Ойыншықтар - Нұрсұлтан Әлімқұлов
Бұл материалда балаларға арналған «Ойыншықтар» тақырыбындағы өлең жаттау арқылы оқу іс-әрекетін ұйымдастырудың тиімді жолдары қарастырылған. Өлеңді оқу барысында балалар ойыншықтардың түрлерімен танысады, олардың әрқайсысының ерекшеліктерін біледі. Бұл әдіс арқылы балалардың сөздік қоры артып, тіл дамытуға қолдау көрсетіледі.
Өлеңнің мазмұнына негізделген іс-әрекеттер балалардың белсенді қатысуымен өтеді. Дәлелдеп талаптану кезеңінде балалар өлеңді көңілді ырғақпен тыңдай отырып, өздеріне таныс ойыншықтардың атауларын меңгереді. Бұл кезеңде балалардың ойыншықтарға деген қарым-қатынасы қалыптасады, оларды күтіп ұстау мәдениеті жайында түсінік қалыптасады.
Тәрбиеші балалармен бірлесе жұмбақтар шешіп, ойыншықтар туралы әңгімелеседі. Сергіту сәттері мен сұрақ-жауап арқылы балалардың назарын аударып, белсенділігін арттыруға жағдай жасалады. Ойын түрінде ұйымдастырылған жұмыстар олардың қызығушылығын оятып, білім алуға деген ынтасын арттырады.
Рефлексия кезеңінде балалар «Ойыншықтар әлеміне саяхат» ойыны арқылы алған білімдерін бекітеді. Ойын түріндегі әдіс-тәсілдер балалардың шығармашылық қабілеттерін дамытуға, бір-бірімен қарым-қатынастарын нығайтуға мүмкіндік береді. Нәтижесінде, балалар ойыншықтар туралы өз ойларын, армандарын және қиялдарын ортаға салып, білімдерін тереңдетеді.
Ұйымдастырылған оқу іс-әрекетінің
технологиялық картасы
Білім беру саласы: «Қатынас»
Кіші сала: Көркем әдебиет.
Тақырыбы: «Ойыншықтар» Нұрсұлтан Әлімқұлов
Мақсаты: Өлең мәтінін түсініп, жатқа айта білуге үйрету. Ойыншықтардың түрлерін ажырата білуге баулу. Ой-өрісін дамытып, ойыншықтарды күтіп ұстауға тәрбиелеу.
Көрнекіліктер: хрестоматия, ойыншықтар, жұмыс дәптері.
| Іс-әрекет кезеңі | Тәрбиешінің іс-әрекеті | Балалардың іс-әрекеті |
| Дәлелдеп талаптану | Кел, балалар, күлейік, Күлкіменен түлейік. Күлкі көңіл ашады, Күліп өмір сүрейік. | Қймыл арқылы жасайды. |
| Ұйымдастырушылық ізденіс | Оқу-іс әрекеті жұмбақ жасырудан басталады. Шіркіннің өзіне обал-ақ, Жүреді аяқта домалап.
Аяғы бар, жүрмейді, Аузы бар күлмейді. Айнымайды бөпемнен, Тек сөйлеуді білмейді. -Балалар, доп, қуыршақты біз бір сөзбен не дейміз? -Біздің бөлмемізде қандай ойыншықтар бар? -Ендеше Нұрсұлтан Әлімқұловтың «Ойыншықтар» өлеңімен танысып, жаттаймыз. Өлеңді мәнерлеп оқу. «Ойыншықтар» Біздерде бар қуыршақ, Бұзау, қозы, құлыншақ. Ойыншықтар тыңдайды Ақыл айтсақ, бұйырсақ, Қуыршақтар ұйықтайды, Айтқаныңнан шықпайды. Бұзау, қозы, құлыншақ «Ұйықта» десең, ұқпайды. Тыңдамайды ұрысса, Осылары дұрыс па? Тентектігін қоймаса, Тұрғызармын бұрышқа. (Н.Әлімқұлов) Сергіту сәті: Биік болып өсеміз, Жапырақтай жайқалып. Шетімізден шеберміз, Біз тынығып аламыз, Әсем сурет саламыз. Сұрақ-жауап: -Балалар, өлең сендерге ұнады ма? -Өлеңде не туралы айтылған? -Ойыншықтармен қалай ойнау керек? Ойыншықтар неден жасалады? Өлеңді жаттау. Слайдпен жұмыс. |
-Доп.
-Қуыршақ.
-Ойыншықтар деп атаймыз.
Өлең жолдарын мұқият, зейін қойып тыңдайды. Мағынасын түсінеді.
Сергіту сәтін қимылмен орындайды.
-Ұнады.
-Ойыншықтар туралы. -Ұқыпты.
-Әр түрлі заттардан. |
| Рефлекстік түзету | Қорытындылау. Сюжетті-желілі ойын: «Ойыншықтар әлеміне саяхат» Мақтау, мадақтау, жұлдызшалар беру. |
Балалар қызықтап ойнайды. |
Күтілген нәтиже:
Ойыншықтардың түрлері туралы түсініктерінің болуы
Ойыншықтар туралы тақпақ, жұмбақ, суретке қарап әңгіме құрай білу Өлеңнің мазмұнын түсініп, жатқа айту қолдарынан келуі
