Е.Өтетілеуұлының «Шырша» өлеңі: Технологиялық карта

Ұйымдастырылған оқу іс-әрекетінің технологиялық картасы
Тәрбиеші:Жақсылықова.А
Күні, айы, жылы:
Тобы:ІІ кішітоп
Білім беру саласы:«Коммуникация»
Бөлімі:Сөйлеуді дамыту.
Тақырыбы: Е.Өтетілеуұлының «Шырша» өлеңі
Мақсаты: Жаңа сөздердің мағынасын түсініп, оны дұрыс қолдана білуге үйрету. Жаңа тақпақ жолдарының мағынасын түсіндіру, есте сақтау қабілеттерін дамыту. Тақпақ жаттауға тәрбиелеу.
Алдын ала жүргізілетін жұмыстар: Шыршаның суретін тамашалау, өлеңді оқып беру
Әдіс – тәсілдер: Көрсету, түсіндіру, сұрақ – жауап, әңгімелесу.
Қажетті көрнекі құралдар: Дымбілместің суреті, шырша суреттері мен карточкалар, қысқы мереке, жаңа жыл мерекесі, Аяз ата, Ақшақардың суреттері
Билингвалдық компонент: Сыйлық – подарок - gift , шырша – елка - fir - tree, жылан – змея- snake

кезеңдері

Тәрбиешінің іс - әрекеті

Балалардың іс - әрекеті

Себепті қызығушылығын
ояту кезеңі

- Сәлеметсіздер ме, балалар!
Жылулық шеңбері
Жаңа жылды біз тойлап,
Шаттанамыз бәріміз.
Өлең әзір, ән әзір,
Ойын да әзір - бәрі әзір
Кел, жаңа жыл, біздерге,
Кел, Жаңа жыл, Жаңа жыл! Ғажайып сәт:
Топқа Дымбілмес кіреді, балалармен амандасады.
Дымбілмес:
- Сәлеметсіздер ме, балалар! Мен сіздерге жұмбақ жасырғым келіп тұр.
Қолындағы суретін көрсетіп, жұмбақ жасырады.
Жұмбақ
Өзі жасыл, тікенектері бар, әдемі, ол не?
(Шырша)
Тәрбиеші, Дымбілместің қолындағы суретті тақтаға іліп, әңгімелейді.
-Бізде әдемі шырша бар, біз оны жаңа жыл мерекесіне арнап әшекейледік. Ол біздің топты безендіріп тұрады. Біз оның қасында өлеңдер айтып, билейміз.
- Дымбілмес, сен жаңа жыл мерекесіне кімнің келетінін білесің бе?
Дымбілмес:
- Кім келеді, білмеймін?
- Балалар, мен сіздерге жұмбақ жасырамын, жауабын Дымбілмеспен бірге тауып көріңіздер.
Жұмбақ
Ақсақалды шал жылына,
Бір рет келіп, кетеді.
Қызы мен ұлына,
Сыйлық алып келеді.
Ол кім балалар?
Дымбілмес:
- Балалар, атайдан менде сыйлық алғым келеді. Маған да өлең үйретесіздер ме?

- Сәлеметсіз бе!
Балалар жылулық шеңберін қимылмен орындап көрсетеді.

Дымбілмеске таңдана қарайды.

- Сәлеметсіз бе!

Балалар жұмбақтың жауабын тәрбиешімен бірге табады.
Балалар суретте бейнеленген шырша екенін айтады.

Балалар қуанады. Дымбілмеспен бірге жұмбақтың жауабын табады.

- Иә, үйретеміз.

Ұйымдас-
тырушылық
ізденіс кезеңі

- Балалар, қазір сіздерге "Шырша" өлеңін оқып беремін. М ұқият тыңдаймыз.
"Шырша" өлеңі
Тауда туып, тауда өскен
Шырша келді ортаға
Бәріміз бір дауыспен
Дейік енді шыршаға:
"Қуант бізді, таңырқат,
Шамдарыңды жарқырат!"
Е.Өтетілеуұлының портретін көрсетіп, мәлімет береді.
Сурет бойынша әңгіме құрастырады, сұрақтар қояды.

• Шырша қайда өседі?

• Шырша қайда тұр?

• Біз шыршаға қандай сөздер айтамыз?

• Шыршаны кесуге бола ма?

Сергіту сәті
Далада қар борайды,
Ақ мамыққа орайды.
Мұз болады, қатады.
Жып-жылтыр боп жатады.
Тіл ұстарту жаттығуы
Ша-ша-ша ортада тұр шырша,
Қар-қар-қар ақ Ақшақар,
Ді-ді-ді сыйлық әкелді.
Тасбақаға ұқсап, ақырын айт, жыланша созып айт, қоян сияқты шапшаң айт.
Дидактикалық ойын
«Қатырмақ ойыны»
Көңілді әуен ойналады, тәрбиеші Аяз ата болады. Қолындағы таяғын балалардың қолдарына тигізуге тырысады, қай баланың қолы тисе, сол жұмбақ, өлең айтады.

Тәрбиешіні тыңдайды.

Өлеңді мұқият тыңдайды.

Суретке қарап, сұрақтарға жауап береді.
- Орманда өседі
- Біздің тобымызда тұр
- Жылы сөздер айтамыз

- Жоқ, кесуге болмайды

Балалар қимылмен сергіту сәтін қайталайды.

Балалар тәрбиешінің айтқанын орындап, жаттығуды қайталайды.
Өлеңді есте сақтайды, әртүрлі қарқында айтады.

Балалар ойынды қызыға ойнайды.

Іс – әрекеттің бағалау кезеңі

Тәрбиеші:
-Балалар, сіздерге өлең ұнады ма?
Дымбілмес:
Балалар, сендерге рахмет! Мен сендерден көп нәрсені үйрендім. Сау болыңдар!
Балаларды мадақтап, ұйымдастырылған оқу іс – әрекетін аяқтайды.

-Иә, ұнады.

Сау болыңыз!
Күтілетін нәтиже:
Нені біледі: Сурет бойынша сұрақтарға жауап бере білді.
Қандай түсініктерді игерді: Жаңа сөздердің мағынасын түсініп, оны дұрыс
қолдануды меңгерді.
Меңгерген дағдылары мен іскерліктері: Өлеңді жатқа айтуға дағдыланды.