Тастың қасиеті: балалар үшін танымдық және шығармашылық сабақ
Тас - бізді қоршаған әлемнің маңызды бөлігі болып табылады. Балалардың тастар туралы білімдерін кеңейту, олардың әртүрлі түрлерін, қасиеттерін, және пайдасын үйрету мақсатында өткізілетін «Тастың қасиеті» тақырыбындағы оқу қызметі балаларға экология және шығармашылық саласындағы танымдарын байытуға мүмкіндік береді.
Бүгін біз тастар мұражайына барамыз. Балалармен бірге тастарды сыртқы тарапынан зерттейміз, олардың түсін, пішінін және салмағын анықтаймыз. Оқу барысында балалар тәжірибе жүргізу арқылы тастардың ерекшеліктерін сөзбен жеткізуге, байқаулар жасауға үйренеді. Бұл процесс балалардың логикалық ойлау қабілеттерін дамытуға септігін тигізеді.
Сонымен қатар, біз тасқа сурет салуды үйренеміз. Әр бала өз қиялындағы есімді тірілтеді, түрлі-түсті субояқтарды пайдаланып, естелік суреттер жасауды үйренеді. Бұл шығармашылық процесс балалардың ынтасын арттырып, қол моторикасын жетілдіреді.
Тас туралы білімдерін тек бекітіп қана қоймай, сонымен қатар табиғатқа деген сүйіспеншілігін арттыруды да мақсат етеміз. Әрбір бала тастың қайдан пайда болатынын, оның табиғаттағы рөлін және экологиялық маңызын түсінады. Біздің сабақтарымыз экологиялық тәрбие берудің негізі болып табылады.
Ақыр соңында, балаларымыз тастармен тәжірибе жүргізу, сурет салу және табиғатқа қамқорлық көрсету арқылы жаңа білім алып қана қоймай, нәтиже шығаруға да үйренеді. Біз балаларға шығармашылықпен шыға білу, зерттеу дағдыларын қалыптастыру, және экологиялық жауапкершілікті өндіру мүмкіндігін береміз.
Білім беру саласы: "Әлеуметтік орта", "Шығармашылық"
Бөлімі: Экология негіздері, Сурет салу
Тақырыбы: "Тастың қасиеті"
Мақсаты: Балаларды тастардың әр түрімен, олардың ерекшеліктері мен қасиетімен таныстыру.Тастар туралы білімдерін бекіту, яғни тастың түсін, пішінінің әртүрлі болаты жайлы ұғындыру.Зерттеу әрекеттерінің алғашқы дағдыларына бейімдеу. Табиғат байлығына қамқорлықпен қарауға тәрбиелеу.Тасқа сурет салуға дағдыландыру.
Көрнекілік пен қажетті заттар: Тастың суреттері, әр балаға жеткілікті заттар, су бар ыдыс, таразы, слайд,субояқ, қылқалам, сүлгі.
Әдіс-тәсілі: түсіндіру, тәжірибе, сұрақ-жауап.
Қос тілді компонент: тас-камень, тау -гора, ағаш-дерево, топырақ-земля, табиғат-природа
Сөздік жұмыс: таудың үгілуі
Шаттық болып тұрайық жылы жүзбен,
Бізге келсін қуаныш, нұр іздеген
Шуақ толған жанымыз, жүрегіміз
Үлгі алсын көрген жан мына бізден
Балалар біз бүгін тастар мұражайына келдік. (бөлменің бір бұрышы тастар мұражайы тұарды)
-Қараңдаршы, қандай әдемі?
-Нелерді көріп тұрмыз?
Біздің бүгінгі оқу қызметіміз ерекше болмақ.
Балалар келген қонақтармен амандасады.
-Сәлеметсіздер ме!
Балалар шеңберге тұрып шаттық шеңберін орындайды.
Балалардың жауаптары.
Ұйымдастырушылық- ізденістік
Балалар біз қызықты, ғажайып әлемде өмір сүріп жатырмыз.Далаға шыққанда айналаға қарасаң, бізді көптеген заттардың қоршап жатқанын білеміз.
-Балалар, қандай заттар қоршап жатыр?
Бірақ айналамыздағы заттардың көпшілігі адамның көмегінсіз өздері пайда болған.Олар қандай заттар екен?
Жұмбақ:
Су астында жұмыртқа ағарар,
Ұсақ мейлі, ірі мейлі,
Мәңгілік шірімейді.
-Жарайсыңдар,балалар, дұрыс таптыңдар.
-Балалар бүгін біздің оқу қызметімізге тас ханшайымы келіпті. Қане, бізге не айтады екен?Тыңдап көрейік!
-Сәлеметсіздер ме,балалар. Мен Тас ханшайымымын. Мен сендердің білімдеріңді тексеру үшін сендерге көп тапсырмалар әкелдім. Егер менің берген тапсырмаларымды орындасаңдар мен сендерге мұражайымдағы ең әдемі затты беремін. Сонымен балалар біз бүгін тастар туралы айтатын боламыз.
-Тас тірі табиғат па,өлі табиғат па?Кім айтады?
-Тағыда нелерді жатқызамыз өлі табиғатқа?
-Не үшін тасты өлі табиғатқа жатқызамыз?
-Балалар кім айтады? Тірі табиғатқа нелерді жатқызамыз?
-Не үшін оларды тірі табиғатқа жатқызамыз?
Балалар мен сендерге осы тастың қайдан пайда болатыны туралы айтамын.
Балалар тас ол таудың үгілуі яғни, осы табиғатта болып жатқан жаңбырдың, қардың,желдің және де күн сәулесінің әсерінен болады.Үгілу дегеніміз бөлініп шығу дегенді білдіреді. Осы таудың шыңынан домалап кесек, уақ тастар болып жерге түседі.
Тастың көп түрлері болады.
(тақтада тастардың түрлері көрсетіледі.)
Мысалы мыналар: қиыршық тас, жұмыр тас,әктас, тұзды тас, құм тас, гранит тастар. Балалар бұл тастарды көбінесе құрылысқа пайдаланады. Ал , балалар тастың тағыда бір түрлері бар.Ол асыл тастар. Бұл тастарды зергерлік әшекей, бұйымдар жасағанда қолданады.
Олар: інжу, меруерт, гаухар, жақұт, лағыл тастар.
Енді біз бүгін осы тастардың ішіндегі жұмыр тас пен қиыршық тасты зерттеп, тәжірибе жасайтын боламыз.
1 -тәжірибе: "Тастың сыртқы қасиетін анықта"
-Алдымен балалар тастарды сипап ұстап көріңдерші. Бізге тастың сыртқы жағын анықтау керек. Сыртқы жағы қандай екен?
-Дұрыс айтасыздар.Енді маған тегіс тасты көрсетеді. Қайсысы бұдыр.
2 тәжірибе:"Тастың түсін және пішінін анықта"
Енді балалар осы тастардың түсін, пішінін анықтайық.
-Тастың түсі қандай?
-Тастың пішіні қандай?
Кім айтады?
Балалар осы тастардың көлемдері қандай?
3 тәжірибе: "Тастың салмағын анықтау"
Ол үшін алдарыңыздағы таразыны пайдаланамыз. Таразының бір жағына тасты қойып, екінші жағына ағашты қоямыз.
Қайсысы ауыр, қайсысы жеңіл?
Дұрыс айтасыздар ,балалар.
Енді осы тас пен ағашты пайдаланып келесі тәжірибемізді жасайық.
4-тәжірибе: "Жүзгіштігін анықтау"
Ол үшін алдарыңыздағы ыдыстағы суды пайдаланамыз. Енді тастың суда жүзгіштігін тексерейік. Салыстыру үшін тасты және ағашты алайық. Суға тасты және ағашты саламыз.
Балалар тасты және ағашты суға салады, бақылайды.
Біз не көріп тұрмыз?
Сергіту сәті.
Жолмен келе жатып, таптым көп тасты
Отырдым, жинап алдым сұр тасты
Оңға бұрылдым, таптым шұбар тасты
Солға бұрылдым , таптым ақ тасты
Жолмен келе жатып, таптым көп тасты
Біз бүгін балалар тас туралы көп түсінік алдық. Тастың қасиетімен, ерекшеліктерімен таныстық. Тастың пайдасы көп екенін түсіндік. Енді осы тастарды пайдаланып әдемі көрнекіліктерді жасағанда пайдалануға болады. Тасқа әдемілеп әртүрлі суреттер салуға болады.
Олай болса біз бүгін алдарыңыздағы жұмыр тасқа қанқыздың суретін салатын боламыз.
Алдымен тасты алып қызыл түсті субояқпен бояймыз. Содан кейін бас бөлігін қара түспен бояп, қара сызық жүргізіп, үстіндегі дақтарын саламыз.Ақ түсті пайдаланып көзін саламыз. Біздің қанқызымыз дайын болды.
Ендеше орынымызда отырып суретті саламыз.
(жәй әуен ойналады)
Ойын: «Құм, тас, су»
«Құм» дегенде әр жерде шашыранқы болып отыру. «Тас» дегенде өз қолымен мүсін жасап тұра қалу, «су» дегенде толқын жасап қозғалу.
"Тау ханшайымының" көрмесін көсету.
-әдемі ғимараттар, мектеп, балабақша, дүкен, үйлер.
-жер, тас, тау, су
-тас
Балалар мұқият тыңдайды.
-өлі табиғат
-су,тау,құм, топырақ,күн, ай
-өйткені ол қоректенбейді,өспейді,
көбеймейді және өлмейді.
-жануарлар, құстар, ағаштар, гүлдер, балықтар
-өйткеніолар қоректенеді, өседі, тұқым таратады,өледі.
Сендер мұқият тыңдаңдар.
-тегіс, бұдыр
Жұмыр тас тегіс, қиыршық тас бұдыр
-ақ,көк, сұр, сұр қоңыр
-тастың пішіні әр түрлі.сопақша,
дөңгелек,үшбұрыш,, тік төртбұрыш
-көлеміде әртүрлі
-Тас ауыр, ағаш жеңіл.
-тас батып кетті, ал ағаш жүзеді. Тас батты,себебі ол ауыр, ағаш жүзеді, себебі ол жеңіл.
Сергіту сәтін орындайды.
Балалар ойынға белсене қатысады.
Балалар өз ойларын айтады.
Балалар қанқыздың суретін тасқа бейнелейді.
Ойынға белсене қатысады.
Рефлексиялық- түзетушілік
Қорытынды.
Балаларды мадақтайды.
Балаларға смайликтер таратылады.
Қуанады.
Біледі: тастың қасиеті мен ерекшеліктерін, тасқа сурет салуды;
Түсінеді: тастың қайдан пайда болатынын,оның түрлерін
Меңгереді: тастармен тәжірибе жасауды.
"Балдаурен" мектепке дейінгі бөбекжайы
Тастың қасиеті
"Балауса" ересектер тобында ұйымдастырылған
оқу қызметінің жүрісі
Тәрбиеші: Башенова С.Е.
2016-2017 оқу жылы
