Үй жихаздары. Менің төсегім

Күні:09.01.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Үй жихаздары. Менің төсегім (Байланыстырып сөйлеу)
Мақсаты: *Үй жихаздары жайлы түсініктерін кеңейту;
*Ұқыптылыққа тәрбиелеу;
*Ойлау,көру қабілеттерін дамыту;
Көрнекілік: Үй жихаздарының макеттері, суреттері,түрлі түсті қарындаштар.
Билингвалды компонет: үй-дом, есік-дверь,терезе-окно.

Бір баланы шақырып, қоржынның аузын ашқызады.

Қоржыннан жастық,көрпе,төсеніш шығарады. Оларды бір сөзбен қалай атайтынын,адамдарға не үшін қажеттігін сұрайды.
Сергіту сәті:
Тыныс алу жаттығулары
«Қатты жел» жаттығуын жасау үшін мұрынмен терең тыныс алып, ауызбен үрлеп шығару керектігін түсіндіреді.
Мақал-мәтел
Сыпырғы келсе,шаң қашар
Мағынасын түсіндіреді.
Сөздік ойыны
Ағаш төсек керемет,
Мен жататын...(Кереует)
Тық-тық-тық
Ашылды ақ...(сандық)

Таныс заттардың атын айтып отырады.

Тәрбиешімен бірге жасайды.

Сөздерді талдайды.
Мақалды тыңдап,түсіндіреді.

Өлең жолдарын аяқтайды.

Рефлексивті-түзетушілік

«Ыстық доп»ойыны
Балаларға допты беріп,сұрақтар қояды.
Балаларды мадақтап,ұйымдастырылған оқу қызметін аяқтайды

Допты қолға алған бала сұрақтарға жауап береді.

Күтілетін нәтиже:

Нені білу керек

Мақал-мәтел,жұмбақтар,өлеңді ажырата білу керек.

Нені игереді

Үй жихаздарының атауын және олардың не үшін қажет екенін білуді.

Нені біледі

Туған тіліне,халқына деген сүйспеншілігі мен мақтаныш сезімін сезуді.

Күні:16.01.2016ж
Білім беру саласы: «коммуникация»
Бөлімі:Сөйлеуді дамыту
Тақырыбы: Асханадағы ыдыс-аяқ(тілдің дыбысталу мәдинетіне тәрбиелеу)
Мақсаты: *ыдыс-аяқ туралы түсініктерін кеңейту;
*еңбек сүйгіштікке,үлкенді сыйлауға тәрбиелеу;
*дыбыстарды анық айтуға үйрету;
*Ойлау,көру қабілеттерін дамыту;
Көрнекілік: Ойыншық мысық,ыдыс-аяқтардың үлгісі суреті.
Сөздік жұмысы: қазан,жайпақ,шұңғыл.
Билингвалды компонет: Ыдыс-аяқ-посуда, мысық-кошка,жайпақ-отлогий.

Тәрбиеші балабақшада мысықты кездестіргенін айтады. Оларға ойыншық мысықты көрсетіп:

-Балалар,қараңдаршы,мен бүгін бақшадан Мақтақыздың мысығын кездестірдім. Қане ,оған жағымды,еркелететін сөздер айтайықшы.
Мысықпен сөйлескен кейіп танытады;
-Мысықай-пысықай,сен Мақтақыздың сүтін тағы да төгіп алдың ба?
-Балалар, ол осы жолы Мақтақыздың оюлы кесесін сындырып алыпты.Оған Мақтақыз ренжіп,басқа кесе алып келмесең үйге кіргізбеймін деген екен.
Шығармашылық сәт
-Біз оған қалай көмектесе аламыз? Дұрысы,ермексаздан сынбайтын кесе жасап берейік.

Мысқты еркелететін сөздер айтады: марғауым,мысықайым-пысықайым, т.б.

Тәрбиешінің мысықпен әңгімесін тыңдайды.

Өз ойларын айтады,мәселесін бірнеше шешуін береді (сатып алайық,үйден сұрап алайық)
Ермексаздан кесе жасауға отырады.

Ұйымдастыру-іздестіру

«Ас бөлмесіндегі ыдыстар» ойыны
Сұрақтар қояды:
-Мынау не?
-Оны қайда қайнатамыз?
-Шәйнек пен қазан ұқсас па?
-Неге? т.б.
Сөздік жұмысы:
«қазан,жайпақ,шұңғыл» деген сөздердің мағынасын түсіндіреді.
Сергіту сәті:
Өлең жолдарын балалармен бірге айтады. Қимылдарын жасап көрсетеді.
Сәлем,мен шәйнекпін,
Өзім үлкен,жуанмын.
Міне,менің қолым,
Міне, менің мұрным,
Шай қайнады-пф-пф-пф
Еді оны құямын

«Дастархан әзірлеу» ойыны
Балаларды 3-тен топтастырады,тәулік мезгілі бойынша бөліп,дастарқан мәзірін жасауды өтінеді.

Жетелеуші сұрақтар қояды:
-Таңғы асқа дастарқанға қандай ыдыстар қажет? Онымен не істейміз?
Дәптермен жұмыс
Балаларға жұмыс дәптеріндегі тапсырмаларды орындатады,түсіндіреді.
Жеке балалармен жұмыс жүргізеді: көмектеседі,қолын ұстап ,сыздырады.

«Ұйқасын тап» дидактикалық ойыны
Тәрбиеші шәйнек ,табақ,кесе,қасықтың суреттері бар плакатты көрсетеді.
Ақ-ақ-ақ
Қандай үлкен...(табақ)
Кәмпит,май,шұжық,қант суреттерін көрсетеді.
Ға-ға-ға
Қант саламын...(шайға)
Тірек-сызба қолданып Жаңылтпаш жаттау.
Кеше шеше
Неше кесе?
Сынды шеше?
«Қарама-қарсы» дидактикалық ойыны
Көрнекі суреттерді қолданып,оларға мағынасы қарсы сөздерді ойлап табуды ұсынады.
Сүтқұйғыш-ұзын,...(қысқа)-жайпақ, ...(шұңғыл); кесе-үлкен, ...(кішкене).

Салыстырады,белгілеріне қарай ыдыстарды ажырадаты.

Жаңа сөздердің мағынасын түсінеді.

Қимылды бірге жасайды:
Бір қолмен шүмегін ұстайды
Келесі қолын беліне қояды.
Беліндегі қолын көтеріп,
Қайта беліне қояды.
Қолымен шүмегңн келтіріп көрсетеді:
Секіреді,қайнаған шәйнектің дыбысын келтіреді;
Шүмегіне қарай бір жағына қисаяды.
Ұжымдаса әрекет етеді, қателерін түзейді. Ыдыс-аяқтарды таңдау себебін түсіндіреді, атауларын айтады: шай,қасық.Шайға қант саламыз,тосап жейміз.
Ойланады,жауабын табады.

Жұмыс дәптеріндегі тапсырмаларды орындайды.
Ұйқас сөздерді тауып айтады.

Тірек-сызбаға қарап жаңылтпаштың сөздерін қайталайды,салыстырады.

Антоним сөздерді ойлап табады,салыстырады.

Рефлексивті-түзетушілік

Венн диаграммасын қолданып,ыдыс-аяқтарды (шәйнек пен астрөл) салыстырады.
Балаларды мақтап,ұйымдастырылған оқу іс-әрекетін аяқтайды.

Салыстырады,ұқсастығы мен айырмашылығын табады,түсінік береді.

Күтілетін нәтиже:

Нені білу керек

Ас үйдегі барлық ыдыс-аяқтардың атауын.

Нені игереді

Антоним,синоним сөздерді.

Нені біледі

Тәулік мезгіліне сай,ас мәзіріне арнап ыдыс-аяқтарды топтастыруды.

Күні:23.01.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Қуыршақ Сәулені киіндірейік (тілдің граматикалық құрылысын қалыптастыру)
Мақсаты: *қысқы киімдердің бөліктерін сипаттап айтуға үйрету;
*еңбек сүйгіштікке,үлкенді сыйлауға тәрбиелеу;
*өзара көмектесуге тәрбиелеу;
*жыл мезгіліне сай талғаммен киінууге үйрету;
Көрнекілік: үнтаспа,киімнің таратпа суреттері,ұл және қыз баланың киімдері.
Сөздік жұмысы: сән үйі,киім ілгіш.
Билингвалды компонет: жұлдыз-звезда,алақан-ладонь,киім-одежда.

Соққан боранның дауысы естіледі. Тәрбиеші балалардан қазір жылдың қай мезгілі екенін сұрайды.

-Басе, мен сырттан соққан боранның дауысын естіп, тоңып кеттім. Қыста қолымыз тоңбау үшін не киеміз?
-Далада аққала жасағанда қолымыз тоңба үшін қолғап жасайық.
Шығармашылық сәт
Балаларды «Өнер орталығына» отырғызып, түсті қағаздан жасалған қолғаптарды безендіруді ұсынады.
«Киім түрлері» ойыны
Балаларға маусымдық киім түрлерінің ұсақ суреттері таратылыады.
-Кімнің қолында жазғы киім бар? (отырады)
-Кімнің қолында күзгі және көктемгі киім бар? (отырады)
-Кімнің қолында қысқы киім бар? (отырады)

Боранның дауысын тыңдап сұрақтарға жауап береді.

Үлгіге қарап,түсті қағаздарда салынған қолғаптарды безендіреді.

Киімнің түріне,белгілеріне қарап,қай мезгілде киетінің айтады.
Киімдерге қатысты сапалық сын есімдер қолданады,ұл не қыз баланың киімдерін ,сөздерді өзара байланыстырады.

Ұйымдастыру-іздестіру

Суретпен жұмыс
Балалардың назарын тақтада киім түрлерінің ұсақ суретке аударады. Суретте қысқы киімдер және оның қасында қыз баланың суреті бөлек тұр.
-Мынау-Сәуле қыз. Ол әлі өз киімдерін де,қандай киім кию керектігін де билмейді. Оған көмек берейік.

Жетекші сұрақтар қояды:
-Қандай киім?
-Не үшін қажет?
-Неден жасалған?
-Қандай болады?
Сөзік жұмысы: «сән үйі, киім ілгіш» деген сөздердің мағынасын түсіндіреді.

Сергіту сәті.
-Жаңа жауған қарды алақанымызға салып үрлейік.

Аязды күні ауада,
Өрнектелген жұлдыздар.
Ұшады қар айнала,
Төмен қарай құлдилар
Еріме дейік біз қарға.
«Киімдер дүкені» дидактикалық ойыны
-Дүкенге барып,Сәулеге киім сатып алайық. Бірақ біздің сатушы киімдердің атауын ұмытып қалыпты,оған киім туралы айтып, сипаттап беру арқылы сатып алысайық.
Дүкеншінің рөліне бір баланы қояды.
-Айтшы, Сәулеге қандай киім алуға келдің?
«Киімдерді салыстыр»дидиктикалық ойыны
-Біз Сәулеге бірнеше киім сатып алдық. Енді оларды бір-бірімізге көрсетейікші.

Мнемоестені пайдаланып,үстіне киген киімді балаларға сипаттап береді.

-Біз қазір өзімізді сән үйіндеміз деп есептейік .
Мен өзімнің киімім туралы сендерге айтқым келеді.
«Мен сәнгермін. Менің үстімде қзын жеңді жейде бар. Жейдемнің түсі жасыл. Ол өте ыңғайлы,жеңіл матадан тігілген. Оны жылы сумен жуып,қатты қызбаған үтікпен үтіктеу керек.Жейдені кимеген кезде әдемілеп киім ілгішке іліп қоямын.»

Дәптермен жұмыс.
Жеке балалармен жұмыс жүогізеді: көмектеседі,қолын ұстап,сыздырады.

Мақал
Адам көркі –шүберек.
Мақалдың мағынасын түсіндіреді.

Суретті тамашалайды.

Тәрбиешінің айтқандарын орындайды.

Суретке қарап,сұрақтарға жауап береді.

Жаңа сөздердің мағынасын түсінеді.

Өлең мазмұнына қарай сәйкес қимылдар жасайды:
Шеңбер бойымен тұрады;
Айналады:
Баяу отырады;
Екі алақаның тосады;
Алақанға үрлейді;

Септік жалғауларын сөздерге қосып,қолданысқа түсіреді.
Киімнің негізгі белгілерін ,ерекшеліктерін сипаттайтын сандық сапалық сөздерді қолданады.

Салыстырады,белгілерін ажыратады: бір көйлек қысқа,қалғаны ұзын, т.б.

Тәрбиешінің айтқандарын тыңдайды.

Тәрбиешінің үлісі бойынша кестее қарап,өз киімдерін сипаттайды.Сөз тіркестерін белседі қолданады.

Дәптердегі тапсырмаларды орындайды.

Мақалды тыңдап,мағынасын түсініп алады.

Рефлексивті-түзетушілік

Сұрақтар қойып,тақырыпты қорытады.Балаларды мадақтап,ұйымдастырылған оқу қызметін аяқтайды.

Сұрақтарға жауап береді.

Күтілетін нәтиже:

Нені білу керек

Реттілік бойынша сипаттама әңгіме құрастыруды.

Нені игереді

Сөз тіркестерін қолданысқа түсіруді.

Нені біледі

Киім бөліктерін ажыратуды.

Күні:30.01.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Ғажайып заттар(шығармашылық сөйлеу әрекеті)
Мақсаты: *көне тұрмыстық заттардың атауын меңгере отырып,сөздік қорларын дамыту;
*жиналыққа,тазалыққа тәрбиелеу;
*танымдық қызығушылықтарын арттыру;
Көрнекілік: құралдардың суреті,текшелер,ойыншық тұрмыстық заттар.
Сөздік жұмысы:текше,құлтемір,шаңсорғыш.
Билингвалды компонет: ұшақ-самолет,шаңсорғыш-пылесос,құлтемір-робот.

Тәрбиеші басына орамал тағып алады.

-Сәлеметсіңдер ме,балалар! Мен үйдің-Отананасымын.Мен тазалық пен тәртіпті жақсы көремін,сондықтан да күнделікті үй шаруасымен айналысамын: кір жуамын,үй жинаймын. Кейде жақсылап демалғанды және ойнағанды ұнатамын.Ал сендер менімен ойнағыларың келе ме? Мына жерде шашылып жатқан не нәрсе?
Текшелерді көрсетеді:
-Мұны дереу жинамай,мен ешқандай ойын ойнай алмаспын.

Тәрбиешіні тыңдайды.

Ұйымдастыру-іздестіру

-Менің үйімде таңғажайып құралдар бар,олар менің көмекшілерім. Олар шулайды,ызылдайды,тарсылдайды.
Жұмбақтар
Үйімде бір құлтемір бар.
Ал ол жоқ болғанда кірді мен мынадай ыдыста жуғанмын.
Суреттен кір жуатын үлкен легенді көрсетеді.
-Мұның аты леген.
Келсаптың суретін көосетеді.
-Ал мынау-келсап.Бұл бұрын маған неге қажет болды деп ойлайсыңдар?
-Ендеше ,мен сендерге көмектесейін.Ол асүй комбайны сияқты болды.Барлық дәнді,кесек тағамды осы келсппен тұқ-тұқ-тұқ (қолдарымен келтіреді)
Сөздік жұмысы:
«текше,құлтемір,шаңсорғыш» деген сөздердің мағынасын түсіндіреді.
Сергіту сәті:
-Қане,барлығың менің қасыма келіңдер,менімен бірге бұрын кірді қалай жуғанымды еске түсірейік:
Кірді салып суға,
Дайындаламын жууға.
Ысқылаймын-ысқылаймын,
Өзім сондай пысықаймын.
Қысамын тым қатты.
Суы оның көп ақты.
Қағып-қағып киімді,
Ілеміз толтыра біз жіпті.
«Затты сипаттап,тауып ал» дидактикалық ойыны
Үстел үстіне ойыншық тұрмыстық заттар қойылады. Балаларға мұқият қарауларын өтінеді.Заттарды асықпай,мәнерлі дауыспен сипаттайды:
-Бүйірі томпиған,ұзын тұмсықты.
-көп қалташалы,ішінде суық ауа бар,өзі биік,т.б.
-Умаждалған киімді тегістейді,табаны темірден жасалған.
Дәптермен жұмыс
Тапсырмалардың шартын түсіндіреді.
Жеке балалармен жұмыс жүргізеді:көмектеседі,қолын ұстап сыздырады.
«Құралдарын ауыстыр» дидактикалық ойыны
Фланель тақта қолданады.Тақтада адамдардың үйдегі еңбегі:үй сыпырған әйел,кір жуып тұрған қыз,келсаппен дән түйіп отырған әжей.
-Осы адамдардың жұмысын қандай құралдармен жеңілдете аламыз?Оны балалардың қолдануына бола ма?

Жұмбақтарды тыңдап,шешуін табады.

Өздерінің өмірлік тәжірбиелеріне сүйеніп,тұрмыстық заттар туралы айтады.

Суреттерді тамашалайды,тәрбиешіні тыңдайды.
Сыртқы пішіні мен құрылымына қарап,өз ойларын айтады.

Жаңа сөздердің мағынасын түсініп алады.

Тәрбиеші жасаған қимылды қайталап жасайды:
Екі жеңін түреді,
Ысқылайды;
Алақандарымен қысады;
Киімді жайған қимылды келтіреді.

Өзіндік белгілеріне қарай қай зат екенін табады.

Жұмыс дәптеріндегі тапсырмаларды өздігінен орындайды,талқылайды.

Суреттердің арасынан тиісті тұрмыстық құралдарды таңдап алады.Өз таңдауларын атап,кімге сыйлағысы келетінін айтады,заттың тұрмыстағы қолданыс аясын түсіндіреді (шаңсорғыш,шаңды сорады,қоқысты сорады).

Рефлексивті-түзетушілік

Сұрақтар қойып,тақырыпты қорытады.
Балаларды мадақтап,ұйымдастырылған оқу қызиетін аяқтайды.

Өздері білген үйренгендерін бекітеді,ойларын жинақтайды.

Күтілетін нәтиже:
Нені білу керек: қарапайым себеп-салдардың байланыстарын анықтай білуді.
Нені игереді:құралдарға қатысты етістіктерді сөйлеу барысында қолдануды.
Нені біледі:көне тұрмыстық заттар мен жаңа заттар арасын байланыстыруды.

Күні:6.02.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Ы.Алтынсариннің «Әке мен бала» әңгімесі(байланыстырып сөйлеу )
Мақсаты: *шығарманы қайталап айтып беру дағдыларын дамыту;
*еңбексүйгіштікке тәрбиелеу;
*үлкенді сыйлауға үйрету;
Көрнекілік:қуыршақ апа,әңгіме желісіне құрылған тірек-сызба,қағазда бейнеленген кестелі орамалдың суреті, Ы.Алтынсариннің суреті.
Сөздік жұмысы:таға,қанағат,аяндап жүру,жалмажан,иіліп.
Билингвалды компонет:кітап-книга,орамал-платок,доп-мяч.

Қонаққа әжей келеді.

-Сәлеметсіңдер ме,балалар! Мен сендерге кітап әкелдім.Бірақ көзім нашар көретін болғандықтан,кітаптың не туралы екенін біле алмадым.
-Ал ,олай болса тәрбиешілерің бізге кітап не туралы екенін айтып,ішінен бір шығарманы оқып берсін.

Әжеймен сәлемдеседі.

Әжейге көмектесуге келіседі.

Ұйымдастыру-іздестіру

Тәрбиеші кітапты алып,оның не туралы екенін баяндап,парақтап жатқанда кітапортасынан қағаздан жасалған әшекейленген орамал түсіп қалады.
-Менің кестелеген орамалымғой,-дейді әжей.
Тәрбиеші балалардың назарын әшекейге аудуарып,сұрақ қояды:
-Ал сендер осындай етіп орамал әшекейлей аласыңдар ма?
Шығармашылық сәт

Балаларды «Өнер орталығына» отырғызып,қағаздан дайын орамалды таратып беріп,түрлі қарындаштармен әшекейлеуді ұсынады.
Дыбыстық жаттығу

Ла-ла-ла до ойнады бала,
Ке-ке-ке ағаш шапты әке,
Ға-ға-ға мен таптым аға
Е-е-е ағашта өсті шие.
Ы.Алтынсарин туралы мәлімет береді.суретін көрсетіп,таныстырады. Балалардың назарын әңгіменін сюжеті бойынша салынған суретке аударады.

Әңгіме тыңдаймыз.
Ы.Алтынсариннің «Әке мен бала» шығармасын оқып береді.

Сөздік жұмысы:
«таға,қанағат,аяңдап жүру,жалмажан,иіліп»деген сөздердің мағынасын түсіндіру.
Әңгіменің мазмұны бойынша сұрақтар қояды.
Тірек сызбамен жұмыс
Тірек сызба арқылы әңгіменің мазмұның айтқызады.
Мақал-мәтел
Аз жұмысты қиынсынсаң,
Көп жұмысқа тап боласың;

Азға қанағат етпесең,
Көптен құр қаласың.

Еріншек екі істер.

«Еріншек» сөзінің синонимін табуды ұсынады.
Сергіту сәті
«Бес бармақ»жаттығуы
Бас бармақ-ата,
Балаң үйрек-әже,
Ортан терек-әке,
Шылдыр шүмек-ана,
Кішкентай бөбек-мен.
Әкесі үлкен аю,
Анасы орташа аю,
Баласы кіп-кішкентай аю.

Дәптермен жұмыс
«Менің отбасым»
Тапсырмаларды түсіндіреді,орындатады.
Жеке балалармен жұмыс жүргізеді: көмектеседі,қолын ұстап, сыздырады.
«Дұрыс айт» ойыны
Әкем жұмысқа.....
Анам тамақ....
Ағам сабақ.....
Әпкем еденді....
Әжем гүлді.....
Атам шөп....

Әжейдің орамалын тамашалайды.

«Өнер орталығына» барып,дайын орамалды түрлі түсті қарындаштармен әшекейлейді.

Дыбыстарды дұрыс,анық айтады.

Ы.Алтынсариннің суретіне қарап,суретте кімнің бейнеленгенің айтады.
Суреттерге қарап отырып,шығарманы мұқият тыңдайды.
Жаңа сөздердің мағынасын түсінеді.

Сұраққа жауап береді.
Тірек сызба бойынша әңгіменің мазмұнын айтады.

Мақалдарды тыңдайды,мағынасын талдайды,дәйектер келтіреді.

Еріншек балаларды тағы не деп атайтынын ойластырады.

Өлеңді бірге айтады.
Қимылдарын жасапсаусақтарын жұмып,көрсетеді.

Жұмысдәптеріндегі тапсырмаларды орындайды.

Сөйлемдердің соңғы сөзін тауып айтады.

Рефлексивті-түзетушілік

Сұрақтар қойып,тақырыпты қорытады.
Балаларды мадақтап,ұйымдастырылған оқу қызиетін аяқтайды.

Өздері білген үйренгендерін бекітеді,ойларын жинақтайды. Сұрақтарға жауап береді.

Күтілетін нәтиже:
Нені білу керек:үлкендерді құрметтеуді,сыйлауды,тыңдай білуді.
Нені игереді: «еріншек» сөзінің синонимін.
Нені біледі:шығарманы қайталап айтуды,сұрақтарға жауап беруді.

Күні:13.02.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Мамандықтың бәрі жақсы (тілдің грамматикалық құрылысын қалыптастыру)
Мақсаты: *ауызша сөйлеуде сөздерді грамматикалық тұрғыдан дұрыс айтуға (жекеше,көпше,мептеп,тәуелдеп,жіктеп) және байланыстырып сөйлеуге үйрету;
*мамандықтарды құрметтеуге үйрету;
*танымдық қызығушылықтарын арттыру;
Көрнекілік: мамандық иелерінің суреттері, Буратино қуыршағы,автобус билеттері.
Сөздік жұмысы:мамандық , өріс ,көз ілмей.
Билингвалды компонет:мамандық-профессия,шекара-граница,қой-баран.

Буратино келіп,балаларды «Мамандық әлеміне» саяхатқа шақырады.

Тәрбиеші:
-Қандай көлікпен саяхатқа барамыз?
Буратино:
-Менің пойызбен барғым келеді.

Буратиномен амандасады.
Көлік түрлерін атайды. Тәрбиешімен бірге пойызбен баруға келіседі.

Ұйымдастыру-іздестіру

-Ал ендеше мендегі билеттерді алып,пойызға отырыңдар.
Суретпен жұмыс
Балалардың назарын билеттің сырт жағына салынған әртүрлі мекеменің суреттеріне аударады. Қандай мекеме екенін, онда кімдердің жұмыс істейтінін сұрайды.
Сөздік жұмысы:
«мамандық,өріс,көз ілмей» деген сөздердің мағынасын түсіндіреді.

«Кімнің құралдары?» дидактикалық ойыны
Құрылысшының,шекарашының,қойшының,дәрігердің,аула тазалаушының,хат тасушының,аспазшының,тәрбиешінің құралжабдықтары салынған суреттен неше мамандық иесінің құралдары бар екенін анықтау керек екендігін түсіндіреді.
Жұмбақ жапсыру «Қай маман?»
Алып жатқан жан-жақты,
Үйлерді кім тұрғызды?

Шекарада сақ тұрып,
Көз ілмей кім шығады?

Ерте өріске ат мініп,
Қой жайып кім шығады?

Слайд көреміз
Балаларға мамандықтар және олардың қызметі туралы слайд көрсетеді. Мамандықтар туралы айтып берулерін сұрайды. (жекеше,көпше,септеп-тәуелдеп,жіктеп)

Дәптермен жұмыс
Тапсырмаларды түсіндіреді,орындатады.Жеке балалармен жұмыс жүргізеді:көмектеседі,қолын ұстап,сыздырады.

Сергіту сәті.
Буратино «Біз қайда болдық айтпаймыз,бірақ көрсетеміз» ойынын жүргізеді (кітап оқыған,дәрі ішкен,билеген,тамақ ішкен, т.б. қимылдарды үнсіз көрсетеді.)
«Көңілді доп»
Тәрбиеші шеңбер бойымен тұрып,допты лақтырып,мамандықты атайды. Допты алған бала оның не істейтінін айту керек.

Билеттерді алып пойызға отырады.
Билеттің артындағы мекемелердің қандай ғимараттар екенін тауып,онда кімдерің жұмыс істейтінн айтады.

Жаңа сөздердің мағынасын түсінеді.

Суретке қарап,мамандықтардың құралын тауып,санын анықтайды.

Жұмбақтарды шешеді.

Слайд көріп,сөйлем құрастырады.

Жұмыс дәптеріндегі тапсырмаларды орындайды.

Буратиномен бірге қозғалыстар жасайды.

Допты ұстап алған бала мамандық иесінің айтады.

Рефлексивті-түзетушілік

«Мен кім боламын?» дидактикалық ойыны
Буратино балалардан өскенде кім болғысы келетінін сұрайды.
Балаларды мадақтап,ұйымдастырылған оқу қызметін аяқтайды.

Буратиноға өздері кім болғысы келетінін айтады: мен өскенде ғарышкер т.б.

Күтілетін нәтиже:
Нені білу керек:мамандық түрлері туралы.
Нені игереді:мамандықтарға қажетті құрал-жабдықтарды және ол мамандықтардың қажеттілігін.
Нені біледі: тақырыпқа байланысты сөйлем құрастыруды.

Күні:20.02.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы:Е.Сегал мен М.№ильиннің «Біздің көшедегі мәшинелер» әңгімесі (тілдің дыбысталу мәдинетіне тәрбиелеу)
Мақсаты: *көлік түрлерінің атауын үйрету;
*ұқыптылыққа үйрету;
*көшеде жүру ережесі туралы білімдерін арттыру;
Көрнекілік:көшедегі көліктер мен адамдардың суреті,көлік дауыстары жазылған үнтаспа.
Сөздік жұмысы:жүйткиді желменен,тікұшақ,қайық.
Билингвалды компонет:нан-хлеб,тікұшақ-вертолет,жел-ветер.

Жұмбақ

Төрт аяғы дөңгелек,
Қозғалады орнынан.
Жүреді ол дөңгелеп,
Жүйіткиді желменен.
Дауысы бар гүрілдек.
(мәшине)

Жұмбақты шешеді.

Ұйымдастыру-іздестіру

Сұрақтар қояды:
-Көрші қалаға бару үшін қандай көлік түрін таңдар едіңдер?
-Көліктердің қандай ортақ белгілері бар?
-Оларға дөңгелектер не үшін керек?
-Бір сөзбен жерде жүретін көліктерді қалай атаймыз?
Әңгіме тыңдаймыз
Авторлвр туралы айтады,суреттерін көрсетеді. Е.Сегал мен М.Ильиннің «Біздің көшедегі мәшинелер» әңгімесін оқып береді.
Слайд көрміз.
Слайдта әңгіме желісі бойынша көлік түрлері бейнеленген суреттер ауысып отырады: «Жедел жәрдем», «Өрт сөндіру»,нан,балық,қоқыс тасуға арналған көліктер, т.б.

Әңгіменің мазмұны бойынша сұрақтар қояды:
-Әңгімеде қандай көлік түрлері туралы айтылған?
-Барлығын бір сөзбен қалай атаймыз?

«Көлік түрін даусынан таны» дидактикалық ойыны
Үнтаспа қосып,көліктердің дауысын тыңдатады. Қай көлік екенін табуды ұсынады.

Тіл ұстарту жаттығуы
Ік-ік-ік-көлік,
Тік-тік-тік-тікұшақ,
Ық-ық-ық-қайық.
Тыныс алу жаттығуы
«Жел желкенді кереді»ойыны
Жел болып желкенді үрлеуді ұсынады.
Динамикалық үзіліс
«Жүк тиелген пойыз» ойыны
Балаларды қатарға тұрғызып,пойыздың дыбысын сала жүріп,белгі бойынша жүріп,тоқтауды ұсынады.
«Жүреді,жүзеді,ұшады» дидактикалық ойыны
Балаларға мәшиненің,пойыздың,ұшақтың,тікұшақтың,
Т.б. суреттерін көрсетеді.Балаларға «Жүреді,жүзеді,ұшады» деп айтып тұруды ұсынады.
Сөздік жұмысы: «жүйткиді желменен,тікұшақ,қайық»деген сөздердің мағынасын түсіндіреді.
«Қандай көлік жасырылды?» дидактикалық ойыны
Тақтадағы кейбір суреттерді,теріс қаратып қояды да,суреттегі көліктер туралы жұмбақтар жасырады.
Дәптермен жұмыс
Тапсырмаларды түсіндіре отырып орындатады.Жеке балалармен жұмыс жүргізеді: көмектеседі,қолын ұстап,сыздырады.

Сұрақтарға жауап береді.

Әңгіме тыңдайды.

Слайд көріп,көлік түрлерін есте сақтайды.
Олардың ортақ белгілеріне назар аудурады.
Сұрақтарға жауап береді,көлік түрлерін атайды.
Дыбысын тыңдап,қай көлік екенін айтады.
Ы-Ідыбыстарын анық,таза айтады.Барлық буындарды бірге және жеке айтады.

Қайықтың желкеніне үрлейді тыныс шығару «у-у-у-у-у», «ш-ш-ш».

Әр суретке сәйкес «жүреді,жүзеді,ұшады»деп айтып тұрады.

Жаңа сөздердің мағынасын түсінеді.

Жұмыс дәптеріндегі тапсырмаларды орындайды.

Рефлексивті-түзетушілік

Венн диаграммасы арқылы көліктерді салыстыра отырып қорытындылайды.
Балаларды мадақтап,ұйымдастырылған оқу қызметін аяқтайды.

Көліктерді салыстырады.

Күтілетін нәтиже:
Нені білу керек:көлік түрлерін,олардың маңыздын.
Нені игереді:көліктерді атқаратын қызметіне қарай жіктеуді..
Нені біледі:көлік түрлерін салыстырып,ортақ белгілерін табуды,өз ойларын жеткізуді.

Күні:27.02.2016ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Тату үйдің бауырсағы да дәмді (шығармашылық сөйлеу әрекеті)
Мақсаты: *отбасы туралы,туыстық қатынастар туралы түсінік беру;
*кішіпейілділікке тәрбиелеу;
*тіл байлықтарын дамыту;
Көрнекілік:отбасы тақырыбына арналған суреттер жиынтығы (балалардың өз отбасыларының суреттері).
Сөздік жұмысы:әпке,сіңілі,іні,ағайын,нағашы.
Билингвалды компонет:әпке-старшая сестра, сіңілі-младшая сестра,іні- младший брат.

Байқауға қатысамыз

-« Ең жақсы отбасы» атты байқау жариялаймыз,кім өз отбасы туралы жақсы әңгіме айтып береді,сол жеңімпаз болып аталады. Жақсы қатысқан балаға сыйлық (жұлдызша) беріледі.

Байқауға қатысуға қызыға келіседі.

Ұйымдастыру-іздестіру

«Кім жоқ?» дидактикалық ойыны
Тақтаға отбасы мүшелерінің суреттерін қатарластырып қояды. Көдерін жұмған сәтте бір суретті жасырып , «кім жоқ?» деп сұрайды.
«Мен айтамын,сен тап» дидактикалық ойыны
Өлең оқиды:
1.Менің әжем,ер әжем
Мінезі өте жайлы әжем.
Тірек болып жүр әжем,
Әрқашанда қасымда.

2.Бақшасын балалар.
Іні әпке,аға бар.
Ойыншықтар көп онда,
Мәшине,ат,түие бар.
-өлеңде отбасы мүшелерінен кімдер аталған?

«Менің отбасым» дидактикалық ойыны
Балаларға өз отбасыларының суретіне қарап,әңгімелеп беруді ұсынады. Жетелеуші сұрақтар қойып,балаларды еркін сөйлетуге тырысады.
Саусақ театры
Саусақ театры арқылы үлкен отбасы мүшесінің рөліне еніп,балалармен сөйлеседі:
-Балам жүрші екеуміз дүкенге барып келейік.
-қызым,сен тамағыңды іштің бе?
Сөйлесу барысында балалардың сыпайы сөздерді қолдануын қадағалайды.
Сөздік жұмысы:
«әпке,сіңіл,іні,ағайын,нағашы» деген сөзднрдің мағынасын түсіндіреді.
«Еркелетіп айт» дидактикалық ойыны
-Ата-әжелерің,атааналарың сендерді қандай жылы сөздер айтып еркелетеді?
-өздерің оларды қалай атайсыңдар?
Дәптермен жұмыс
Тапсырмаларды түсіндіреді,орындатады.жеке балалармен жұмыс жүргізеді,көмектеседі,қолын ұстап сыздырады.
Мақал-мәтел
Тату үйдің бауырсағы дәмді.
Мақалдың мағынасын қалай түсінетіндерін сұрайды,толықтырады.

Отбасы мүшелерін атайды. Көздерін ашқан соң суретте кімнің жоғын анықтайлы,зейіндерін дамытып,есте сақтайды.

Өлеңді тыңдап,кім туралы екенін табады.

Үйден әкелген суреттеріне қарап,өз отбасылары туралы әңгімелейді.

Саусақ театрына қатысады,сөйлеседі,сұрақтарға жауап береді.

Жаңа сөздердің мағынасын түсіндіреді.

Ойланып ,сұрақтарғажауап береді:

Дәптердегі тапсырмаларды орындайды.

Мақалды тыңдау.

Рефлексивті-түзетушілік

-балалар,сендер өз отбасыларыңа қандай тілек тілер едіңдер?
Көп жұлдызша жинаған жеңімпазды анықтайды. Балаларды мадақтап,ұ.оқу қызметін аяқтайды.

Өз туыстарына арнап тілектерін білдіреді.

Күтілетін нәтиже:
Нені білу керек:отбасы мүшелерін ажырата алуды.
Нені игереді:үлкенді сыйлауды,құрметтеуді,сынпайы сөздерді қолдануды.
Нені біледі:саусақ театры арқылы өз отбасына деген жылы және мейірімді сөздерді жылы сезіммен айтуды.

Күні:13.03.2017ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Бақтыгерееваның «Менің апам» өлеңі (тілдің граматикалық құрылысын қалыптастыру)
Мақсаты: *өлең жолдарын жаттата отырып,сөздік қорларын байыту,тілдік граматикалық құрылымын қалыптастыру,жалғауларды дұрыс жалғап айтуға үйрету;
*ананы құрмет тұтуға,қастерлеуге,тілалғыш болуға тәрбиелеу;
*есте сақтау қабілеттерін арттыру;
Көрнекілік:себет,бәйшешек гүлдері,қуыршақ Қызыл телпек,әр баланың өз анасының суреті.
Сөздік жұмысы:жұбатады,аялайды.
Билингвалды компонет:апа-бабушка,гүл-цветок,себет-корзина.

Балалар бүгін бізге қонаққа Қызыл телпек келді.

-Сәлеметсіңдер ме,менің себетімде не бар екенін білесіңдер ме? Мұнда сендерге алып келген көктемнің алғашқы гүлі бар. Кім айтады,ол қандай гүл?

Қызыл телпекті қуана қарсы алады,амандасады. Себетінде гүлдің бар екенін табады.

Ұйымдастыру-іздестіру

«Бәйшешекті құрастыр» дидактикалық ойыны
-Балалар, Қызыл телпек гүлді не үшін теріп алды деп ойлайсыңдар?
-түсіндім,ал олай болса бізде аналар мерекесіне дайындалайық.

Балалардың алдындағы қорапшда бәйшешектің бөлшектері болады. Балаларға осы бөліктерден гүл құрастыруды ұсынады.

Өлең жаттаймыз
А.Бақтыгерееваның суретін көрсетіп,автор туралы мәлімет береді.
«Менің апам» өлеңін оқып береді. Тірек суреттер арқылы қайталап айтқызып,жаттатады.
Мені жақсы көреді.
Күндей күліп келеді.
Көп ертегі біледі,
Маған айтып береді.
Суретпен жұмыс
Өз аналарына қарап,әңгіме құрастыруды ұсынады. Жетелеуші сұрақтар қояды:
Мақал-мәтел
Ата-анаңды сыйласаң,көп жасарасың.Мақалдың мағынасын қалай түсінетіндерін сұрайды.,толықтырады.
Сөздік жұмысы:
«жұбатады,аялайдй» деген сөздердің мағынасын түсіндіреді.
Сергіту жаттығуы
Шапалақта қолыңды,
Жай,жай,жай,міне былай.
Шапалақта қолыңды,
Тез-тез,тез-тез,тез-тез.
Алға қарай адымда,
Жай,жай,жай,міне былай.
Жолыңнан еш жаңылма,
Тез-тез,тез-тез,тез-тез.
Дәптермен жұмыс
Жеке балалармен жұмыс жүргізеді: бірдей гүлдерді табуға көмектеседі,қолын ұстап,сыздырады.

Көктемде аналармен әжелердің мерекесі екенін,ол гүлді анасы мен әжесіне жинағанын айтады.

Үлгі бойына бәйшешекті құрастырады.

Тәрбиешімен бірге қайталап айтады. Тірек сурет арқылы жаттайды.

Әркім үйден әкелген өз анасының суретіне қарап,әңгіме құрастырады.
Мақалды қайталайды және мағынасын ашады,түсіндіреді.

Жаңа сөздердің мағынасын түсінеді.

Қимыл-қозғалыстар жасайды,сөздерді қайталайды.

Бірдей гүлдерді тауып,сызықпен қосады.

Рефлексивті-түзетушілік

«Жақсы-жаман» әдісі арқылы тақырыпты қорытады.
Жақсы,жаман қасиеттерді айтады. Жақсы қасиет болса,қол шапалақтап,жаман болса тыныш отыруды ұсынады.
Балаларды мадақтап,ұ.оқу қызметін аяқтайды.

Жақсы қасиет болса қолдарын шапалақтайды,жаман қасиет болса тыныш отырады,дәлелдейді.

Күтілетін нәтиже:
Нені білу керек:8наурыз-аналардың,апалардың,қыздпрдың мерекесі екенін.
Нені игереді:анаға деген сүйіспеншілік сезімдерін білдіретін ұғымдарды.
Нені біледі:өлең мағынасын түсініп жатқа айтуды.

Күні:27.03.2017ж
Білім беру саласы: «Коммуникация»
Бөлімі:Сөйлеуді дамыту
Тақырыбы: Көктем таңғажайыптары (шығармашылық сөйлеу әрекеті)
Мақсаты: *ұсынылған тақырыпқа әңгіме құрай білуге үйрету;
*табиғатты қорғауға,құстарға қамқор болуға тәрбиелеу;
*тіл байлықтарын дамыту;
Көрнекілік:кітап,жыл құстарының суреттері,көктем мезгілінің суреті.
Сөздік жұмысы:солды,уайымдау,керемет.
Билингвалды компонет:жоғары-верх,төмен-вниз,уайым-печаль.

Үнтаспадан «Тыңдаңыздар,тыңдаңыздар! Биыл Көктем мезгілі келмейді!» деген дауыс шығады.

-Қалай ойлайсыңдар, Көктемнің келмей қалуы мүмкін бе? Неліктен? Жүріңдер,бұл сұрақтың жауабын бірігіп іздейік.
Көктемнің не себептен келмейтіні туралы ақпарат алу үшін «Әдебиет орталығының» бас кітабы «Қызыл кітапты» ашады да ішінен «Көктем таңғажайыбы»атты ертегіні табады.

Үнтаспадағы дауысты естіп,өздерінің пікірлерін,болжамдарын айтады,ойларымен бөліседі.

Ұйымдастыру-іздестіру

Ертегі тыңдаймыз
Тәрбиеші ертегіні мәнерлеп оқып беріп,ертегі желісі бойынша сұрақтар қояды.
Ертегіні қуыршақ театры арқылы қойғызады.
Сөздік жұмыс: «солды,уайымдау,керемет» деген сөздердің мағынасын түсіндіреді.
«Салыстыр және ата» дидактикалық ойыны
Тәрбиеші күн туралы сұрақтар қояды,балалар жауап береді.
-Күн қандай?
-Күн неге ұқсайды?
-Күн қандай гүлге ұқсайды?
Көзге жаттығу
Күн таңертең тұрды ерте,
Санап бұлтты неше мәрте.
Жоғары қарады,
Төмен қарады,
Оңға және солға,
Көзің ашып қарады,
Деру көзін жұмып алды,
Оянғысы келмей қалды.
-Көктемде күн жылынғанда жылы жақтан құстар ұшып келеді. Ол-жыл құстары.

Сергіту сәті
-қанекей,балалар,бойымызды жазып алу үшін құстар сияқты қанат қағып ұшайық та орнымызға қонайық.
«Ертегіні жалғастыр» ойыны
Тәрбиеші бір ертегіні бастайды, балаларға өз ойлары бойынша жалғастыруды ұсынады.
Дәптермен жұмыс
Жеке балалармен жұмыс жүргізеді: көктем белгілерін табуға көмектеседі,қолын ұстап,сыздырады.
Тіл ұстарту жаттығуы
Тем-тем,
Келді нұрлы Көктем.
Ді-ді-ді,
Балалар жүр көңілді.
Іп-іп-іп,
Кетті қарда еріп.
Шік-шік
Ағаштарда бүршік.

Ертегіні тыңдайды. Сұрақтарға жауап береді.

Ертегіні қуыршақ театры арқылы сахналайды.
Жаңа сөздердің мағынасын талдайды.

Сұрақтарға жауап береді.

Көздерін қимылдатып,жаттығу жасайды.

Құстардың қимылын салып,қанат қағып ұшады.

Ертегіні өз ойлары бойынша құрастырып,жалғастырады.

Жұмыс дәптеріндегі тапсырмаларды орындайды.

Дыбыстарды анық,ақырын,қатты,
дауыспен айтады.

Рефлексивті-түзетушілік

«көктемді не үшін жақсы көремін?» дидактикалық ойыны
-Балалар,сендер көктемді жақсы көресіңдер ме? Үстелде жатқан гүлді алып, көтемді не үшін жақсы көретіндеріңді айтып,гүлді құмыраға саоып қойыңдар.
Балаларды мадақтап,ұйымжастырылған оқу қызметін аяқтайды.

Көктемді не үшін жақсы көретіндерін айтып,гүлді құмыраа салып қояды.

Күтілетін нәтиже:
Нені білу керек:көкте мезгілінің біртіндеп оянатынын.
Нені игереді:жыл мезгіліне тән белгілердің атауларын.
Нені біледі:ертегіні сахналауды.