутуллубут квадраттан муннуктарын тиэрэ тардан бүк туһэрии. Сибэкки эминньэхтэрин оҥоруу.
Өрүс туһунан өйдөбүлү кэҥэтии, балыктары билиһиннэрии: дьарҕаа, сордоҥ, сыалыһар. Тас тутулун, быһыытын, аһылыгын, олохсуйар эйгэтин кытта ситимнээһин. Тыл саппаһын байытыы: лапчаан, мултугур, искэх, хатырык. Балыктары ньолбоҕор быһыынан мэһийэн оҥорторуу.
Ыам ыйа – Иэйиэхсит ыйа
Кыайыы күнэ
Сааскы көтөрдөр
Оскуола
Сайын
Тиэмэтэ
Икки дорҕоон ситимэ. Оригами
Сааскы көтөрдөр
Сыһыарыы
Түмүктүүр дьарыктаныы. Мэһийии
Мэһийии
Сыала-соруга
Икки дорҕоон ситимин кэтээн көрүү, тыл иннигэр турар дорҕоону арааран истэргэ үөрэтии.
Таабырын көмөтүнэн оҕо толкуйдуур дьоҕурун сайыннарыы. Оҕо билэр оригами ньымаларын туһанан, айан оҥороллорун ситиһии, бэйэ кыаҕын – күүһүн холонон үлэлиир үөрүйэҕи иитии.
Көтөр тас-көрүҥүн, дьарыгын, өйдөөн көрөргө, ойуулуурга үөрэтии. Хартыынанан этии толкуйдааһын, кэпсээн айыы, айар дьоҕурун сайыннарыы, көтөр айылҕаҕа туһатын чиҥэтии.
Саха төрүт дорҕооннорун уонна киирии дорҕооннору чуолкайдык арааран истиини, саҥарыыны чиҥэтии, 3-5 дорҕоонноох тыллартан элбэх дорҕоону арааран истэргэ эрчиллии Айар, тутар дьоҕурдарын сайыннарыы
Саха норуотун бырааһынньыгын сиэрин-туомун билиһиннэрии. Ыһыах сайын буоларын, ыһыахха дьон мунньустан үөрэрин-көтөрүн, ыллыырын-туойарын туһунан өйдөбүлү биэрии. Тылга үлэ: түһүлгэ, салама, ситии быа, алгысчыт. Бэйэ төрөөбүт тылыгар тапталы үөскэтии.
