Баланың даму деңгейінің сала бойынша жекелей жұмыс жоспары

Баланың даму деңгейінің сала бойынша жекелей жұмыс жоспары
Ортаңғы топ

Дайындаған: Мынгынова Жадыра Зангыновна

« Қоршаған орта, жаратылыстану, экология» бөлімі бойынша, диагностика жүргізу нәтижесінде аз ұпай жинаған балалармен жекелей жұмыс жоспары.

Тақырыбы: Бағдарлау.

Мақсаты: зейінін, ойлауын, есте сақтауын;
• танымдық қабілеттерін арттыру.

Дидактикалық ойын «Ғажайып дорба».
Көрнекілік: әр түрлі қолданысына, көлеміне, пішініне қатысты 10-15 зат (көкөністер мен жемістердің нақбедері, ойыншық-құралдар, кубиктер т.б).
Тапсырма:
1) Қапшықтан кез-келген затты таңдап ал.Затты ата не үшін, қай жерде қолданатыныңды айт.
2) Оны сипатта (қандай зат: қатты, жұмсақ, неден жасалынды т.б).

Қазан

Тақырыбы :Көкөніс, жеміс.
Мақсаты:Көкөністер мен жемістер туралы танымдық қабілеттерін арттыру; сыртқы пішініне қарай ажырата алуы;

Дидактикалық ойын «Егін жинау».
Көрнекілік: себеттер, көкөністер мен жемістердің нақбедері
Тапсырма:
Тәрбиеші балаларға жемістер мен көкөністердің нақбедерін қарастырып шығуды өтінеді . Сосын бір себетке жемістерді, екінші себетке көкөністерді жинауды сұрайды.

Қараша

Тақырыбы: отбасы, отбасылық тұрмыс, дәстүр.
Мақсаты: Туыстық атауларды атай алуларын; отбасылық салт-дәстүрді қадірлеуге; отбасы мүшелерін сыйлауға тәрбиелеу.

Дидактикалық ойын «Отбасылық сурет».
Көрнекілік: отбасылық сюжеттік сурет.
Тапсырма: 1) Суреттен балаларды көрсет (оларға ат қой).
2) Ата- аналарыңды көрсет, оларды балалар кім дейді? (Әке және ана.)
3) Отбасыларыңмен не істегенді ұнатасыңдар?
4) Сенің ең сүйікті мейрамың?
5) Неліктен ? т.б сұрақтар қойылады

Желтоқсан

Тақырыбы: Туған жер.
Мақсаты:Балалардың тұратын қала, ауыл атауын білуін.Ауыл мен қаланың айырмашылығын атай алуын. Туған жеріне деген сүйіспеншілік ояту.

Дидактикалық ойын «Қала-ауыл».
Көрнекілік: ауіылдың, қаланың көріністері.
Тапсырма: Сурет бойынша сұрақ қою.
- Қала ауылдан несімен ерекшеленеді?
- Біз қай ауылда тұрамыз?
- Сен тұратын көше қалай аталады?
- Сенің ауылыңда саған ұнайтын жерлер бар ма? Сол жайында айтып берші.
Дидактикалық жаттығу«Туған қала, ауыл».
Көрнекілік: ауылдың, қаланың көрікті жерлерінің суреті.
Тапсырма: Сұрақтар.
- Сен тұратын ауыл, қаланы айтшы .
- Сен тұратын көше қалай аталады?
- Ауылдың, қаланың көрікті жерлерінің суретін қарап шық.
- Бұл жерлер саған таныс па? т. б.сұрақтар қойылады.

Тақырыбы: Мамандықтар.
Мақсаты:Мамандық туралы дүниетанымдарын кеңейту.Мамандық иелерін құрметтеуге тәрбиелеу.

Дидактикалық ойын «Кімге не?»
Көрнекілік: мамандық иелерінің суреттері.Оларға қатысты құралдар топтамасының суреттері.
Тапсырма: Сұрақтар:
- Суретте кім бейнеленген?
- Дәрігер не істейді?
- Дәрігерге қандай құралдар қажет ?
- Дәрігер қандай болу керек ?
- Ал апазшы ше ?
- Сен өскенде кім боласың?
- Неліктен? Т.б сұрақтар қоюға болады.

Қаңтар

Тақырыбы: Жабайы және үй жануарлары.
Мақсаты: Жабайы және үй жануарлары жайында білімдерін бекіту (қандай, немен қоректенеді).Олардың айырмашылықтары мен ұқсастықтарын айта білу.

Дидактикалық ойын «Аңшы мен шопан».
Көрнекілік:аңшы мен шопанның суреті. Үй және жабайы жануарлардың суреттері (сиыр, ешкі, жылқы, шошқа, ит, тауық, мысық, қоян, қой, аю, қасқыр, түлкі, кірпі, тиін). Немен қоректенетіннің суреттері (балық, саңырауқұлақ, жидек, тышқан, дән т.б)
Тапсырма:
Бір жаққа аңшының, екінші жағына шопанның суреті ілінеді.
Сұрақтар қойылады.
- Аңшы деген кім ?
- Шопан деген кім?
Суреттерге мұқият зер салып, аңшының астына жабайы жануарларды, шопанның астына үй жануарларын ілу ұсынылады. Тапсырма орындалған соң, жануарларды тамақтандыру ұсынылады.

Ақпан

Тақырыбы: Ағаштар, үй өсімдіктері,гүлдер.
Мақсаты:Сыртқы келбетіне қарап, ағаштар, үй өсімдіктері,гүлдерді ажырата білу.

Дидактикалық ойын «Торкөзді дұрыс толтыр».
Көрнекілік:ойын алаңы.Ағаштардың, үй өсімдіктерінің, гүлдердің суреттері.
Тапсырма: Бос торкөздерге тиісті өсімдіктерді жіктеп қою.

Наурыз

Тақырыбы: Табиғатқа сүйіспеншілік.
Мақсаты: өсімдіктерге, жануарларға деген сүйіспеншілігін ояту; зейінін, ойлау, сөйлеу қабілеттерін арттыру.

Сурет бойынша әңгімелеу.
Көрнекілік: түрлі сюжеттік суреттер: ұя жасап жатқан балалар, бала итке тамақ беріп жатыр, баланың гүлді жулуы, т.б суреттер
Тапсырма:
Суреттер мұқият қаралып шығылады да қай суреттегі іс- әрекет дұрыс не бұрыс екендігін анықтайды. Неліктен ? т.б сұрақтар қойылады.

Сәуір

«Қатынас» саласы « Тіл дамыту, көркем әдебиет,драма» бөлімі бойынша, диагностика жүргізу нәтижесінде аз ұпай жинаған балалармен жекелей жұмыс жоспары.

Жұмыс мазмұны

Мерзімі

Тақырыбы: Сөздік қор.
Цель: Ойын жүйелі жеткізу, түрлі сөз тіркестерін сөйлеу барасында қолдана білу.

Дидактикалық ойын «Сөйлемді аяқта».
Мазмұны:Тәрбиеші балаларға «Сөйлемді аяқта» ойынын ойнайық.
-Мен сөйлемді бастаймын,ал сендер ойланып аяқтап көресіңдер.
- Қант тәтті, ал бұрыш ... (ащы).
- Жол жалпақ, ал соқпақ жол ... (тар).
- Ермексаз жұмсақ, ал тас ... (қатты).
- Қасқыр аңқау, ал түлкі ... (қу)
- Түн қараңғы, ал күндіз ...( жарық) т.б

Қазан

Тақырыбы: Баланың сөздік қоры.
Мақсаты: Сөйлемді дұрыс байланыстырып сөйлеу.Антоним сөздерді сөздерді түсініп оларды қолдана білу.

Дидактикалық ойын «Ұлдар туралы айтып бер».
Көрнекілік: екі ұлдың суреті: бірі - таза, ұқыпты, көңілді, екіншісі - кір, көңілсіз.
Тапсырма:
Тәрбиеші балаларға екі ұлдың суретін қарап шығуды ұсынады.
Сұрақ қойылады:
- ұлдар туралы не айта аласың ? Көңіл-күйлері бірдей ме ?
- Бірі көңілді, ал екіншісі қандай? (Көңілсіз.)
- Кір болып жүрген жақсы ма?
- Таза, ұқыпты болып жүру үшін не істеу керек?
- Ал саған қай ұл ұнайды? Неліктен?

Қараша

Тақырып: Баланың сөздік қоры.
Мақсаты: сөзбен сөзді дұрыс байланыстыру,сөз тіркестерін қолдану, заттың сынын білдіретін сөздерді кеңінен қолдана отырып затты сипаттауға машықтандыру.

Ойын «Затты сипатта».
Көрнекілік: Сурет топтамасы бар карточкалар.
Мазмұны:
Тәрбиеші суреттерді ретімен көрсетеді. Мысалы: шар, шапка, шелек, гүлдер.
Сұраққа жауап беруді өтінеді:
- Мынау не? (Шар.)
- Ол қандай? (Қызыл, үлкен, жеңіл.)
- Онымен не істеуге болады ? (ойнауға, жерде домалатуға, тебуге.)т.б заттарды осылайша сипаттау

Желтоқсан

Тақырыбы: Сөйлеу мәнері.
Мақсаты: өздіктерінен жаңа сөз тудыруға үйрету (қант – қантсауыт,нан– нансауыт т.б); сөздерді топтастыра білуге баулу.

Дидактикалық ойын «Дастархан әзірлеу».
Көрнекілік: ыдыс- аяқтар, азық- түлік, жеміс жидектердің нақпішіні (муляж).
Мазмұны:
Тәрбиеші ыдыс-аяқтарға назар аудартып сұрақ қояды:
- Бұл заттарды бір сөзбен қалай атауға болады ?
- Саған таныс ыдыстарды атап берші.
- Келген қонаққа шай беру үшін не қажет? (Қант, шай, нан…т.б)
- Қандай ыдысқа қант саламыз?» (Қантсауытқа)
- Нанды қайда саламыз? (Нансауытқа) т.б
- Дастарханды әзірлеп шық.
- Қасық табақтың қай жағында жатады? т. б. сұрақтар қойылады.

Қаңтар

Тақырыбы:Сөйлеу мәнері.
Мақсаты: Мағынасына қарай сөйлемдерді дұрыс байланыстыра отырып, сөйлемді аяқтауға дағдыландыру.

Дидактикалық ойын «Сөйлемді аяқта».
Тапсырма:
Тәрбиеші балаларға сөйлем жалғауының дұрыс жасалғанын сұрайды:
«Түн келісімен ... »
«Анам екеуіміз дүкенге барып... ».
«Маған қыс мезгілі ұнайды, себебі,.... ».
«Біз жаттығуды жасаймыз, себебі.... » т.б
Дидактикалық ойын «Тығылмаш».
Көрнекілік: жануарлар ойыншығының топтамасы (қонжық, марғау, кірпілер, маршая) немесе суреттер топтамасы.
Тапсырма:
Суреттерді тәрбиеші тізіп қояды да, балалардан оларды атауды ұсынады.
- Бұл қонжықтар.
- Бұл кірпілер.
Т.б
Балаларға мұқият қарап шығуды және көздерін жұмуды ұсынады.
Бір суретті алып тастайдыда балаларға көздерін ашқызып қай суреттің жоқ екенін айтуды ұсынады.

Ақпан

Тақырыбы: Сипаттау.
Мақсаты: Ойыншықты жүйелі сипаттап беруге үйрету.

Дидактикалық ойын «Ойыншық туралы әңгімеле».
Көрнекілік: түрлі ойыншықтар топтамасы: машина, доп, қуыршақ, қоян т.б.
Тапсырма:
Тәрбиеші бір ойыншыққа сипаттама жасап береді. Тағы бір қайталайды. Сосын сол үлгіде басқа ойыншықты сипаттап беруді өтінеді.

Наурыз

Тема: Жүйелі сөйлеу.
Мақсаты: театрландырылған қойылымды әртістік шеберлікпен орындау қабілеттерін машықтандыру.

«Үйшік»ертегісі.
Тапсырма:
Тәрбиеші сандықшадан ертегі кейіпкерлерін шығарып.
- Бұл қай ертегіден деп ойлайсың?
- Үйді бірінші кім тауып алды?
- Екінші кім келді үйге?
- Кім үйге сыймай қалған?
- Соңында не болады?
(Мазмұнына сәйкес қысқаша әңгеме жүргізіледі.) Сосын осы ертегіні сахналауды ұсынады.

Сәуір

Тақырыбы: Дыбыстық талдау.
Мақсаты: балаларға сөздегі бірінші дыбысты анықтауға үйрету.

Дидактикалық ойын «Сөздегі бірінші дыбысты айт».
Мазмұны:
Тәрбиеші сөздермен ойнауды ұсынады. Сөздер айтылған кезде сендер алғашқы дыбысты атауды ұсынады.
ООО-тан, ААА-стана, ӨӨӨ-зен және т.б сөздер.

Мамыр

«Таным» саласы «Қарапайым математикалық түсініктер» бөлімі бойынша, диагностика жүргізу нәтижесінде аз ұпай жинаған балалармен жекелей жұмыс жоспары.

Жұмыс мазмұны

Мерзімі

Тақырыбы: 5- ке дейін санау.
Мақсаты: 5-ке дейін санауды үйрету; Заттың санына сәйкес цифрмен топтастыру.

Дидактикалық жаттығу «Кубиктерді сана».
Көрнекілік: Түсі мен көлеміне байланысты 6-7 дана.
Мазмұны:
- Үстелде не көріп тұрсың ?
- Кубиктердің саны қанша?
- Олар несімен ерекшеленеді?
- Ретімен санап шық.
- Сары кубик нешінші тұр? (Қызыл, көк, т.б)
- Бесінші кубик қай түсті? (Екінші, үшінші.)
- 2 қызыл және 2 жасыл кубикті көрсет.

Қазан

Тақырыбы: 5- ке дейін санау.
Мақсаты: 5-ке дейінгі санауды үйрету;көп, аз, тең ұғымын кеңейту.

Дидактикалық жаттығу «Аралар».
Көрнекілік: балаға екі жолақша беру , жоғарғы жолақшада 5 ара ал төменгі жолақшада одан көп болу керек.
Мазмұны:
Бірінші жолақта неше ара?
Астыңғы жолақшаға тең болатындай етіп қойып шық.
Астыңғы жолақшаға одан көп болатындай етіп қойып шық.
Астыңғы жолақшаға одан аз болатындай етіп қойып шық.

Қараша

Тақырыбы: Өлшем.
Мақсаты: Аласа, қысқа сөздерін пайдалану арқылы заттарды салыстыру.

Дидактикалық жаттығу «Шыршаларды отырғыз».

Көрнекілік: әр түрлі шыршалар.
Мазмұны:
Шыршалар бірдей ме?
Өсуі бойынша шыршаларды қойып шық, (кемуі) бойынша . Аласа, қысқа сөздерін пайдалану.

Желтоқсан

Тақырыбы: Өлшем
«Жіңішке, кең, ұзын, қысқа» сөздерін пайдалану арқылы заттарды салыстыру.

Дидактикалық жаттығу «Жолақтарды салыстыр».
Көрнекілік: екі жолақша түрлі ұзындықта.
Мазмұны:
Ұзындығы мен еніне байланысты жолақшаларды салыстыру ұсынылады.
- Ұзын жолақшаны көрсет (қысқа).
- Жолақтың жалпақтығына қарап не айта аламыз?
- Жалпақ жолақты көрсет (жіңішке).

Қаңтар

Тақырыбы: Геометриялық фигуралар.
Цель:Геометриялық фигураларды ажырата білуге.

Дидактикалық ойын «Осындай фигураны тап».
Көрнекілік: үлкен кіші көлемде балада және тәрбиешіде геометриялық фигуралар топтамасы.
Мазмұны:
Тәрбиеші қандай да бір фигураны көрсетіп,сондай фигураны табуды ұсынады .
Дидактикалық ойын «Фигураны затпен сәйкестендір».
Көрнекілік: суреттер (табақ, шыт, доп, стақан, терезе, есік) және геометриялық фигуралар (дөңгелек, :шаршы, шеңбер, цилиндр, тік төртбұрыш т.б).
Мазмұны :
Тәрбиеші фигураны затпен сәйкестендіруді ұсынады.: табақ- шеңбер, шыт - шаршы, доп - шар, стақан - цилиндр, терезе, есік- тік төртбұрыш т.б

Ақпан

Тақырыбы:Кеңістікті бағдарлау.
Цель: Заттарды кеңістікте дұрыс бағдарлай алуын.Оң және солды таныту.

Дидактикалық ойын «Көмек қолы».
Көрнекілік: ойыншықтар .
Мазмұны:
Бала тәрбиешіге қарама қарсы отырады.
Ойыншықтарды нұсқау бойынша қойып шық: қуыршақты – өзіңнің алдыңа, машинаны – артқы жаққа, допты - солға, құрастырманы оң жаққа.
Дидактикалық ойын «Көргеніңді ата»
Мазмұны:
Тәрбиеші балаға топ ішіндегі бір жерде тұруын айтады. Сосын оның алдында, артында, оң жағында, сол жағында не тұрғанын айтып беруін сұрайды. Балаға оң және сол қолын көрсетуді ұсынады.

Наурыз

Тақырыбы:Уақытты бағдарлау.
Мақсаты: Тәулік бөліктерін атай білуін; бүгін, кеше, ертең сөздерінің мағынасын түсінуге; апта күндерін атай білуге.

Дидактикалық ойын «Бұл қай кезде болады?».
Көрнекілік: тәулік бөліктерінің суреті және өлең шумақтары.
Мазмұны:
Өлең шумақтарын оқи отырып қай кезде болатынын атап айтқызу.

Сәуір

«Шығармашылық » саласы: мүсіндеу, сурет салу, аппликация, құрастыру бөлімі бойынша, диагностика жүргізу нәтижесінде аз ұпай жинаған балалармен жекелей жұмыс жоспары.

Жұмыс мазмұны

Мерзімі

Тақырыбы: Сюжеттік сурет салу.
Мақсаты: суреттің дұрыс формасын беруге, строение предметов, көлеміне байланысты дұрыс орналастыру;

«Бауырсақ»ертегісі желісі бойынша сурет сала алу.
Көрнекілік: ақ бет, қылқалам, бояу, «Бауырсақ» ертегісінің суреті. Балаға «Бауырсақ» ертегісін қарап шығуға беріледі .
Сұрақтар:
- «Бауырсақ» ертегісінде қандай кейіпкерлер бар?
- Бауырсақ бірінші кімді кездестірді (соңғы)?
- Қай кейіпкер саған көбірек ұнайды?
Тапсырма: «Бауырсақ» ертегісін салып көр.

қазан

Тақырыбы: Ойыншықты безендіру.
Мақсаты:Балалардың ою – өрнектермен суретті безендіре, көркейте алуы.

Көрнекілік: суреттер, қылқалам, гуашь
Тапсырма:Балаға берілген суретті әдемі етіп әшекейлеп беруін өтінеді.

қараша

Тема: Түстерді анықтау.
Цель: түстерді ажарата білу дағдыларын арттыру.

Дидактикалық ойын «Түстерді ата».
Көрнекілік: 11 түсті карточкалар (ақ, қара, қызыл, сары, көк, жасыл, қызғылт, ашық көк , қызыл сары, қоңыр, күлгін). Баланың алдына карточкалар қойылады.
Тапсырма: Әр карточканың түсін ата. Көк , (ақ, қоңыр...) түсті карточканы көрсет.

желтоқсан

Тақырыбы: Бірнеше бөліктен тұратын заттарды мүсіндеу.
Мақсаты: Бірнеше бөліктен тұратын заттарды мүсіндей алуын , созу, тегістеу, сияқты тәсілдерді пайдалана алу дағдыларын арттыру.

Көрнекілік: ермексаз, пышақ , мұсіндеуге арналған тақтайша.
Тапсырма: Балаға бірнеше бөліктен тұратын заттарды мүсіндеу ұсынылады.Алдын ала бірнеше суреттерді қарастыруға болады.

қаңтар

Тақырыбы: Аппликация «Геометриялық және өсімдік тектес өрнектерді» пайдалану.
Мақсаты: Шеңбер ішінде геометриялық және өсімдік тектес өрнектерді пайдалану

Көрнекілік: 6 жасыл бет, 3 см 6 сары дөңгелек, 1,5 см 6 қызыл дөңгелек, табақтың шаблоны, желім
Тапсырма: :Табаққа шеңбер бойымен геометриялық және өсімдік тектес өрнектерді орналастырып желімдеу ұсынылады.

ақпан

Тақырыбы: Сызба бойынша құрастыру.
Мақсаты: Сызба бойынша құрастыра білу дағдыларын жетілдіру.

Көрнекілік: сызба, конструктор .
Сұрақ:
- Құрастырманың негізгі бөлігі не ?
- Ортасында не орналасқан ?
- Құраманың үстінгі бөлігінде не орналасқан?
Тапсырма: Балаға сызбаны қарап шығып, үлгі бойынша құрастыру ұсынылады.

наурыз

Тақырыбы: Ертегі кейіпкерлеріне үй жасау.
Мақсаты: Бір объектіні әр- түрлі үлгіде жасай алу дағдыларын арттыру

Көрнекілік: ұсақ конструктор
Тапсырма: Ертегі кейіпкерлеріне үй жасау.
Бауырсақтың үйі, Қонжыққа үй ол бірінші қабатта тұрсын, Түлкішекке үй(осы үйдің екінші қабатында тұрады)

сәуір

Тақырыбы: Төртбұрыш және тік төртбұрыш бетті түрлі әдіспен бүктеу (тігінен, ортасынан, көлденең).
Мақсаты:Төртбұрыш және тік төртбұрыш бетті түрлі әдіспен бүктеу тәсілдерін игеру.

Көрнекілік: 2 төртбұрыш, 2 тік төртбұрыш
Тапсырма: Балаға ұсынылады:
- бұрышпен бұрышын беттестіру арқылы бүктеу;
- тура ортасынан бүктеу;
- көлденең бүктеу;

мамыр