Жолда жүру ережесін сақтайық: ұйымдастырылған оқу іс-әрекетінің технологиялық картасы

Ұйымдастырылған оқу іс -әрекетінің технологиялық картасы

Күні: 08.02.17ж
Білім беру саласы: Таным.
Ұйымдастырылған іс-әрекет түрі: Қоршаған ортамен таныстыру.
Тақырыбы: «Жолда жүру ережесін сақтайық»
Мақсаты: Бағдаршам және жолда жүру ережелері туралы түсініктерін одан әрі кеңейту. Жаяу жүргіншілер жолы, жол жиегіндегі жол (тротуар), жол қиылысы медициналық көмек пункті белгілерімен таныстыру. Көлік ішінде басқаларға кедергі жасамай тәртіп сақтауға тәрбиелеу.
Көрнекіліктер: Телефон, дәрігерлік көмек көрсету пунктінің, автобус аялдамасының белгілері, үйлердің макеті, бағдаршам.
Қажетті құрал-жабдықтар: жұмыс дәптері, түрлі түсті қарындаштар.
Әдіс-тәсілдері: сөздік, көрнекілік, ойын, практикалық.
Қостілділік компонент/билингвальный/: светофор- бағдаршам.

Педагогтың іс-әрекеті

Балалардың іс-әрекеті

Мотивациялық-қозғаушылық

Шаттық шеңберіне тұрғызу.

Балалар шаттық шеңберін құрып, өздеріне таныс өлең жолдарын айтады.

Ұйымдастырушылық -ізденістік

Жұмбақ жасырады.
Сөйлеуді ол білмейді,
Бірақ тоқта, жүр дейді

• Бұл не екен балалар?

• Балалар, қалай ойлайсыңдар, бағдаршам не үшін керек?

• Бағдаршамның неше көзі бар? Қандай?

• Бағдаршамның көздерінің қызметін айтып беріңдерші. Қандай көзі жанғанда тоқтаймыз?

• Жарайсыңдар, балалар, бағдаршам туралы біледі екенсіңдер, енді жол белгілері туралы әңгімелесеміз.

• Сендер таңертең балабақшаға келгенде немесе ата-аналарыңмен қыдырып жүргенде қандай жолмен жүресіңдер?

• Неліктен жол жиегіндегі жолмен жүреміз?

• Қазір біз қаланы аралауға барамыз.

Қаланы біз жаяу аралаймыз. Бәрің менің қасыма келіңдер, абайлап ақырын жүріңдер. (ойын алаңына келеді, онда машина түрлері, жаяу жүргінші жолмен машиналарға арналған жол, бағдаршам, жол белгілері, дүкен, кітапхана, мектеп, емхана, асхана орналасқан көрініс жасалған).

• Балалар, мына жолдың арғы бетіне өту үшін не істейміз?

• Дұрыс айтасыңдар, кәне, бағдаршамға қараймыз, бағдаршамның қандай көзі жанып тұр? Не істейміз?

• Ал мына жерде бағдаршам жоқ екен. Бірақ мына бір белгі тұр, бұл белгі нені білдіреді екен?

• Жаяу жүргіншілерге арналған белгі екендігін қайдан білдіңдер?

• Енді мына белгілерге қараңдаршы, мынау ненің суреті?

• Егер телефонның суреті салынған белгі болса, ол нені білдіреді? Егер балалар жауап бере алмаса, педагог түсіндіреді.

• Ал мынау – медициналық көмек пунктінің белгісі. Демек жақын маңда медициналық көмек пункті бар деген сөз.

• Мына суретте не бейнеленген?

• Дұрыс айтасыңдар. Автобустың суреті салынған белгіні көрсеңдер, ол «Автобус тоқтайтын аялдама бар» дегенді білдіреді екен.

Педагог сұрақтар қоя отырып, балаларға жол белгілері, жол қиылысы, көлік жолы, жаяу жүргіншілер жолы туралы ақпарат береді. Сонымен қатар, жолдан ата-аналардың көмегімен өту керектігін, жаяу адамның көлікті аялдамада күтетінін, көлік ішінде басқаларға кедергі жасамай, тәртіп сақтау керектігін түсіндіреді.

• Қайтатын уақыт та келді. Кәне, балабақшамызға оралайық.

Педагог балаларды екі орталыққа бөледі.
Бірінші орталықтағы балаларға өздеріне бұрыннан таныс бағдаршамның суретін салуды, ал екінші орталықтағы балаларға бірнеше бөлікке бөлінген сурет қиындыларынан жол белгілерін құрастыруды тапсырады.
Педагог біріншіорталықтағы балаларға тапсырманы түсіндіреді.

Бағдаршам.

• Машиналар бір-бірімен соқтығысып қалмас үшін.

• Адамдардың жолдан өту үшін.

• Бағдаршамның үш көзі бар. Олар қызыл, сары, жасыл

• Бағдаршамның қызыл көзі жанса тоқтаймыз, сары көзі жанса дайындаламыз, жасыл көзі жанғанда жүреміз.

Жол жиегіндегі жолмен жүреміз.

• Машиналарға кедергі жасамас үшін.

• Балалар алдын ала дайындаған ойын алаңына келеді.

Таңырқап қарап қуанады. 4-5 бала машинаға отырып, жүргізуші болады, қалғандары жаяу жүргінші рөлін атқарады.

• Бағдаршамға қараймыз.

Жасыл көзі жанды, біз жүреміз, ал машиналар тоқтайды.

Бұл белгі жаяу
жүргіншілерге
арналған белгі.
Бізге жүре беруге
Болады.
Ақ сызықтар және адамның белгісі тұр. Жолдың үстіне де ақ жолақтар жүргізілген.
Телефонның суреті

Автобус

Топқа келеді.

Бірінші орталықтағы балалар бағдаршамның суретін салады. Екінші орталықтағы балалар бірнеше бөлікке бөлінген қиындылардан жаяу жүргінші жолы, медициналық көмек пункті, аялдама тағы да басқа жол белгілерін құрастырып, құрастырған жол белгісі туралы түсінгенін айтып береді.
Балалар орындарын ауыстырып, орталықтарда жұмыстарын аяқтағаннан кейін, сергіту сәтін өлеңнің мазмұнына қарай қимылдар жасау арқылы орындайды

Рефлексиялық-түзетушілік

Педагог балалардан бүгінгі жиыннан алған әсерлерін, көңіл-күйлерін, немен айналысқандарын, не үйренгендерін сұрайды.

Жиыннан алған әсерлерін айта отырып, көңіл-күйлерін дәптердегі таңбаларға белгілейді. Немен айналысқандары, не білгендері, не үйренгендерін әңгімелеп айтады.

Күтілетін нәтиже:
Біледі: жаяу жүргіншілер жолы, жол жиегіндегі жол (тротуар), жол қиылысы, медициналық көмек пункті белгілерін,
Игереді: жаяу жүрген кезде бағдаршамға және белгілерге қарау керектігін; жаяу жүргіншілер жолы, жол жиегіндегі жол (тротуар), жол қиылысы, медициналық көмек пункті белгілерін; автобуста, көлікте басқаларға кедергі жасамай тәртіп сақтауды.
Меңгереді: жол белгілері олардың мағынасын, көлікте басқаларға кедергі жасамай тәртіп сақтауды.