Көктем келбеті: Табиғаттың жаңаруы
«Көктем келбеті» атты материал, көктем мезгіліндегі табиғи өзгерістер мен құбылыстарды танып-білу, экология мен табиғатқа деген сүйіспеншілікті арттыру мақсатында құрылған. Бұл құжатта балалардың табиғатты қалай түсінетіні, көктемде орын алатын әдемі оқиғалар және әрекеттерді көрсету қарастырылған. Көктем – бұл жаңару мен ояну уақыты. Әсіресе, бұл мезгілде табиғаттың сұлулығы мен жан дүниесімен байланысу маңызды.
Жобада балалардың кодқа әсер етіп, өз тәжірибелерін, білімдерін және эмоцияларымен бөлісетін орын беріледі. Көктемнің алғашқы жылы сәулелерімен, ағаштардың бүршік атауы мен гүлдердің ашылуымен ерекшеленетін әдемі суреттерді көру арқылы, балалардың көңіл-күйлері мен табиғатқа деген құрметі артады. Көктемде балаларды еңбек сүйгіштікке тәрбиелеу – бұл пайдалы дағдыларды дамытуға себеп болады. Олар ағаштарды отырғызу, табиғатқа қамқорлық жасау, табиғаттық таза ормандар мен гүлдердің сақталуына үлес қосу сияқты қызметтерді үйренеді.
Осы материалда көктем мезгілінің ерекшеліктері, үш тілде сөздер, экология мәселелері мен экологиялық білім берудің қажеттілігі де баса айтылады. Балалар үшін ұйымдастырылған оқу қызметі барысында қызықты дидактикалық ойындар мен зерттеу жұмыстарын жүргізу ұсынылады. Олар, мысалы, көктемгі құстарды бақылап, әр түрлі экологиялық тәжірибелер жасаумен қатар, топта өзара байланыс жасай отырып, білімдерін пысықай алады.
Осылайша, «Көктем келбеті» материалы білім берудің, тәрбиелеудің және дамытудың маңызды элементтерін қамтиды. Ол ұстаздар мен тәрбиешілерге көктемгі табиғатпен тікелей байланыс орнатуға, оның сұлулығын көрсетіп, балалардың қоршаған ортаға деген сүйіспеншілігін қалыптастыруға мүмкіндік береді. Көктемнің қуанышты сәттерін, табиғаттың өзгерістерін, сұлулығын танып-білу арқылы балалар жаңа білім алып, іс-әрекеттерін байытады.
Күні:
Тақырыбы: «Көктем келбеті»
Білім беру саласы:Таным мен Коммуникация
Бөлімдері: Экология мен сөйлеуді дамытудан ашық ұйымдастырылған оқу қызметі
Мақсаты:Көктем мезгіліндегі табиғи құбылыстар,өсімдіктер мен жануарлардағы маусымдық өзгерістер туралы білімдерін бекіту.
Дамытушылық:
Тәрбиелік: Еңбек сүйгіштікке,табиғатты аялауға,қамқорлық жасауға тәрбиелеу.
Үш тілдік: Көктем-весна-sprıng, табиғат-природа-nature, ағаш-дерево-tree,гүл-цветок-flower, күн-солнце-sun.
Көрнекті құралдар: Көктем мезгілінің суреті,субояу,қылқалам,ақ қағаз.
Сөздік жұмыс: табиғат,бүршік жарды.
Өткізген тәрбиеші: Байболқызы Гүлмарал
Балалар бүгін күн қандай тамаша,күн жылынды,көңіл күйіміз жақсы,күн бізге жылуын төгіп тұр. Күніміз жақсы өтуі үшін бәріміз бірге мына өлең шумағын айтайық.
Жарқырап күн ашылды,
Айналаға нұр шашаылды.
Қайырлы күн,қайырлы күн!
Тамаша!
Балалар шеңберге тұрып өлең шумағын айтады.
Ұйымдастырушылық-ізденушілік
Балалар бүгін аптаның нешінші күні?
Аптаның 4ші күні –бейсенбі.
Балалар мен сендердің шапшаңдықтарыңды тексергім келіп тұр. Менің қолымда сиқырлы сурет бар,бірақ ол 4бөлікке бөлінген,суреттердің артқы бөлігінде сұрақтар берілген,кім дұрыс жауап берсе,суретіміз құрастырылады.
1.Көктем мезгілінде неше ай бар? Атап беріңдер? Қазір қандай ай?
Көктем мезгілінде үш ай бар.Наурыз,сәуір,мамыр.
2.Көктемде қандай жұмыстар жасалады?
Көктемде ауланы,көшелерді тазартады,ағаштардың түбінің топырағын қопсытады,ағаштарды әктейді,құстарға ұя жасайды,ағаштар егеді.
3.Көктемде қандай құстар ұшып келеді?
Көктемде тырналар,қарлығаштар,қарғалар,сары шымшықтар ұшып келеді.
4. көктем мен қыстың қандай айырмашылықтары бар?
Қыста қар жауса,көктемде қар ериді,қыста аяз болса,көктемде аяз болмайды, қыста ағаштарды қырау басады,көктемде ағаштар бүршік атады,қыста қар қатады,көктемде ағаштар бүршік атады,қыста қар қатады,көктемде қар ериді.
Балалар сұрақтарға дұрыс жауап бердіңдер. Қарандаршы суретте не бейнеленген?
Балалардың жауаптары: Табиғат бейнеленген.
Табиғаттың қай мезгілі бейнеленген?
Көктем мезгілі бейнеленген .
Балалар осы суретімізге ат қояйықшы,қандай ат қойғыларын келеді?
Мысалы, менің «Табиғат-Ана», «Шуақты көктем» дегім келіп тұр. Осы аттардың қайсысы ұнайды?
Балалардың жауаптары: «Табиғат-Ана» деп атайды.
Балалар ендеше өздерің айтқандай мен сендерге «Табиғат-Ана» туралы ертегі оқып берейін.
Табиғат ананың Жер,Су,Ағаш деген үш ұлы болыпты.Олар өте ақылды,мейрімді екен. Табиғат-
Ана бір күні ұлдарын шақырып алып:
Адамдарға көп қызмет еткен ұлыма үлкен сый тартамын,-деп уәде береді.
Сонда ұлдары анасының айтқанына қуана келісіп,адамдарға жақсылық жасауға жолға шығыпты.
Үшеуі үш жаққа кетіп,адамдарға көп игілікті істер жасапты. Күндердің күнінде үшеуі еліне қайтып оралғанда.Аналардың бұрынғыдан да бетер көріктене түскеніне риза болған ұлдары:
Апатай, Сіз қандай керемет күйге түскенсіз,бұның сыры неде?-дегенде
Табиғат-Ана:
Аяулы ұлдарым менің,бұның сыры сендердің адамзатқа жасаған қайырымдылықтарында,-деп жауап береді. Содан бері Жер ,Су,Ағаш аналарының сұлулығын сақтап қалу үшін,адамдарға адал қызмет етумен келеді екен. Табиғат-Ананың ұлдары адамдарға қандай игілікті істер жасады?
Табиғат-Ананың сұлулығын сақтау үшін адамдар не істеу керек?
Балалар табиғат пен адам бір-бірімен байланысты,адамның табиғатсыз тіршілігі жоқ. Бізді қоршаған ортаның бәрі табиғат.
Көзге арналған жаттығу
Күн таңертең тұрды ерте,
Санап бұлтты неше мәрте.
Жоғары қарады,
Төмен қарады,
Оңға және солға,
Көзін ашып қарады.
Дереу көзін жұмып алды,
Оянғысы келмей қалды.
«Күн сәулесі» дидактикалық ойыны
Балалардың мойнына күннің көзі салынған медальдар тағады.
-Міне,сендер енді кішкентай күннің шуағысыңдар. Ал енді күннің жұмысына кірісейік. Жан-жақтарыңа қараңдаршы,мүмкін бір жерлерде ерімей қалған қар бар ма екен? Оны тауып еріту керек. Барлығымыз іздейік!
Табақшаға салынған қарды тауып алады.
-Ой,қар үйіндісі қалып қойыпты ғой. Ерітеміз,ерітеміз.
Сиқырланған сияқты алақанымен қарды жабады.
Тәрбиеші алдын ала табақтың астына жылы су құйылған ыдыс қойып қояды.
-Қар қандай күйге айналып Барады? Күннің көзі қарды ерітті.
Зерттеу жұмысы
Тәрбиеші балаларға өнген пияздармен топырақ салынған ыдыстар әкеледі. Балалармн бірге пияздарды топыраққа отырғызады.
Бақылау жұмысы
Апта күндері салынған кесте қағаздары балаларға тарқатылады.
Бұл кестеге балалар бүгінгі ауа-райының құбылыстарын салғызады.
Сұрақтарға жауап береді.
Сұрақтарға жауап береді
Ертегі тыңдайды.
Көз жаттығуын жасайды.
Мойындарына күннің көзі салынған медальдар тағып, «күн көзіне»айналады.
Қимылдарды тәрбиешімен бірге жасайды.
Қарлы ұстап көреді.
Зерттеу жұмысын жасайды.
Бақылау жұмысын жасайды.
Рефлексиялық-түзетушілік
Бүгін қандай ім-әрекет болды?
Балалар біз қандай сурет құрастырдық?
Суретке қандай ат қойдық?
Ертегі не жайлы айтылды?
Қандай ойын ойнадық?
Зерттеу жұмысында не зерттедік?
Бақылау жұмысында қандай жұмыс жасадық?
Бүгін бәрінде өте жақсы қатыстыңдар,зерттеу жұмысында өте ұқыптылықпен орындадындар.
Балалар сұрақтарға толық жауап береді.
Күтілетін нәтижелер:
Нені білді: Құрастырған суреттерінде табиғат бейнеленгенін білді.
Нені меңгерді: ертегіні ұқият тыңдап,табиғат-ананың адамдарға қандай игілікті істер істегенін,табиғат-ананың сұлулығын сақтау үшін адамдар не істеу керектігін меңгерді.
Нені жасай алады:Зерттеу мен бақылау жұмыстарын.
