- Главная
- →
- Занятия с детьми
- →
- Дыбыс пен әріп: ұйымдастырылған оқу іс-әрекетінің технологиялық картасы
- →
Дыбыс пен әріп: ұйымдастырылған оқу іс-әрекетінің технологиялық картасы
Бұл құжатта №10 «Қарлығаш» тобына арналған ұйымдастырылған оқу іс-әрекетінің технологиялық картасы ұсынылған. Тәрбиеші Туманбаева Ж.С. жүргізетін бұл сабақтың мақсаты балаларға дыбыс пен әріп туралы толық түсінік беру болып табылады. Сабақ барысында дыбыс пен әріптің айырмашылығы, жазу кезінде дұрыс отыру ережелері, дәптер мен қарындашты қалай ұстау қажеттігі сияқты мәселелер қозғалады.
Оқу іс-әрекетінің бастапқы бөлігінде балалар «Әліпби» деп аталатын дыбыстар бақшасына саяхат жасап, дыбыстар мен әріптердің байланысын таныстырады. Тәрбиеші балаларға дыбыс шығаруға, әріпті көріп, тануға мүмкіндік береді. Әліпбидегі әр әріп 42 дыбыс шығаратыны айтылып, дыбыстардың жазылу таңбалары екендігі түсіндіріледі.
Сабақ барысында балалардың дыбыспен жұмыс жасауына, яғни жануарлар мен жәндіктердің дауысын шығаруға, оларды сурет арқылы бейнелеуге арналған ойындар өткізіледі. Тәрбиеші балаларды жандандыратын сергіту жаттығуларын ұйымдастырып, қызығушылықтарын арттырады. Дизайн мен тілдік ойын элементтері балалардың зейінін ұстап, сабаққа белсенді қатысуына ықпал етеді.
Сабақтың соңында балалар әріптер мен дыбыстарды визуализациялау үшін дәптердегі тапсырмаларды орындайды. Тәрбиеші рефлексивті коррекциялаушы сұрақтар арқылы балалардың алған білімдерін қайталап, дыбыс пен әріптің айырмашылығын түсіндіреді. Сабақтың нәтижесінде балалар дыбыстардың жазылу таңбасының әріптер екенін, жазу барысында дене позасын сақтауды үйренеді.
Ұйымдастырылған оқу іс-әрекетінің технологиялық картасы.
Тобы : №10 «Қарлығаш»
Күні : 2.11.16ж
Тәрбиеші :Туманбаева Ж.С
Білім саласы: «Қатынас»
Бөлім саласы: Сауат ашу және жазу негіздері.
Тақырыбы: Дыбыс пен әріп
Мақсаты: Дыбыс пен әріп туралы түсінік беру, дыбыс пен әріптің айырмашылығын ажырата алуды, жазу кезінде дұрыс отыруға, дәптер, қарындашты дұрыс ұстауға үйрету, ойлау қабілеттерін дамыту, бастаған істі аяқтай білуге, шыдамдылыққа тәрбиелеу.
Керекті құралдар: жұмыс дәптері, үй жануараларының көркем суреттері.
Сөздік жұмыс: әліпби.
Билингвалдық компонент: әліпби-алфавит, жаңбыр жауды - дождь идет.
Балалардың іс-әрекеті
Мотивациалық қозғаушы
-Балалар, біз бүгін дыбыстар бағына саяхатқа барамыз.Бұл бақ «Әліпби» деп аталады.
Қызығушылық танытады.
Іздену ұйымдастырушы
Әліпбиді көрсету.
-Әліпбиде көріп отырғандарың әріптер, олардың саны-42. Егер біз әліпбидегі әріптерді оқитын болсақ, ол-дыбыс.
Дыбысты естиміз, аузымызбен айтамыз, ал әріпті көреміз, оқимыз және жазамыз.
-Балалар, айтыңдаршы, пойыз тоқтағанда қандай дыбыс шығарады?
-Жақын арада аралар жүргенін қайдан білеміз?
-Түнде қасымызға маса келгенін қайдан білеміз?
-Дұрыс айтасыңдар, біз дыбысты осылай құлағымызбен естиміз.Әр естіген дыбыстың жазылу таңбасы-әріп.Әріптер мыналар (әліпбиді көрсету.)
Сергіту жаттығуын ойын арқылы өткізуге болады.
Саусақ ойыны.
Жаңбыр жауса.
Тырс-тырс,
Айтады гүл:
-Дұрыс-дұрыс.
Жаңбыр жауса.
Тырс-тырс,
Айтады қыр:
-Ырыс-ырыс.
«Не қалай дыбыстайды?» дидактикалық ойыны.
Ойын шарты: тәрбиеші үй жануарларының суретін көрсетіп, не істейтінін айтады. Балалар сол жануардың дауысын салады.
Қой маңырайды:
Сиыр мөңірейді:
Жылқы кісінейді:
Түйе боздойды:
Ешкі бақырады:
Бұл ойында үй жануарларының жүрісін де салуға болады.
-Балалар, әріптерді жазу үшін бізге не керек?
-Үстелде отыру ережесімен таныстыру: жазу барысында денені тік ұстап, дәптерді солға қарай қиғаштап қоямыз. Қарындашты үш саусақпен-бас бармақ, сұқ саусақ, орта саусақтармен ұстайды.
Қарындаш ортаңғы саусақтың сол жағында болады. Бас бармақ қарындашты сол жағынан, сұқ саусақ үстінен сүйемелдейді.
Қарындаштың жоғарғы ұшы иыққа бағытталады.
Саусақ жаттығуы:
Тәрбиеші қаламды екі немесе үш саусақпен айналдыртады.
Саусақ жаттығуы:
«Сорпаға тұз себейік»
Дәптермен жұмыс:
Дәптердегі №1 тапсырма бойынша орындалады.
Жеке жұмыс жүргізеді.
Балалар көреді.
Естиді, қайталайды, естерінде сақтайды.
Естеріне түсіріп
-Піш-ш-ш!-деп айтады.
-Біз «ж-ж-ж» деген дыбыс естиміз.
Қызығушылық танытады.
Балалар орындықта отырып, жаңбырдың дыбысын саусақтарын қимылдата отырып айтады.
Суретке қарап үй жануарларының даусын салады.
-Мә- мә- мә
-Мө- мө- мө
-Ио -ио -ио
-Бө- бө -бө
-Бә- бә- бә
Жүрісін салады, атын айтады.
-Дәптер, қалам қажет.
Балалар қолындағы қаламдарын солай ұстайды.
Балалар қаламды оңға, солға не үш саусақпен айналдыра жаттығулар жасайды.
Үш саусақпен сорпаға тұз сеуіп жатқандай саусақ ұштарын қимылдатады.
Дәптерде берілген тапсырмаларды орындайды.
Рефлексивті коррекциялаушы
-Балалар, әріп пен дыбыстың айырмашылығы бар ма?
- Қандай айырмашылық?
-Әріпті көреміз және жазамыз.
-Дыбысты айтамыз және естиміз.
Күтілетін нәтиже:Біледі: жануарлар мен жәндіктердің, көліктердің дауысын, жүрісін салуды, жазу барысында үстелде дұрыс отыруды, қарындашты дұрыс ұстауды, үзік сызықтарды қосуды.
Игерді: дыбыстардың жазылу таңбасы әріптер екенін, дыбыс пен әріптің айырмашылығын, оқу үшін әріптерді тану керек екенін.
Меңгерді: саусақ бұлшықеттеріне жаттығу жасауды.
