Ұзын құлақ қоян
Бұл материалда Ақтөбе қаласы № 33 "Нұрсәт" мектепке дейінгі білім орталығының тәрбиешісі Аминова Гүлбаршын Токтарбаевна жүргізетін "Ұзын құлақ қоян" атты ұйымдастырылған оқу қызметінің жоспары ұсынылған. Оқу қызметінің мақсаты - балалардың қоршаған орта туралы түсініктерін кеңейтіп, қоянның ерекшеліктері мен оны қорғау қажеттілігіне назар аудару. Сонымен қатар, мақталы дискпен жұмыс жасау арқылы шығармашылық қабілеттерін дамыту көзделген.
Оқу сағатында балалар дыбыстық жаттығулар арқылы тілдерін дамытады, сауатты әрі анық сөйлеу дағдыларын қалыптастырады. Шаттық шеңберінде позитивті энергиямен бөлісіп, бір-біріне жақсылық тілеп, онда балалардың коммуникативтік дағдыларын қалыптастыруға ерекше көңіл бөлінеді.
Кейін, балаларға ертегі оқылып, қоянның басынан кешкен қызықты оқиғасын сахналау арқылы фантазияларын дамытуға мүмкіндік берілмек. Ертегі барысында балалар қоянның мекендеу ортасымен, азық-түлігімен, оның табиғаттағы орны мен ерекшеліктері туралы сұрақтар мен жауаптар арқылы білімдерін тереңдетеді.
Сондай-ақ, оқу қызметінде балалар қоянды жапсыру сабақтарында әрекет етіп, шығармашылық қабілеттерін жаңа қырынан ашып, қарындаш, желім, мақта секілді құралдарды пайдалана отырып, қолөнер жұмыстарын жасайды. Бұл әрекеттер олардың ұсақ моторикасын және шығармашылық ойлау қабілетін дамытуға көмектесу арқылы толықтыруды көздейді.
Қорытынды бөлімінде балалар өздерінің жасаған жұмыстарын қоянға сыйлап, өздеріне ұнаған ойындарды ойнау мүмкіндігіне ие болады. Бұл тәрбие сағатында қозғалыспен қатар, балалардың қуаныштары мен бақытты сәттері айқын көрінеді. Сайып келгенде, «Ұзын құлақ қоян» тақырыбы балалардың шығармашылық дағдыларын, қоршаған ортаға деген қызығушылықтарын әрі тілдерін дамытуға бағытталған тамаша оқу қызметі болып табылады.
Аминова Гүлбаршын Токтарбаевна
Ақтөбе қаласы
№33 "Нұрсәт" мектепке дейінгі білім орталығы
Тақырыбы: "Ұзын құлақ қоян"
Мақсаты: Қоршаған орта туралы түсініктерін кеңейтіп, қоянның ерекшеліктеріне тоқталу; мақталы дискімен жұмыс жасау машығын дамыту; ойын ойнау барысында тілдік
қорларын дамыту; жануарларға деген қамқорлыққа, шебелікпен жұмыс жасауға
тәрбиелеу.
Білім беру саласы: "Шығармашылық", "Коммуникация"
Бөлімі: "Жапсыру"
Әдіс-тәсілдер: түсіндіру, көрсету, әңгімелеу, сұрақ-жауап, ТРИЗ технологиясы
Қажетті құралдар: Қоянның суреті, мақталы диск, желім, қылқалам, сулық.
Ұйымдастырылған оқу қызметінің барысы:
І.Шаттық шеңбері:
-Алақанды ашайық,
Күннің нұрын салайық.
Таза ауадан салайық,
Достық мейірімін салайық,
Татулықты салайық,
Осы жақсы лебіздерді,
Бір-бірімізге сыйлайық.
ІІ. Ұйымдастыру:
Бүгін біздің ұйымдастырылған оқу қызметіміз ерекше болмақ. Сіздер жақсы, анық әрі таза сөйлеу үшін дыбыстық жаттығуларды орындап жіберейік.
Са-са-са- ызыңдайды маса,
Ян-ян-ян- секіреді қоян,
Ма-ма-ма- мынау тәтті алма,
Яз-яз-яз- көзді ашытады пияз,
Жу-жу-жу- беті-қолыңды жу,
Ла-ла-ла- мен жақсы бала!
ІІІ.Ғажайып сәт:
Есік қағылып, ішке қоян кіреді. Қоян мұңайып:
-Мен орман ішін аралап жүргенде, көжектеріме алған сыйлықтарымды жоғалтып алдым. енді не істесім екен?
-Қоянжан, сен мұңайма. Балалар сенің сыйлығыңды жасап беруге көмектеседі. Көмектесеміз бе, балалар?
-Иә, көмектесеміз.
-Көжек ненің баласы?
-Көжек- қоянның баласы. Қоян-көжек.
-Қоян қайда мекендейді?
-Қоян орманда мекендейді.
-Ол не жегенді ұнатады?
-Қоян сәбіз жегенді ұнатады.
-Қоянның түсі қандай болады?
-Ақ, сұр, қара болады.
Билингвальды компонент: Қоян-заяц.
-Жарайсыңдар. Жұмысымызды бастамас бұрыс, "Ұзын құлақ қоян" атты ертегіге назар аударайық.
(Қоян ертегіні сахналайды)
-Балалар, ертегі ұнады ма? Қоянның құлағы неге ұзарып кеткен екен?
-Міне, осы сәттен кейін қоян-ұзын құлақ қоян деп аталған екен.
І V. Жаңа тақырып:
-Қоян қандай бөліктерден тұрады?
-Басы, денесі, аяқ-қолы, құлағы, құйрығы болады.
-Қазір біз, мақталы дискіден қоянды жапсырамыз. Ең алдымен қоянның басын жабыстырамыз.
(Интерактивті тақтадан қоянның жабыстыру жолы көрсетіледі. Және де, желіммен жұмыс жасау кезіндегі қауіпсіздік ережесі еске түсіріледі.)
V. Саусақ жаттығуы:
"Жаңбыр"
Бұлт қабағын түйіп ап,
Бүркеп алды аспанды.
Тырс-тырс-тырс-тырсылдап,
Жаңбыр жауа бастады.
VІ. Сергіту сәті:
Бармақ болып орманға,
Сұр көжек жуынды,
Басын жуды,
Көзін жуды,
Мұрнын жуды,
Құлағын жуды,
Аузын жуды,
Тісін жуды,
Қолын жуды,
Құйрығын жуды,
Сілкінді, сүртінді,
Тап-таза боп бір тынды.
VІІ. Қорытынды:
-Балалар, сендер не жасадыңдар? Осы жасаған жұмыстарыңды қоянға тапсырайық.
-Қоянжан, балалардың жасаған сыйлығы сізге ұнады ма?
-Әрине, маған қатты ұнады. Рахмет сендерге, балалар. Мен сендермен ойын ойнағым келім тұр. Менің ормандағы достарым өздерінің сүйікті астарын таба алмай жүр. Достарыма көмектесіңдерші?
VІІІ. Дидактикалық ойын: "Жануарлардың азағын тап!"
Мысалы: қоян-сәбіз, аю-бал т.б.
ІХ.Мадақтау:
-Балалар, өте жақсы жұмыс жасадыңдар. Рахмет сендерге!
