Бой сергіту жаттығулары
Бұл құжатта бой сергіту жаттығуларының маңыздылығы мен орындалуына арналған толық нұсқаулық берілген. Көптеген адамдар үшін, әсіресе, офисте жұмыс істейтіндер үшін, жұмыстағы тыныштық пен стресстің болмауы маңызды. Бой сергіту жаттығулары, сәлемдесу және танысу әдістері жұмыстарын жеңілдету үшін ұсынылған.
Бой сергіту жаттығуларының мақсаты - қатысушылар арасында жағымды атмосфераны құру, эмоциялық қысымды азайту және сенімділік деңгейін көтеру. Жаттығулар қатысушыларға бірігуге, бір-бірі туралы көбірек білуге, сонымен қатар, өмірлік қиындықтармен кездескенде, жиналып, бір-бірімен серіктестік орнатуға мүмкіндік береді.
Жаттығулардың барлығы арнайы құралдарды қажет етпейді және оларды дайындықсыз өткізуге болады. Психологтың жетекшілігімен өткізетін практикалық жаттығулар команда құрамында ынтымақтастықты, шығармашылықты және кез келген қиындықтарды бірлесе жеңудің жолдарын ұсынады. Жаттығулар 10 минутқа созылады және әрқашан қатысушылардың көңіл-күйін көтеруге бағытталған.
Осындай жаттығуларды орындау арқылы топ мүшелері өзара қазіргі күйді жақсартуға, сергіту арқылы дағдыларын жетілдіруге және жұмыс процессінде сергек болуға мүмкіндік алады. Топ мүшелерінің арасы нығая түседі, ал нәтижесінде - үлкен жетістіктерге қол жеткізу ықтималдылығы артады.
Жаттығулардың барысында әркім өз әрекеттері мен эмоцияларына жауап бере отырып, әріптестерімен қарапайым, бірақ, тиімді тәсілдермен жаңа байланыстар орната алады. Осындай элементарлы жаттығуларды жиі өткізу, жай ғана бір-бірімен сөйлесуден бөлек, топтық сезімді нығайтып, команданың жалпы жұмыс нәтижесін жақсартуға ықпал етеді.
Тақырыбы: Бой сергіту жаттығулары
Мақсаты: қатысушылармен танысу, сәлемдесу, өзара жағымды қатынас тудыру. Жұмыс уақытындағы шаршауды болдырмау. Көңіл-күйлерін көтеріп, эмоциялық қысымды жою.
Құралдар: арнайы құралдарды қажет етпейді.
Жүргізілу уақыты: 10 минут.
Барысы:
Психолог: Сәлеметсіздерме, әріптестер! Сіздерді көргеніме қуаныштымын! Жұмыстарыңызға сәттілік тілеймін.
Енді, жұмыстан ойымызды бөліп, жақынырақ танысып, бой сергітіп алсақ.
1-жаттығу.«Сәлем, досым!» сәлемдесу жаттығуы.
Психолог: Мен сәлемдесу сөздерін, сонымен қатар оны қандай қимылмен бірге орындау керек екенінде айтмын. Сіздер осы сөздерді, қимылды пайдалана отырып көршілерімізбен сәлемдесеміз.
Сәлем, досым! – қол алысып амандасады.
Қалың қалай? – бір-бірінің арқасынан қағады.
Қайда болдың? – құлақтарынан тартады.
Сағындық қой – өзіне кеудесін қысып көрсетеді.
Келдің бе? – құшағын жаяды.
Жақсы – құшақтасады.
2-жаттығу. «Сапқа тұр»!
Психолог: Бәріміз бір түзудің бойына сапқа тұрайық. Мен айтқан белгілі бір белгі бойынша тез арада орындарыңызды ауыстырып тұруларыңыз керек. Мысалы:
Атыңыз бойынша (алфавит) ...
Тегіңіз бойынша (алфавит) ...
Туған күндеріңіз бойынша (қаңтардан желтоқсанға) ...
Бойыңыз бойынша(ең ұзынынан) сапқа тұрыңыздар!
Аяқ киім өлшемі бойынша (кіші өлшемнен)...
Шаштарыңыздың ұзындығына сай (қысқадан)...
3-жаттығу. «Тауық күрес» ойыны
Психолог: күнделікті өмірде эмоциямызды сыртқа шығаруға мүмкіндік туа бермейді. Ендеше осы ойында күштері, дене тұрқы сай келетін әріптестерімізбен ортаға шығып күресіп бойымыздағы қысымды сыртқа шығарып алуға тырысайық.
Ол үшін ортаға екі қарсылас шығады. Бұл күрестің қазақша күрестен айырмашылығы қатысушылар бір аяқпен жүріп күреседі. Олар бір аяқпен секіріп жүріп, қарсыласын итеру арқылы тепе-теңдіктен шығару керек. Яғни екінші аяғын түсіріп қойған ойыншы жеңіліс табады. Ойынға 4 адам 2 жұп қатысады. 2 жұптың жеңімпаздары өзара мықтыны анықтайды.
3-жаттығу. «Мәселенің түйіні» жаттығуы
Психолог: бұл жаттығуды орындау үшін 1 минуттан-1 сағатқа дейін уақытты қажет етуі мүмкін. Қазір біз тек өзімізде бар 5 минут уақытты пайдалануға тырысайық.
Бәріміз шеңбер бойына тұрайық. Қолымызды алдымызға созып, көршімізден басқа кез-келген адамның қолынан ұстасып, шиленісейік. Шиеленісіп болсақ, қолымызды жібермей біріміздің арамызда біріміз өту арқылы шешілуге тырысайық. Бұл жерде сіздердің тек 5 минут уақыттарыңыз бар. Осы жеткен жерімізден тоқтайық. Қандай мәселенің, қиындықтын болмасын шешімі бар. Ол үшін сабырлы болып, асықпаған жөн, уақыт емші деген.
Қатысқандарыңызға көптен-көп рахмет!
