Екінші кішілер тобына арналған жаңа жылдық ертеңгілік сценариі
Жаңа жыл – балалар үшін ең қуанышты мерекелердің бірі. Бұл күні барлық бала өздерінің ерекше сиқырын сезінеді, бұл сиқырлы сәттер оларды бақытқа кенелтеді. «Екінші кішілер тобына арналған жаңа жылдық ертеңгілік сценариі» - балалармен бірге өткізілетін мерекелік бағдарлама, оның барысында ойындар, би, әндер, және, әрине, Аяз атаға көмек көрсету – бәрі де қамтылады.
Сценарийдің ең басты элементі – мерекеге дайындық. Балаусаның бишілері сахнаға шығып, «Ұлпа қарлар» биімен мерекелік жарықты наурыздық жолдастарына үйретеді. Балалар Аяз атаның мұңды халін сезініп, оған көмектесу туралы шешім қабылдайды. Олар Екінші кішілер тобының балаларының сәлемі мен мейірімін жеткізу мақсатында мерекенің барлық мүшелерімен бірлеседі.
Содан кейін, жүргізуші барлық балаларды ән айтуға шақырып, Аяз атамен байланысты жұмбақтарды шешуге дайындалады. Балалардың ұйымшылдығы мен шыдамдылығы, сондай-ақ командалық рухы оларды біртұтас етуге көмектеседі. Соңында, Аяз ата мен Аққала балаларды тамаша сыйлықтармен қуантады, ал сиқырлы теледидардан Мыстан бикештің сиқырлы әрекеттерін көрсету арқылы, балалардың көңіл-күйі шыршаның шамдары сияқты жарқырай түседі!
Екінші кішілер тобына арналған жаңа жылдық
ертеңгілік сценариі.
(Зал іші жаңа жыл тақырыбына сай безендірілген, жүргізуші көрермендер алдына шығып құттықтау сөз айтады.)
Жүргізушілер: топтың тәрбиешілері ( Алуа ханшайым, Шырша)
Жүргізуші:
Қағып тұр Жаңа жыл кеп есігіңді,
Болмайды той – думанның кеші мұңды.
Мерекені бастауға келіп тұрған,
Қарсы алайық Балаусаның бишілерін.
Алдарыңызда, «Балауса» тобының қыздары «Ұлпа қарлар» биімен. Қошеметтеп қарсы алайық!
«Ұлпа қарлар» биі
(Айлана, Айару,Дина, Інжу,Аяжан, Адия)
(Қыздар бидің соңында екі жаққа ашылып тұра қалады, сол кезде қалған балалар қол ұстасып кіреді, қыздардың орталарынан өтеді, көрермендерге бастарын иеді де, екі жаққа бөлініп отырады)
Жүргізуші:
Құрметті балалар, қонақтар, мерекемізге біреу жетіспей тұрған сияқты. Кім деп ойлайсыздар?
Балалардың жауабы.
Аяз ата!
Жүргізуші:
Дұрыс айтасыңдар! Аяз ата мерекеге кешігіп жатыр. Мүмкін бізді таба алмай жүрген шығар. Бір әдемі ән айтайықшы, мүмкін естіп, бізді тез тауып алар. Ендеше , Інжу қызымыздың әсем әнін қабыл алыңыздар.
«Ахау, Жаңа жыл» әні
(Әннен соң балалар отырады)
Жүргізуші:
(Сиқырлы сыңғыр естіліп, жоғары жақтан бір ұлпа қар ұшып түседі)
Бұл не қылған үлкен ұлпа қар! Басқа ұлпа қарларға ұқсамайды, өзі ерекше екен. Ой, балалар, бұл жай ғана ұлпа қар емес екен. Бұл Аяз атаның хаты! Қазір хатты оқып жіберейін.
Хатта:
Құрметті балалар, мені зұлым Мыстан сиқырлап, қатырып тастады. Мыстанды көрсеңдер көзіне қарамаңдар. Маған сендердің көмектерің қажет. Сендер әндеріңді қатты , тақпақтарыңды ұялмай айтсаңдар, билеріңді әдемі билесеңдер, мен қайтадан өз қалпыма түсемін. Сендерге міндетті түрде келемін, кө-ө-өп сыйлықтарымды әкелемін.
Жүргізуші:
Балалар, Аяз атаға көмектесеміз бе?
Балалар:
Иә!
Жүргізуші:
Ендеше , балаларымыздың Жаңа жыл мерекесіне арнап жаттаған өлең жолдарын (тақпақтарын) қабыл алыңыздар!
Тақпақтар.
Дина:
Жаңа жылым мол болсын,
Басқан қадам оң болсын.
Төрлет, төрлет жаңа жыл,
Бізге құтты жыл болсын!
Айсұлтан:
Жапалақтап ақша қар,
Жауды күнде қайталап.
Қырға шықты балалар,
Шаналарын арқалап.
Айару:
Аппақ тонға оранып,
Базарлықты ол алып.
Келді алыс сапардан,
Аяз ата оралып.
Қ. Темірлан :
Қалып едік сағынып,
Күтіп алдық жабылып.
Жолын қойдық жарық қып,
Шыршаларға шам іліп.
Аяжан:
Әдемілеп біз ілген,
Ойыншықтары тізілген.
Қандай әсем шыршамыз,
Ән шырқайық баршамыз.
Ілияс :
Ақ қырауға оранған,
Сақалы да, мұрты да.
Аяз ата сағынған,
Сәлем берді жұртына.
Қайсар:
Тамаша, тамаша,
Шыршамыз тұр жараса.
Басында әсем жұлдыз,
Көз тоймайды қараса.
Сықырлаған дыбыс естіледі. Шанаға Аяз атаның қатып қалған фигурасын салып алып, Қоян кіреді. (Аяз ата ПВХ-дан жасалынған)
Қоян: (Гульнура 5 топ)
Балалар, қараңдаршы. Мен Аяз атаны тауып алдым. Амандассам амандаспайды. Өзі мүлде қозғалмайды. Аяз ата ауырып қалған ба? Сендер көмектесе аласыңдар ма?
Жүргізуші:
Қоян, Аяз атаны зұлым Мыстан сиқырлап тастаған. Сен барып барлық ормандағы аңдарға айтып, Мыстан бикешті тауып әкеліңдер!
(Қоян келісіп, секіріп – секіріп шығып кетеді)
Ой, ой, ой, ой, ой...
Аяз атаны құтқаруымыз керек. Мүмкін біз бір би билеп берсек Аяз ата қалпына келетін шығар.
«Көңілді аңдар» биі.
(Егінбаев Алдияр- Айғаным, Нұрали – Аружан, Ерболұлы Алдияр-Адия, Ахметхан – Дина, Жанатбек Әділ – Әдемі)
Жүргізуші:
Аяз ата біраз жымиған сияқты. Ойын ойнасақ қайтеді Алуа ханшайым? Мүмкін сонда Аяз ата қалпына келер?
Алуа ханшайым:
Ойнайық! Мен бір қызық ойын білемін. Бұл ойын «Жаңа жылдық костюм» деп аталады. МағанС. Мирас, А. Мирас, А. Темірлан,
М. Әділ, Еркеназ, Арсен, Аружан келсін.
«Жаңа жылдық костюм» ойыны (бетперделермен)
Алуа ханшайым:
Рахмет балалар! Жақсы ойнадыңдар! Бірақ Аяз атамыз тек саусақтарын ғана қозғалтты ғой. Ақмарал Темірбековна, мүмкін тағы тақпақ айтып берсек пе екен.
Жүргізуші (Шырша костюмында):
Айтып көрейік, келесі кезекті балаларымызды Аяз атаға арнап жаттап келген орыс және ағылшын тілдеріндегі тақпақтарды қабыл алыңыздар.
Балалардың үш тілдегі тақпақтары.
Алдияр Е.:
Снег идет, снег идет,
Значит скоро Новый Год.
Дед Мороз к нам придет,
Всем подарки принесет.
Заңғар:
Скоро, скоро Новый Год!
Он торопится, идет!
Постучится в двери к нам:
Дети, здравствуйте, я к вам!
Қуаныш:
Snow on the ground,
Snow on the tree.
Snow on the house,
Snow on me!
Інжу:
Crunch , crunch, crunch, crunch,
Up the hill we go.
Sliding, sliding, sliding, sliding,
Down the hill we go.
Әдемі:
Winter hat,
Upon my head.
My head stays warm,
But, my nose is red.
Адель:
Елочка, елочка,
Зеленая иголочка.
Шарики блестят.
Огоньки горят.
Адия :
Елочка, елочка,
Яркие огни!
Бусами, бусами,
Елочка звени!
Ж. Мансұр:
Наша елка высока,
Наша елка велика,
Выше мамы, выше папы,
Достает до потолка!
С. Мансұр:
К нам на елку — ой-ой-ой!
Дед Мороз идет живой.
— Ну и дедушка Мороз!..
Что за щеки, что за нос!
Борода-то, борода!..
А на шапке-то звезда!
Ж. Әділ :
Құтты болсын жаңа жыл!
Жаңа бақыт, жаңа нұр.
Тілеймін мен бар әлемге ,
Құт – берекені!
Алуа ханшайым:
Аяз атамыз қалпына келмей қойды ғой. Не істесек екен? Мен уайымдай бастадым.
Шырша:
Уайымдамаңдар! Мен бірдеңе ойлап тапқан сияқтымын. Бізге ата – аналардың көмегі керек болады. Қазір біз мамаларымыз бен папаларымызбен «Аққала» ойынын ойнаймыз. Бұл жасалынған Аққалалар ата – аналардың ыстық ықыласынан, мейірімінен сиқырланып Мыстан бикешті тез тауып әкеледі.
«Сиқырлы Аққалалар» ойыны (ата – аналармен ойналатын ойын)
(Сиқырлы сыңғыр естіліп тағы бір ұлпақар түседі)
Шырша:
Балалар, қараңдар тағы бір ұлпақар. Не деп жазылған екен?
Хатта:
Жарайсыңдар балалар! Аққалалардың бірі Мыстан бикешті тауып алды. Аю да Аққалаға көмектесіп қазір Мыстанды осында әкеле жатыр. Оны сиқырлы теледидардан көрулеріңе болады.
Видео көрсетіледі.
(Видеода Аяз атаның сиқырлы таяғын ұстап қашып жүрген Мыстанды көреді, артынан Аю мен Аққала қуып ұстап алып , үстіне сиқырлы мата жауып әкеле жатқанын көрсетеді).
Алуа ханшайым:
Балалар, Аяз атаға көмектесе алатын болдық. Бағанадан Аяз ата біздің тақпақтарымызды, әндерімізді, билерімізді көріп, естіп, тамашалап тұр.
Шырша :
Жаңа жылдың келуін қатты күтіп,
Келіп тұр уақыт шіркін алып ұшып.
Тық – тық етіп билеуге асығып тұр,
Қарсы алайық бишілерді құшақ ашып.
Алдарыңызда «Сағаттар» биімен «Балауса» тобының бишілері.
Биден соң Аққала мен Аю Мыстанды жетектеп кіреді. Беті жабық.
Мыстан бикеш: (негізі Аяз ата)
(Жылайды, кешірім сұрайды)
Кешіріңдерші мені балалар! Енді Аяз атаны да , сендерді де ренжітпеймін. Мен сиқырымды қайтарамын , Аяз атаны Аю орманға апарсын, Аққала мені 3 рет айналдырсын. Ал сендер 3 рет Машаның сиқырлы сөздерін айтыңдар да менің бетімді ашыңдар.
(Аю шананы сүйретіп есіктен шығады, Аққала Мыстанды айналдырады, барлығы : «Фокус- мокус тру –ля-ля!» деп 3 рет айтып матаны ашып қалса Аяз атаның өзі тұр )
Аяз ата:
Керіліп – созылады, жан-жағына қарап амандасады.
Армысыңдар, ұлдарым!
Армысыңдар, қыздарым!
Алып келдім өзіммен,
Қыстың суық ызғарын.
Қапшық толы сыйлығым,
Балаларға арнаған.
Көрсетіңдер өнерді,
Бақшадағы бар бала.
Өнерден қуат алсам,
Сиқыр жасап , таңғалдырам!
Алуа ханшайым:
Аяз ата, шыршаның шамдарын жағайық!!!
Аяз ата:
Ой, мүлдем ұмытып кетіппін ғой.
Қуант бізді, таңырқат
Шамдарыңды жарқырат!!! (3 рет айтқан соң шамдары жанады)
Алуа ханшайым:
Ендеше не тұрыс? Ән айтайық, би билейік. Орыс тіліндегі әніміз «Праздничный хоровод» әнін айтып, Аяз атамызды ортаға алып , шыршаны айнала әндетейік.
«Праздничный хоровод» әні
(Ән айтып болған соң, балалар шеңберде қала береді)
Шырша :
Балалар, Аяз атамыз бағанадан бері қозғалмастан қатып тұр ғой. Ендеше Аяз атамызды да ойнатайық. (күліп, Аяз атаның қолғабын көрсетеді)
«Аяз атаның қолғабы» ойыны.
(Ойыннан кейін балалар орындарына жайғасады)
Аяз ата:
Ризамын! Балалалар, өте өнерлі екенсіңдер! Әнді де тамаша айттыңдар, биді де керемет биледіңдер, ойынды да жақсы ойнадық. Мені де құтқардыңдар! Енді сыйлық беретін кез келді. (таяғын тарсылдатады)
Таяғымның сиқыры азайып қалыпты ғой. Маған бұл жолы ата – аналар көмектессін. Ортаға шығып би билесін! Сонда таяғымның сиқыры көбейіп, сиқыр жасаймын.
Ата – аналармен «Флешмоб» (жаңа жылдық әндерге)
Биден соң барлығы отырады .
Аяз ата:
Балалар, тағы бір ән айтсақ қайтеді ?
«Шыршаға бардық» әні
Әннің соңында залға үлкен , томпиған, әдемі, жалт – жұлт еткен дорба кіріп, әуенмен қалтасынан сыйлықтар алып шығып, тарата бастайды.
