Технологиялық карта: «Н» дыбысымен танысу
Ұйымдастырылған оқу қызметінің технологиялық картасы білім саласы «Қатынас» бойынша дайындалған. Бұл жоспарлау кезінде балалардың тілін дамыту, дыбыстарды дұрыс айту, мейірімділік пен имандылықты үйрету көзделген.
Картада «Н» дыбысымен және әрпімен таныстыру мақсаты бар. Әрбір сабақ кезеңінде балалар түрлі іс-әрекеттер арқылы жаңа білім алады. Мәселен, дыбысты түсіндіру, буындарды оқу, викториналық көңіл-күй тудыратын жұмбақтарды шешу қарастырылған.
Сабақтың материалдары балаларға қызықты әрі түсінікті болу үшін визуалды құралдармен толықтырылады. Мысалы, «нан» суреті арқылы балаларға сөз жасау, дыбыс реті мен артикуляциясын көрсету жоспарланған.
«Н» дыбысының дұрыс айтылуы мен жазылу әдістері пәннің логикалық құрылымының негізі болып табылады. Тәрбиешінің көмегімен балалар дыбыстарды тыңдай отырып, олардың ерекшеліктерін анықтайды, сөйлеу барысындағы қателерді түзетуді үйренеді.
Картаның жоғары деңгейде дайындалуы, балалардың ынтасын арттырады. Соңында, рефлексивті коррекциялаушы кезеңде тәрбиеленушілер өткен материалды қаншалықты дұрыс меңгергендеріне талдау жүргізеді. Сөйтіп, оқу қызметі өз мәресіне жетеді.
Ұйымдастырылған оқу қызметінің технологиялық картасы.
Тобы :
Күні :
Тәрбиеші :
Білім саласы: «Қатынас»
Бөлім саласы: Сауат ашу және жазу негіздері.
Тақырыбы: «Н» дыбысымен және әрпімен таныстыру.
Мақсаты: «Н» дыбысын дұрыс дыбыстату, «н» әрпімен таныстыру, буындарды оқу дағдысын дамыту, балаларды мейірімділікке, имандылыққа тәрбиелеу.
Керекті құралдар: жұмыс дәптері.
Сөздік жұмыс: обал, сауап.
Билингвалдық компонент: нан- хлеб, сөз -слово, буын- слог, дыбыс- звук
Балалардың іс-әрекеті
Мотивациалық қозғаушы
Тәрбиеші балалардың назарын өзіне
аударады.
-Қолымызды иектің астына қойып сөздер
айтайық, қолымыз төмен қарай неше рет
түссе, сонша буынға бөлінгені.
Мысалы: а -та, ә- теш, тек- ше- лер , ше- міш- ке.
-Жүріп келе жатқан адам жүрісінің дыбысын естідік.
Іздену ұйымдастырушы
-Балалар, сендер қолдарыңды иектің астына қойып сөздер айтып, буын санын анықтадыңдар.
Енді тақтадағы суретке қараңдар, ненің суретін көріп отырсыңдар?
-Ендеше «нан» деп бірнеше рет қайталайық.
-Бірінші қандай дыбыс құлағымызға естіліп тұр?
-Дұрыс айтасыңдар, бүгінгі өтетін жаңа дыбысымыз- «н»
Балаларға нанның суреті бойынша әңгіме құрауға тапсырма беріледі.
Нанның пайдасы айтылып, «обал», «саусап» сөздеріне түсінік беріледі.
Тыйым сөздер:
Нанды бір қолмен үзбе!
Нан уағын тастама!
Жұмбақ:
-Өзі үлкен жануар,
Үстінде бір тауы бар.
-Бірінші тұрған қандай дыбыс?
Кірш- кірш етеді,
Ішіне кіріа кетеді.
-«Н» дыбысы қай жерде тұр?
-«Н» дыбысының дұрыс айтылу артикуляциясы мынадай: ерін сәл ашылып, жіңішкерген тіл ұшы жоғары көтеріледі де, үстіңгі тістің үстіне тиеді, тілдің алдыңғы екі шеті үстіңгі тістерге қатты жабысады. Тілдің төмен түсуінен «н» дыбысы жасалады. «Н» -дауыссыз дыбыс.
-«Н» дыбысын ауада жазып көрейік. Тәрбиеші «н» дыбысының баспа, жазба әріптерін балаларға көрсетеді.
Сергіту сәті.
Нан уағын шашпаңдар,
Жерде жатса баспаңдар.
Теріп алып, қастерлеп,
Торғайларға тастаңдар.
Тәрбиеші кеспе әріптермен тақтаға буындар жазады: НА, НҰ,НО, НЫ.
А- на, нан сөздерін салыстыра оқыту арқылы буынға бөлгізіп, «нан» сөзінің бір буын екенін түсіндіреді.
Дәптермен жұмыс.
Дәптердегі №7 тапсырма бойынша орындалады.
Жеке жұмыс жүргізіледі.
-Нанның.
-Нан.
-«Н» дыбысы.
Балалар суретке қарап әңгіме құрайды.
Тыйым сөздердің мағынасын түсініп, қайталайды.
-Нар.
- «Н»
-Ине.
-Сөздің ортасында.
«Н» дыбысын ауада жазады.
Балалар өлең мазмұнына байланысты қимыл-қозғалыс жасайды.
Балалар тәрбиешінің көмегімен буындарды оқиды.
Ана сөзін шапалақтау арқылы буынға бөледі:
а- на, нан
Дәптерде берілген тапсырмаларды орындайды.
Рефлексивті коррекциялаушы
-Қандай дыбыспен таныстық?
-«Н» дыбысы дауысты ма, дауыссыз ба?
-Сонымен, балалар, үйде, мейлі көпшілік арасында болсын, нан қоқымын көргенде басуға болмайды екен. Осыны өздеріңнің іні-қарындастарыңа да үйретулерің керек.
Балалар өткен дыбыс туралы түсінгендерін айтады.
Күтілетін нәтиже:
Біледі: суретке қарап әңгіме құрауды, жұмбақ шешуді, жаңа дыбысты ауада жазуды, кеспе әріптермен тақтаға буындар жазуды.
Игерді: тыйым сөздердің мағынасын.
Меңгерді: сөздерді буынға бөле білу дағдыларын.
