Гг дыбысы мен әрпі туралы сабақ
Бұл құжатта Маңғыстау облысы Жаңаөзен қаласының №18 орта мектебінде бастауыш сынып мұғалімі Гульмира Узакбаевнаның өткізген сабағы жайында баяндалады. Сабақтың тақырыбы – Гг дыбысы мен әрпі. Сабақтың мақсаты – оқушыларды Гг дыбысы мен оның әріп таңбасымен таныстыру, сөздік қорын молайту, сондай-ақ дидактикалық ойындар арқылы ойлау қабілеттерін дамыту болып табылады.
Сабақтың бірінші кезеңінде мұғалім оқушылармен амандасып, олардың көңіл-күйлерін сұрайды. Шаттық шеңберіне тұрып, бір-бірлеріне жылы сөздер арнайды. Содан соң өткен сабақты қайталап, дыбыстар қаншаға бөлінетіндігі туралы әңгімелеседі. Бұл кезеңде оқушылар Гг дыбысының болатын сөздерді анықтап, бірнеше мысалдар келтіреді. Сабақ барысында интерактивті тақта мен түрлі көрнекіліктер пайдаланылады.
Жаңа сабақты түсіндіру кезінде мұғалім сұрақтар қойып, оқушылардың белсенділігін арттыруға ықпал етеді. Оқушыларға «Гүлдер» өлеңін тыңдата отырып, Гг дыбысын тауып, оның дауысты не дауыссыз дыбыс екенін анықтайды. Дәптермен жұмыс барысында Г дыбысын жазып, дыбыстық талдау жасақтатып, буындар мен сөздердің орнын ажыратады.
Сабақтың қорытынды кезеңінде қызықты жұмбақтар жасырылып, оқушылардың алған білімдерін тексеру мақсатында «Кім зейінді?» және «Адасқан әріптер» ойындары ойналады. Балалар тапсырмаларды орындау арқылы Гг дыбысын сөздің ішінде қалай пайдалануға болатынын, сонымен қатар өз оқу қабілеттерін дамытуға үйренеді. Бұл сабақ оқушылар үшін өте пайдалы әрі қызықты болды.
Маңғыстау облысы Жаңаөзен қаласы №18орта мектеп мемлекеттік мекемесі.
Бастауыш сынып мұғалімі Шаханова Гульмира Узакбаевна.
Сабақтың тақырыбы: Гг дыбысы мен әрпі.
Мақсаты: Гг дыбысы және оның әріп таңбасымен таныстыру. Сөздік қорын молайту.Аталған дыбыстар сөздің қай буынында кездесетінін білдіру.Ойын ойнату арқылы ойлау қабілеттерін дамыту.Сөзге дыбыстық талдау жасату.Жазуға қолын жаттықтыру.
Әдіс-тәсілі:түсіндіру,көрнекілік,сұрақ-жауап
Көрнекілігі: Интерактивті тақта,текшелер,кеспе әріптер,әліппе дәптер
Оқу іс-әрекетінің барысы:
I Ұйымдастыру кезеңі.
1.Оқушылармен амандасу,түгендеу
2.Балалар шаттық шеңберіне тұрып,бір-бірлеріне жылы лебіздерін білдіреді.
3.Қайталау.
-Дыбыстар нешеге бөлінеді?Қандай?
-Өткен дыбыстарды және Ү дыбысын қайталау.
-Буындар:кү,кү,тү,тү т.б
Үй,үйшік,үйрек,үймек сөздерін тақтаға кеспе әріптермен жазғызу.
II.Жаңа сабақ.
- Балалар қазір жылдың қай мезгілі? -Көктемде қандай өзгерістер болады? -Енді мына бір өлеңге құлақ түріңдерші.
«Гүлдер,гүлдер,көп гүлдер, Қызыл гүлдер,көк гүлдер» өлеңде не туралы айтылған? -Гүлдер. –Гүл сөзінің басында қандай дыбыс естіп отырмыз? --Бірге айтайық. Г-г-г –Өте жақсы.Енді г дыбысы дауысты дыбыспа,дауыссыз дыбыспа? -Сондықтан г дыбысы-дауыссыз дыбыс.Көк текшемен белгілейміз. Тағы да қандай сөздерде г дыбысы бар?Назар салып тыңдайық.(газ,кереге,гүл,көгершін.)
2.Дәптермен жұмыс.
Гитара,егін,кереге сөздеріне дыбыстық талдау жасатып г дыбысының орнын ажыратқызу.Дәптердегі буындарды, сөздерді,сөйлемдерді оқыту. Г әрпін ауада және тақтада жазып көрсету. Дәптерге үлгі бойынша г дыбысының кіші және бас әрпін жазу. Сөзжұмбақ шешкізу. Ай+нұр,Гүл+сім,Ай+гүл.
3. «Кім зейінді?»дидактикалық ойыны.Шарты: Педагог тақтаға г дыбысы бар суреттерді іліп, «Қай суретте аталған г дыбысы кездеседі?»-деп сұрайды.Балалар да г дыбысы қай сөзде бар екенін анықтайды.Г дыбысын кім бұрын атаса,сол жеңімпаз аталады.
Гүл,көгершін сөздерінде г дыбысы сөздің қай жерінде кездесіп тұрғанын анықтату.
4.Г дыбысы кездесетін сөздерге мысалдар келтіру және дыбыстық талдау жасау.Мысалы:гүл,галстук,көгершін,т.б.
5. «Адасқан әріптер»дидактикалық ойыны.Ойынның шарты:Тактаға кейбір әріптерінің ооындары ауысып кеткен сөздер жазылған қағаздар ілінеді.Балалар «адасқан әріптерді» орындарына қойып,сөздерді оқиды.Мысалы:лүг-гүл,ешег-шеге,егні-егін,т.б.
III Қорытынды бөлім.
Жұмбақ жасыру.
Қатар-қатар түйме
Басса салар күйге.(Гармонь)
Мінезін оның түсінгем,
Ашуы тамақ пісірген.(Газ)
-Сонымен бүгін біз қандай дыбыспен таныстық?
-Г дыбысы қандай дыбыс?
-Қандай текшемен белгіледік?
-Яғни г дыбысы қандай дыбыс екен?
-Дұрыс айтасыңдар.(сабақта жақсы қатысып,белсенділік танытқан балаларға жұлдызша беріп мадақтау).Сонымен балалар бүгінгі ашық сабағымыз аяқталды.
