Математика сабағы: «Ауыр - жеңіл»
Бұл құжатта балаларға арналған математика сабағының жоспары ұсынылған. Сабақтың негізгі тақырыбы «Ауыр - жеңіл» болып табылады, оның мақсаты - балаларға әр түрлі заттардың салмағы бар екенін және оларды салыстырып, топтастыруды үйрету. Сабақ барысында балалар заттардың салмағын анықтау үшін таразыны қалай пайдалану керектігін үйренеді. Таразының қазіргі өмірде қандай маңызы бар екенін түсіну, балалардың математикаға деген қызығушылығын арттырады.
Сабақта балалар жылулық шеңберін ұйымдастыра отырып, ойындар мен интерактивті жаттығулар арқылы білім алады. Тәрбиеші балаларды «Ауыр - жеңіл» заттарды анықтап, олардың қасиеттерін зерттеуге ынталандырады. Ойынның көмегімен олар заттарды бөліп, салыстыру арқылы білімдерін тереңдетеді. Мысалы, «Гантел жеңіл, ал штанга ауыр» деген сияқты тапсырмалар балалардың ойлау қабілетін дамытады.
Мысалдармен және көрнекі материалдармен толықтырылып, сабақтың барысында балаларға қызықты әрі пайдалы тапсырмалар ұсынылады. Келесі жаттығу сабағында олар заттардың салмағын визуалды түрде көрсету үшін үлестірмелі материалдарды пайдаланады. Бұл, өз кезегінде, балаларға салмақ, көлем және пішін ұғымдарын үйренуге мүмкіндік береді. Сабақ соңында балалар олардың алған білімдерінің маңыздылығын және күнделікті өмірде қолдану жолдарын талқылайды.
Білім беру саласы: «Таным»
Оқу іс - әрекет түрі: Математика
Тақырыбы: «Ауыр - жеңіл»
Мақсаты: Балаларға әр түрлі заттар мен материалдардың өз салмағы болатыны туралы түсінік қалыптастыру.
Тәрбиелілігі: Заттарды салыстыра отырып, топтастыра білуге дағдыландыру.
Білімділігі: Математикалық білімге қызығушылығын оята отырып, білімді өздігінен меңгеруге талпындыру.
Дамытушылығы: Ойлау дербестігін, қиялын дамыту.
Көрнекілігі: Суреттер, геометриялық фигуралар (бүтін, бөлік, ширек), үлестірмелі материалдар, ойын суреттері, өлшеу құралдары, әліппе-дәптері.
Әдіс-тәсілдер: Түсіндіру, көрсету, сұрақ - жауап, салыстыру, ойын.
Тәрбиешінің іс-әрекеті:
Балалармен жылулық шеңберін ұйымдастыру. Шаттық шеңбері:
Оң қолымда бес саусақ,
Сол қолымда бес саусақ.
Қосып едім екеуін,
Болып шықты он саусақ.
Оң аяқта бес башпай,
Сол аяқта бес башпай.
Қосып едім екеуін,
Болып шықты он башпай.
Өткен сабақты қайталау. Бүтін және бөлікті ажырату. Үлестірмелі материал арқылы көрсету (алма). Бүтін, жарты, ширегін табады салыстырады.
Ұйымдастыру ізденіс:
Заттардың салмағын ненің көмегімен анықтауға болады?
Сендер таразының қандай болатынын білесіңдер ме? Таразы-дененің массасын оған әсер етуші ауырлық күшінің көмегімен анықтайтын құрал. Таразының үй жағдайында пайдалану үшін қолға ұстайтын, қабырғаға ілетін және стол не еденге қоятын түрлері шығарылады. Пайдалануға ыңғайлы, ықшам, құрылымы қарапайым келеді. Таразыларды көрсетіп, сипаттау.
Ойын: "Ауыр-жеңіл". Шарты: ауыр-жеңіл заттарды бөлу. (Аю үлкен-қоян кішкентай т.б)
Әліппе-дәптермен жұмыс:
1 тапсырма. Не ауыр, не жеңіл? Салыстыру.
Суретке қараңдар. Суреттен қандай ауыр, жеңіл заттарды көріп тұрсыңдар?
Гантел жеңіл, штанга ауыр. Бұтақ жеңіл, бөрене ауыр.
2 тапсырма. Тышқанға жеңіл, ал пілге ауыр заттарды бер, жапсыр.
Сергіру сәті:
Бір, екі, үш,
Бойға жинап күш.
Отырамыз, тұрамыз,
Біз тынығып аламыз.
3 тапсырма. Есептер құрастыр және шығар.
А) Көлде 7 аққу болды. 2 аққу ұшып кетті. Көлде неше аққу бар?
Берілгені:
Көлдегі – 7аққу
Ұшқан – 2 аққу
Барлығы: ?
Шешуі: 7 - 2 =5
Жауабы: көлде 5 аққу бар.
Ә) Таразыдағы жемістердің салмағын салыстыр. Сұрақтарға жауап бер. Не жеңіл?
Берілгені:
Қызыл – 2 алма
Сары – 1 алмұрт
Шешуі: Не жеңіл? 1алмұрт па, әлде 2 алма ма?
Жауабы: 1 алмұрт жеңіл.
Ойын: "Ауырды қызыл қорапқа, жеңілді көк қорапқа сал". Шарты: тапсырманы жапсырма бойынша орналастырады.
Үлестірмелі материалдармен жұмыс жүргізу. Мысық және тышқан суреттерін салыстыру. Не ауыр, не жеңіл екенін көрсетеді.
Сұрақтарға жауап береді. Білетіндерін айтады
Рефлекцивтік бөлім:
Бүгінгі сабақ сендерге ұнады ма? Не үйрендік?
Оқу іс-әрекетіне белсене араласқан балаларды атап өту, мадақтау.
Kүтiлeтiн нәтиже:
Бiлyi тиic: Заттардың ауыр немесе жеңіл екенін салыстыра отырып білуі керек.
Tүciнуі: Ауыр- жеңіл сөздерін меңгерді
Қолдануы: Берілген тапсырмаларды орындайды.
Күтілетін нәтиже:
Білуі керек:
Болуы керек: Бала затты пішініне, көлеміне, салмағына қарай ажырата алатын болуы керек.
Үйрену керек: Өз бетінше есеп құрастыруды, салыстыруды.
