Киім түрлері және маусымдық белгілері
Бұл құжатта киім түрлері мен олардың маусымдық белгілері туралы оқу сабағының жоспары толығымен баяндалады. Сабақтың алғашқы кезеңінде оқушылар киімнің маңыздылығын және оның сәндегі рөлін түсінеді. Оқу барысы балалардың практикалық білімдерін дамытуға, олардың сөйлеу тілі мен ойлау қабілеттерін жетілдіруге бағдарланған.
Ата-бабаларымыздың киім мәдениеті және бүгінгі таңдағы киім үлгілері туралы ақпараттармен таныса отырып, оқушылар әр замандағы киімдердің айырмашылықтарын анықтауға мүмкіндік алады. Сонымен қатар, ер балалар мен қыз балалар киімдерінің ерекшеліктерін зерттеу арқылы ұлттық мәдениетіміздің көрінісін қалыптастырады. Сабақ барысында балалар киімнің маталарынан, түрлерінен, түстерінен хабардар болады.
Практикалық тапсырмалар, ойындар және дидактикалық материалдар сабақтың интерактивтілігін арттырады. Әр оқушының белсенді қатысуын қамтамасыз ету үшін топтық жұмыстар ұйымдастырылады. Оқушылар киімдерді қалыңдығына және маусымына байланысты топтастырып, талдап, оларға түсініктеме береді. Мұндай тапсырмалар балалардың логикалық ойлауын және есте сақтау қабілеттерін дамытуға бағытталған.
Сонымен қатар, сабақ барысында тәрбие элементтері ерекше орын алады. Оқушыларды тазалыққа, ұқыптылыққа тәрбиелеу, сондай-ақ, өз пікірін білдіруге деген мінез-құлықтарын дамыту – бұл сабақтың тәрбиелік мақсатын күшейтеді. Оқу кезеңі барысында киімнің әртүрлі стильдері мен түрлерімен танысу, оларды қалай дұрыс таңдау керектігін меңгеру арқылы балалар сән мен стилдің анықтаушы факторын түсінеді.
Айналадағы әлем.
Сабактың тақырыбы: Киім түрлері және маусымдық белгілері.
Сабақтың мақсаты: Оқушыларға киім туралы жалпы түсінік беру. Киімдердің маусымдық түрлерін ажырату.
Білімділігі: Оқушылардың киім түрлері және олардың маусымдық белгілерін ажырата білу туралы білімдерін толықтыру.
Дамытушылық: Оқушылардың сөздік қорын молайту, сөйлеу тілін дамыту, дидактикалық материалдарды пайдалана отырьш ойлау қабілетін дамыту. Танымдылық: Оқушыларды сюжетті рөлді ойын арқылы балалардың ой-өрісін кеңейту және игерген білімдерін бекіту.Ойша байланыстырып, есте сақтауын түзету, механикалық көру , сезіну арқылы есте сақтауды түзету.
Тәрбиелілік: Оқушыларды ұқыптылыққа, тазалыққа тәрбиелеу.
Сабактың түрі: Аралас сабақ.
Сабақтың әдіс-тәсілі: түсіндіру, сұрақ-жауап, жұмбақ шешу, көрсету, ойын. Сабақтың кернекілігі: Тақырыптық суреттер, кеспе әріптер, буклеттер, киім үлгілері.
Сабактың барысы:
I. Ұйымдастыру кезеңі
Оқушышардың сабаққа дайындығы.
Балалар, бүгін біздің айналадағы әлем сабағына көптеген конақтар келіп отыр.
Кәне, балалар бәріміз Шаттық шеңберге тұрып амандасайық.
Армысың, қайырымды аспан ата.
Армысың, мейірімді жер ана.
Армысың, бақ дәулетті жерім менің,
Армысың, асқар тауым, көлім менің.
Окушылардың назарын сабаққа аудару.
Балалар, мен сендерге жұмбақ жасырамын. Сендер мұқият тыңдап шешуін табыңдар.
Адамның сәні,
Онсыз жоқ мәні. Ол не?(Киім)
Жаңа сабақ.
Бүгінгі сабағымыз адамның сәнін келгірегін киімдердің түрлері және маусымдық белгілері туралы болмақ.
Кіріспе
1. Бұрын ата-бабамыз көшпелі халык болғандықтан, олар тек мал бағып, аң аулап тіршілік еткен. Олардың киімдері ерекше, өз заманына сай болған. Көшпелі ел халықтар басқа халықтарға ұқсамайтын киім үлгілері табиги ерекшелікгері мен көшпелі тіршілікке сәйкес қалыптасқан. Қазақы киімнің барша сымбаты мен ою-өрнегінде әрбір әшекейінде халқымыздың тарихының, ой дүниесінің кайталанбас көрінісі бар. Ол біздің ұлттық мәдениетіміз. Ал, балалар қазір заман өзгерген, көркейген, тәуелсіз ел болдық, заман өзгерісіне байланысты тұрмыс жағдайымыз жақсарды.
Сонымен қатар киімнің әр түрі пайда бола бастады. Мақтадан, матадан теріден т.б. заттардан жасалатын түрлері көп. Киімдерді қыз баланың және ұл баланың киімі деп бөлеміз. Себебі олардың киімдерінде өзіне тән ерекшеліктері болады.
- Балалар, канша жыл мезгілі бар?
- Киімдерді маусымдық белгілеріне байланысты киінуіміз керек.
Ал, біз оны қалай білеміз?
Қолымызбен ұстап оның калың-жұқа,түсін, өлшемін көру, сезіну арқылы білеміз.
Дидактикалық ойын: «Калыңнан жұқасына карай орналастыр»
Балаларға киімдердің үлгілері беріледі. Киімдерді қалыңынан жұқасына карай орналастыр.
Сергіту сәті (Санамақ )
Бір дегенім –бөрік ,
Бойға берер көрік.
Екі дегенім - етік,
Киер сәнді етіп.
Үш дегенім- ішік,
Теріден тігер пішіп.
Төрт дегенім- тымақ,
Қыста кисең жылы –ақ.
Бес дегенің – байпақ,
Өзі жылы тайпақ.
Сән үлгісін көрсету. (топпен жұмыс)
4 –топ. Әр мезгілге байлынсты бір оқушыны сәйкес киіндіреді.
Дәптермен жұмыс : Дәптермен жұмыс кезінде, әр топ өз мезгіліне байланысты киімді бастырып, бояйды.
Сабақты бекіту. «Бөліктерін тап» (Киімнің 4 қиынды бөліктерін құрастыру).
V.Бағалау. Мақтау, мадақтау.
