Жаңа жыл мерекесінің сценариі

Тексерілді
Директордың оқу ісі
Жөніндегі орынбасары Ш.Хавайдуллаев

ЖАҢА ЖЫЛ МЕРЕКЕЛІК ЕРТЕҢГІЛІГІНІҢ СЦЕНАРИІ

Тақырыбы: Қош келдің, Жаңа жыл!
Мақсаты: Балаларды жаңа жыл мерекесімен құттықтау. Мерекелік көңіл күй сыйлау. Ертегі кейіпкерлерін бейнелеу, шығармашылық қасиеттерін дамыту, балалардың өнерін дамыту.Жаңа жыл мерекесінің маңызын үйрету.
Жүргізуші: Құрметті ата-аналар, қонақтар, «Балдырған» шағын орталығындағы «Бота» тобының ұжымы мен кішкентай бүлдіршіндеріміз, сіздерді келе жатқан Жаңа жыл мерекесімен шын жүрегімізден құттықтаймыз! Жаңа жыл әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін дейміз.
Балалар әндетіп, қол ұстасып кіреді.
Хор «Бізге жаңа жыл келді»
Жүргізуші: Балалар, біз барлығымыз жаңа жыл мерекесін тойлауға жиналдық. Бүгін біздің мерекемізге кім келеді?
Балалар : Аяз ата мен Ақшақар!
Жүргізуші: Дұрыс балалар, ал Аяз ата не әкеледі?
Балалар: Сыйлықтар.
Жүргізуші: Балалар, енді Аяз мен Ақшақарды шақырайық.
Барығы бірге: Аяз ата мен Ақшақар!
Музыка. Аяз ата мен Ақшақар кіреді.
Аяз ата:
Амансыңдар ма, балақайлар? Мен сендерге асыға келдім, ау! Қарасам бойдарың да өсіп қалыпты ғой.
Жүргізуші: Аяз ата, біздің сізге дайындаған өнеріміз бар.
Аяз ата: Ау, қызым Ақшақар, тыңдап көрейік пе?
Ақшақар: Иә.
Барлық балалар:
Хор «Зырлайды шанамыз».
Әділет «Бала тілегі» әні
сөзін жазған .С. Молдасаннұлы
Әнін жазған: Ф.Луқпанова
Бал балалық балдырған шақ сан арман
Барлық бала армандауға жаралған
Кел достарым әндетіңдер билеңдер
Гүлденсін деп ата мекен қара орман

Болашақтың иесіміз бәріміз
Туған жердің түрлендірер нәріміз
Алтын бесік ұлан байтақ елімде
Жарқын болсын шырқап айтар әніміз

Қалықтаған көгершіні көгінде
Мұңаймасын ешбір бала елімде
Ата берген батаменен көркейсін
Ұлы Отаным тілегім сол менің де

Тақпақтар

1. Ақнұр

Аспан жерге төгеді,
Ақ күмісін уыстап.
Жаңа жылда келеді,
Бізге қарай жылыстап.
2 Ақнұр
Өлең де әзір, ән әзір
Ойын да әзір, бәрі әзір.
Кел жаңа жыл біздерге,
Кел жаңа жыл,жаңа жыл.
3 Жансая
Әдемілеп біз ілген,
Ойыншықтар тізілген
Қандай жақсы шыршамыз
Ән шырқаймыз баршамыз
Енжарлықты тастайық,
Шырша тойын бастайық.
4 Сұлтан
Жаңа жылда барлық үйге
Аяз ата келеді
Жаңа жылда балаларға
Сыйлық әкеп береді
5. Еркенұр
Жаңа жыл, жаңа жыл
Жаңа жылда жаңа жыр
Жасыл шырша жанында
Билеп барлық бала жүр
6 Әділет
Қыс мезгілі көрікті
Қылышын сүйреп келіпті
Аяз ата ақша қар
Төрімізге еніпті
7 Заңғар
Кел келе бер келе бер
Аяз атамыз аяз атамыз
Көп болсын мерекелер
Көп қызыққа батамыз

8 Әкежан
Жүзімізде күлкі ойнап
Қанаттанды жанымыз
Жаңа жылды біз тойлап
Шаттанамыз бәріміз
9 Еркенұр
Мұзда моншақ тағынып
Күміс қырау жамылып
Ортада тұр Ақшақар
Көптен күткен сағынып
10 Мөлдір
Кел билейік сенімен
Дедім тартып жеңінен
Еріп кетпе Ақшақар
Адамдардың лебімен
11 Жәния
Сақалы аппақ күмістей
Тістері аппақ күріштей
Қызыл ала шапаны
Сағындым аяз атаны
12 Жәния
Аяз ата келіп тұр
Бізге сәлем беріп тұр
Тақпақ айтқан балаға
Мейіз кәмпит беріп тұр

Ақшақар: Аяз ата, балалардың өнерлері қандай тамаша, тағы қандай өнерлерің бар, балалар, біздің көргіміз келіп тұр.
Аяз ата. Иә, Ақшақар, дұрыс айтасың.
Би «Қуыршақтар»
Серік «Жаңа жыл» әні
Жүргізуші:Балалар, біз енді Аяз ата мен Ақшақарға «Мақта қыз бен мысық» атты ертегімізді көрсетейік.
Балалар: Иә!
«Мақта қыз бен мысық» ертегісінің қойылымы.
 Жүргізуші:Екеуі дос болып жүреді. Бір күні Мақта қыз үйін жинап жүрсе, бір мейіз тауып алады. Мысықты шақырады.
Жансая(Мақта қыз) : Мысығым, мысығым бері келші?
Жүргізуші:Шақырады – келмейді,  шақырады – келмейді, сосын «келмесең, келме», – деп, мейізді өзі жеп қояды. Жеп болған соң мысық келіп:
Ақнұр (Мысық): – Неге шақырдың?
Жүргізуші: – деп сұрайды. Мақта қыз айтпайды. Сосын мысық айтады: Жансая(Мақта қыз) : «Ендеше қатығыңды төгем»
Ақнұр (Мысық): «Мен құйрығыңды кесіп аламын»
Жүргізуші: – дейді. Мысық қатықты төгеді. Мақта қыз мысықтың құйрығын кесіп алады.
Ақнұр (Мысық): «Апа, апа, құйрығымды берші»
Жансая(Мақта қыз) : «Менің қатығымды төлеп бер».
Жүргізуші: Мысық сиырға барады.
Ақнұр (Мысық): «Сиыр-сиыр, маған қатық берші»
Сұлтан(Сиыр) : «Менің қарным ашып тұр, маған жапырақ әкеліп бер» Жүргізуші: Мысық ағашқа барып
Ақнұр (Мысық): «Ағаш, ағаш, жапырағыңды берші!»
Әділет (Ағаш): «Мен шөлдеп тұрмын, су әкелсең, жапырақ беремін»
Жүргізуші: Суға бара жатса, су әкеле жатқан қыздарды көріп:
Ақнұр (Мысық): «Қыздар, қыздар, маған су берші», – дейді
Ақнұрмен Мөлдір (Қыздар): «Бізге сағыз әкеліп берсең, біз саған су береміз».
Жүргізуші: Мысық дүкенге барады.
Ақнұр (Мысық): «Ай, дүкенші, маған сағыз берші»
Еркенұр (Дүкенші): «Маған тұқым бер»
Жүргізуші: Мысық тауыққа барады:
Ақнұр (Мысық): «Тауық, тауық, маған тұқым берші»
Әкежан (Тауық): «Бізге дән әкеліп берсең, біз саған тұқым береміз»
Жүргізуші: «Енді не қыламын», – деп бара жатса, бір ін қазып жатқан тышқанды көреді. Мысық тышқанды қорқытып:
Ақнұр (Мысық): «Жаның барында айт, үйіңде не бар?
Заңғар Жәния (Тышқан): «Үйімде бір батпан тарым бар»
Ақнұр (Мысық): «Маған бір уыс тары бер»
Жүргізуші: – дейді. Тышқан үйіне барып, бір уыс тары береді. Тарыны апарып тауыққа береді, тауық тұқым береді, тұқымды апарып дүкеншіге береді, дүкенші сағыз береді, сағызды апарып қыздарға береді, қыздар су береді, суды апарып ағашқа береді, ағаш жапырағын береді. Жапырақты апарып сиырға береді, сиыр қатық береді, қатықты апарып Мақта қызға береді. Мақта қыз мысықтың құйрығын береді.
Аяз ата: Балалар өнерлерің жақсы екен.
Аяз атадан балалар кеп сыйлықтарын алады.
Аяз ата:
Бізді басқа жақта балалар тосып қалды. Бізге кету керек.
Жүргізуші:
Ендеше Аяз ата мен Ақшақарға сау бол айтайық.
Бәрі бірге: Сау бол Аяз ата, Ақшақар! Рахмет
Жүргізуші:Осымен біздің жаңа жылғы мерекеміз аяқталды.

«М.Таипов атындағы орта мектебімектепке дейінгі шағын орталығымен»
коммуналдық мемлекеттік мекемесі

Қ ош келдің, Жаңа жыл!

Орындағандар: Турапова Ғ
Әлдибек А
Кіші Дихан ауылы 2015 жыл