Технологиялық карта: Туған өлкені мекендейтін жабайы аңдар

Қызмет кезеңдері

                 Тәрбиеші қызметі

Балалардың қызметі

Мотивациялық-қозғаушылық

Шаттық шеңбері:
Армысың, нұрлы күн!
Армысың ашық аспан!
Армысың, жер-ана!
Армысыңдар, достарым!

Балалар мұғаліммен амандасады.
Шаттық шеңберін орындайды.

Ұйымдастырушылық-ізденістік

Біз Қазақстанның қай аймағында тұрамыз?
Дұрыс, Шығыс Қазақстанда. Ауылымыз Шығыс Қазақстанның Көкпекті ауданында орналасқан.
Көңілді музыка ойнайды. Бауырсақ кіреді.
Балалар, қараңдаршы. Мынау Бауырсақ қой. Есімізге түсірейікші ертегі қалай басталады?

Бауырсақ ата мен әжесінен қашып келе жатып, біздің өлкеміздің орманына жетіпті. Ертегі желісімен Бауырсақ алдымен кімді кезіктірді, балалар?
Дұрыс. Қоян.
Қоян кіреді.
-Бауырсақ, қайда барасың? Менің тапсырмамды орындасаң, мен сені жіберемін.
Бауырсақ: Балалар, маған тапсырманы орындауға көмектесіңдерші.
Ал, балалар, Бауырсаққа көмектесейік.
«Жануарларды топтастыру» д/о
Балалар, тақтадағы суреттерге назар аударайық. 1-сурет- орман,
2-сурет - үй маңы.
Алдарыңда жатқан жануарларды өз мекендеріне орналастыру арқылы оларды екі топқа бөлесіңдер. Ал қане, қай топ бірінші болады?

• Жарайсыңдар. Орманда, тауда, далада мекендейтін жануарлар қалай аталады? Үйде мекендейтін жануарлар ше?

• Дұрыс айтасыңдар. Жануарлар үй жануарлары мен жабайы жануарлар болып екіге бөлінеді. Сендер топтастырған жануарлардың бәрі де біздің өлкеде кездеседі.

Ауызша сипаттама беру.
Қоянның ұзын құлақтары бар. Ол жыл мезгіліне байланысты түсін өзгертетді, қыста ағарады, жазда сұр түсті болады.
Түлкі - сары немесе жирен түсті жабайы аң . Ол орманда мекендейді Түлкінің ұзын , өте әдемі құйрығы бар. Ол өте қу , айлакер болады .
Бұл - қасқыр . Қасқырдың түсі сұр , құйрығы ұзын, тісі өткір .
Елік – өте нәзік жануар, шөппен қоректенеді, далада мекендейді.
Аю – ірі қоңыр түсті жануар, жеміс-жидектерді, балды жеуді жақсы көреді. Қорбаң-қорбаң етіп жүреді.

• Ал, Қоян, қалай ойлайсың, балалар тапсырманы дұрыс орындады ма?

Қоян: -Жарайсыңдар, балалар.
Бауырсақ аман есен Қояннан құтылып ары кетті.Бір кезде қасқырдың дауысы естіледі.
– Балалар, ол ненің дауысы
Қасқыр шықты. Қасқыр: -Бауырсақ, менің тапсырмамды орындасаң, сені жемеймін.
Балалар, қасқыр да да Бауырсақты жібергісі келмейді. Оның тапсырмасын орындауға көмектесеміз бе?
Қасқыр үнемі аш жүргендіктен, оның тапсырмасы да тамаққа қатысты екен.
«Немен қоректенеді?» ойыны. тақтада бір жақта жануарлар, екінші жақта олар жейтін тағамдардың суреттері берілген. Сендерге оларды сәйкестендіру керек.
Қасқыр: - дұрыс орындадыңдар, балалар. Мен Бауырсақты жіберемін.
Балалар, Бауырсақ та, біз де шаршап қалдық. Орнымыздан тұрып жаттығу орындап, сергіп алайық.
Сергіту сәті.
Секірейік, секірейік,
Ұзын құлақ қоянша.
Шаршағанды басайық,
Сонда болар тамаша.
Бауырсақ Қасқырдан құтылғанына қуанып ары кетті. Балалар, ертегіде Бауырсақ енді кімді кезіктіреді?
Әрине, аюды. Содан кейін?
Дұрыс, түлкіні.
Аю мен түлкі кіреді.
Балалар, Аю мен Түлкінің тапсырмаларын топпен орындап, Бауырсаққа көмектесейік.
1-топ. Аюдың тапсырмасы.
«Жануарлар мен олардың төлдері»
Аю – қонжық
Қасқыр – бөлтірік
Қоян – көжек
Түлкі – мыршай, жаутаң
Елік – еңлік
Шеңбердің ішінде жануарлар суреттері жапсырылған (аю, түлкі, қасқыр, қоян, елік, кірпі, тиін). Әр берілген жануардың жанына төлінің суретін қыстырғыштармен қыстыру керек.
2-топ. Түлкінің тапсырмасын орындайды.
Қап, қараңдаршы, балалар, түлкі мұңайып отыр екен. Ай, ай, ай, түлкі өзінің керемет әдемі құйрығынан айырылып қалған екен. Біз оған көмектессек, бәлкім, ол Бауырсақты жемейтін шығар.
«Құйрық кімдікі?» ойыны.
Суреттегі жануарлардың қасына желіммен құйрықтарын жапсыру.

Тамаша, балалар, сендер Бауырсақты түлкіден құтқарып алдыңдар. Рахмет сендерге.
Енді ол аман-есен ата-әжесінен қайтар. Біз онымен қоштасайық.
Қош бол, Бауырсақ!
Бекіту. Сонымен біз Бауырсақпен бірге серуендеп келдік. Қандай жаунарлар кездестірдік?
–Дұрыс.

Балалар сұраққа жауап береді.


Бауырсақты әжесі пісіргеннен кейін терезеге суытып қояды, Бауырсақ қашып кетеді.


Қоян






Балалар
жануарлар суреттерін тақтаға орналастырады.

Жабайы
Үй жануарлары

Қасқырдың


Иә

Суреттерді маркермен сәйкестендіреді




Балалар орындарынан тұрып, жаттығуды орындайды.


Аю, түлкі






Шеңбердегі жануарлардың қасына төлдерін қыстырғышпен қыстырады





Суреттегі құйрықсыз жануарлардың құйрықтарын жабыстырады.


Қоштасады
Аю, қасқыр, қоян, елік, түлкі, тиін, кірпі

Рефлексивті-түзету

Балалар, сендер бүгін игі іс жасадыңдар. Бауырсаққа көмектесіп, оның аман алып қалдыңдар. Жарайсыңдар. Сендер өздерінді қалай бағалайсыңдар?

 Балалар өздерін «бас бармақ» тәсілімен бағалайды.