Көптілділік – көп мәдениеттіліктің негізі
Көптілділік – бұл бүгінгі білім беру жүйесінің ажырамас бөлігі. Ол оқушыларды бір емес, бірнеше тіл арқылы тәрбиелеп, олардың мәдениет пен дәстүрлерді тануын қамтамасыз етеді. Бұл процесс тек тіл үйренумен шектелмейді, сонымен қатар әр ұлттың өзіндік ерекшеліктерін түсініп, бағалауды да қамтиды.
Көптілді оқыту барысында мақсатымыз – балалардың ана тілінің байлығын ұғындыра отырып, оларды көршілес халықтардың тілі мен мәдениетімен таныстыру. Көптілді тұлғаны қалыптастыру – бұл бір-бірімен әрекеттесуші, түрлі мәдениеттерді қабылдаушы ұрпақ тәрбиелеу. Осы бағытта мұғалімдер балалармен жұмыс істегенде диалогтар құрастырып, ойындар арқылы тілдерін дамытуды көздейді.
Тіл үйрену барысына балаларды қызықтыру үшін әртүрлі дидактикалық ойындар мен әдіс-тәсілдер қолданамыз. Мысалы, күнделікті ағылшын тілінде амандасулар, ойындар арқылы лексиканы меңгеру, тақырыптық әңгімелесулер жүргізу сияқты тәсілдерді енгіземіз. Бұл балаларға тиімді әрі қызықты оқу процесін қамтамасыз етеді.
Сонымен қатар, балалар мен ата-аналар арасындағы қарым-қатынас та тіл үйренудің маңызды бөлігін құрайды. Балалар ата-аналарымен ағылшын тілінде сөйлесіп, тілдерін шыңдай алады. Осылайша, білім беру үрдісінде түрлі тәсілдер мен әдістерді қолдана отырып, балалардың танымдық қабілетін дамытуға ықпал етеміз.
Біз өз тәжірибемізде топтық жұмыс түрін қолдануға баса көңіл бөлеміз, өйткені бұл балалардың өзара әрекеттесуіне, сонымен бірге тіл практикаларын жетілдіруге көмектеседі. Өзге балалармен бірге жұмыс атқара отырып, олар бір-бірімен қалай сөйлеу керек, қалай диалог құрастыру керек екенін үйренеді, ал жемісті нәтижені алуға мүмкіндік туады.
